ബിഗ് ബോസില് മത്സരിച്ചതോടെയായിരുന്നു പേളി മാണിയെ പ്രേക്ഷകര് അടുത്തറിഞ്ഞത്. പുറമെ കാണുമ്പോള് ബോള്ഡായി തോന്നാറുണ്ടെങ്കിലും യഥാര്ത്ഥത്തില് താനിങ്ങനെയാണെന്ന് പേളി വ്യക്തമാക്കിയതും ഈ ഷോയിലൂടെയായിരുന്നു. സഹമത്സരാര്ത്ഥിയായ ശ്രീനിയുമായി പ്രണയത്തിലായതും ഷോയില് വെച്ചായിരുന്നു. ഷോ കഴിഞ്ഞ് അധികം വൈകാതെ തന്നെ ഇരുവരും ജീവിതത്തിലൊന്നിക്കുകയായിരുന്നു. വിവാഹ ശേഷമുള്ള വിശേഷങ്ങള് പങ്കിട്ടും ഇവരെത്താറുണ്ട്. അഭിനയവും അവതരണവും മാത്രമല്ല പാട്ടും തനിക്കും വഴങ്ങുമെന്ന് തെളിയിച്ച പേളിയുടെ പുതിയ പാട്ട് വൈറലായി മാറിക്കൊണ്ടിരിക്കുകയാണ്. വിശേഷങ്ങളിലേക്ക്.
ക്രേസി വേള്ഡെന്ന വീഡിയോയുമായാണ് പേളി എത്തിയത്. നല്ലൊരു പാട്ടുകാരി കൂടിയാണ് താനെന്ന് പേളി വീണ്ടും തെളിയിച്ചിരിക്കുകയാണെന്നായിരുന്നു ആരാധകര് പറഞ്ഞത്. ഗാനരചനയും സംവിധാനവുമൊക്കെയായി സകലകലവല്ലഭയായി മാറിയല്ലോ, ഈ ഗാനം നല്കുന്ന പോസിറ്റിവിറ്റിയെക്കുറിച്ച് പറയാതിരിക്കാനാവില്ല, ഇനിയും ഇത് പോലെയുള്ള ഗാനങ്ങളുമായെത്തണമെന്നുമായിരുന്നു ആരാധകര് കമന്റ് ചെയ്തത്.
മകളായ നിലയെക്കുറിച്ചും പേളി വാചാലയായിരുന്നു. അവൾക്കും ഈ ഗാനം ഇഷ്ടമാണ്. നിലയെ ഗര്ഭിണിയായിരിക്കുമ്പോഴാണ് ഞാന് ഈ പാട്ട് പാടിയത്. എന്രെ പാട്ട് കേട്ട് അവളും പാടിത്തുടങ്ങിയെന്നായിരുന്നു പേളി കുറിച്ചത്. നിലയുടെ വരവിന് ശേഷം ജീവിതത്തിലുണ്ടായ മാറ്റങ്ങളെക്കുറിച്ച് പറഞ്ഞും പേളിയും ശ്രീനിയും എത്തിയിരുന്നു.
ഇത് പേളിയുടെ മാത്രം പാട്ടാണ്, ഞാനില്ലെങ്കില് നിങ്ങള്ക്ക് വിഷമമുണ്ടാവുമെന്നറിയാം, അടുത്ത പാട്ടില് എന്നെ കൂട്ടുമായിരിക്കുമെന്നായിരുന്നു ശ്രീനിയുടെ കമന്റ്. തനിക്ക് പാട്ട് ഇഷ്ടമായെന്നും അദ്ദേഹം പറഞ്ഞിരുന്നു. പേളിയുടെ വരികളും ജസ്റ്റിന്റെ മ്യൂസിക്കും ക്യാമറ. ജസ്റ്റിനും പേളിയും ചേര്ന്നാല് അടിപൊളി കോംപോയാണ്, അനിരുദ്ധും ധനുഷും പോലെ, കേള്ക്കാന് നല്ല സുഖമുണ്ടെന്നായിരുന്നു ശ്രീനിയോട് പേളി പറഞ്ഞത്.
അര്ധരാത്രിയില് ഭക്ഷണം ഉണ്ടാക്കി കഴിച്ച വീഡിയോയുമായി ശ്രീനിയും പേളിയും എത്തിയിരുന്നു. ഞങ്ങളുടെ ടൈമാണ് ഇതെന്ന് പറഞ്ഞായിരുന്നു പേളി എത്തിയത്. രാത്രിയില് ഉറക്കമില്ലാത്തവര്ക്കായി ഈ വീഡിയോ സമര്പ്പിക്കുന്നുവെന്നുമായിരുന്നു പേളി കുറിച്ചത്. ബിഗ് ബോസ് എപ്പിസോഡാണ് ഈ വീഡിയോ കണ്ടപ്പോള് ഓര്മ്മ വന്നതെന്നായിരുന്നു ആരാധകരുടെ കമന്റുകള്.
നിലയെന്ന പേരിനെക്കുറിച്ചും പേളി തുറന്നുപറഞ്ഞിരുന്നു. ആദ്യം തന്നെ പേര് കണ്ടെത്തിയിരുന്നു. ചന്ദ്രന് എന്നാണ് പേരിന്റെ അര്ത്ഥം. നിലയുടെ മാമോദീസയുടേയും ചോറൂണ് ചടങ്ങിന്റേയും ചിത്രങ്ങള് സോഷ്യല് മീഡിയയിലൂടെ വൈറലായി മാറിയിരുന്നു. എല്ലാ കാര്യങ്ങളും അറിഞ്ഞ് തന്നെ മകള് വളരട്ടെയെന്നായിരുന്നു ആരാധകര് പറഞ്ഞത്.
Content Highlight: Pelly Mani says that Nila has got that ability too! Take over and fans!
