---
title: "ജീവിതവുമായി ബന്ധിച്ച പല കാര്യങ്ങളുണ്ട് ,ടാറ്റൂ എനിക്ക് തമാശയല്ല-ടാറ്റൂ വിശേഷങ്ങളുമായി ശ്രുതി രജനികാന്ത്"
english_title: "There are many things related to life, tattoo is not a joke for me - Shruti Rajinikanth with tattoo specials"
publisher: "moviemax.in"
canonical_url: "https://moviemax.in/news/3319/there-are-many-things-related-to-life-tattoo-is-not-a-joke-for-me-shruti-rajinikanth-with-tattoo-specials"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/61403dec3d4d1_sruthi2.jpg"
keywords: []
---

# ജീവിതവുമായി ബന്ധിച്ച പല കാര്യങ്ങളുണ്ട് ,ടാറ്റൂ എനിക്ക് തമാശയല്ല-ടാറ്റൂ വിശേഷങ്ങളുമായി ശ്രുതി രജനികാന്ത്

> **Lead Summary:** വളരെ പെട്ടന്ന് തന്നെ ടെലിവിഷന്‍ ജനപ്രിയ ഹാസ്യ പരമ്പരയായി മാറിയതാണ് 'ചക്കപ്പഴം'.ചക്കപ്പഴത്തിലെ ഓരോ കഥാപാത്രവും പ്രേഷകര്‍ക്കിടയില്‍ സ്ഥാനം പിടിച്ചിട്ടുണ്ട്. അവരിൽ ഒരാളാണ് പൈങ്കിളി എന്ന കഥാപാത്രമായി എത്തുന്ന ശ്രുതി രജനികാന്ത്. ബാല താരമായി സീരിയലിൽ എത്തുകയും, സിനിമയിൽ അരങ്ങേറ്റം കുറിക്കുകയും ചെയ്ത താരമായ ശ്രുതിയുടെ ടാറ്റൂ വിശേഷങ്ങളാണ് ഇപ്പോള്‍ വൈറലാവുന്നത്.

## Article Content

വളരെ പെട്ടന്ന് തന്നെ ടെലിവിഷന്‍ ജനപ്രിയ ഹാസ്യ പരമ്പരയായി മാറിയതാണ് 'ചക്കപ്പഴം'.ചക്കപ്പഴത്തിലെ ഓരോ കഥാപാത്രവും പ്രേഷകര്‍ക്കിടയില്‍ സ്ഥാനം പിടിച്ചിട്ടുണ്ട്. അവരിൽ ഒരാളാണ് പൈങ്കിളി എന്ന കഥാപാത്രമായി എത്തുന്ന ശ്രുതി രജനികാന്ത്. ബാല താരമായി സീരിയലിൽ എത്തുകയും, സിനിമയിൽ അരങ്ങേറ്റം കുറിക്കുകയും ചെയ്ത താരമായ ശ്രുതിയുടെ ടാറ്റൂ വിശേഷങ്ങളാണ് ഇപ്പോള്‍ വൈറലാവുന്നത്.

ഒരു സെക്കൻഡ് ടാറ്റൂ ചെയ്യണം എന്ന ആഗ്രഹം ഉണ്ടായിരുന്നു എങ്കിലും പെട്ടെന്ന് അതുചെയ്യാൻ കാരണം, ടാറ്റൂ ചെയ്ത സ്ഥാപനത്തിൽ നിന്നും എന്നെ വിളിച്ചതുകൊണ്ടാണ്. ഇതിന്റെ ഡിസൈൻ ഞാൻ തന്നെയാണ് ചെയ്തത്. എന്റെ ജീവിതവുമായി റിലേറ്റഡായിരിക്കണം എന്റെ ടാറ്റൂ എന്ന് എനിക്ക് നിർബന്ധം ഉണ്ടായി. അങ്ങനെ ഞാൻ എന്റെ ഐഡിയ ഡിസൈനർക്ക് കൈമാറി. ഈ ടാറ്റൂ ഞങ്ങളുടെ ആർട്ട് ഡയറക്റ്റർ മഹേഷിനെക്കൊണ്ട് പറഞ്ഞു വരപ്പിച്ചിട്ട് ചെയ്തതതാണ്.

ഒരു ചൈനീസ് കോൺസെപ്റ്റും ഒപ്പം എന്റെ ലൈഫ് ലൈനും കൂടി ചേർത്തിട്ടാണ് ടാറ്റൂ വരച്ചിരിക്കുന്നത്. ടാറ്റൂവിനുള്ളിലെ രണ്ടു ഹാർട്ട് ലൈഫ് ലൈൻ കണക്റ്റ് ചെയ്തിരിക്കുന്നതാണ്. പിന്നെ ഇഷ്ടപെട്ട കുറച്ചു റോമൻ നമ്പേഴ്സ് ഉണ്ട്. അതേപോലെ തന്നെ ഇതിൽ ഉള്ളത് ഒരു പേനയാണ്. എനിക്ക് എഴുതാൻ വളരെ ഇഷ്ടമാണ്. അത് അധികം ആർക്കും അറിയാത്ത കാര്യമാണ്. ഇൻസ്റ്റയിൽ ചില കോട്ടുകൾ, വരികൾ ഒക്കെയും പങ്കുവക്കാറുണ്ട്. വായനാശീലം കുറവാണെങ്കിലും എഴുത്തിനോട് ഒരു പ്രത്യേക ഇഷ്ടമുണ്ട്.

> പേനക്ക് മുന്പിലുള്ളത് രക്തമാണ്. അപ്പോൾ മഷിക്ക് പകരം പേനയിലൂടെ രക്തം ഒഴുകി അവിടെ നിന്നും ഹാർട്ടിലേക്ക് എന്റെ ലൈഫെ ലൈനിലേക്ക് കടക്കുന്ന ഒരു കൺസെപ്റ്റ്. എന്റെ ജീവിതത്തിലെ ഏറ്റവും പ്രധാന സംഭവങ്ങൾ, രഹസ്യങ്ങൾ ഒക്കെയും ഈ ടാറ്റൂവിൽ ഞാൻ കൊണ്ടുവന്നു എന്നുള്ളതാണ്. തമാശയ്ക്ക് വേണ്ടി, അല്ലെങ്കിൽ ആളുകളെ അട്രാക്റ്റ് ചെയ്യാൻ വേണ്ടി ഞാൻ ടാറ്റൂ ചെയ്യില്ല. പണ്ടുള്ള ആളുകൾ ശിലകളിൽ കൊത്തിവയ്ക്കില്ലേ സന്ദേശങ്ങൾ അതേപോലെ ഒന്ന് ചെയ്തുവെന്ന് മാത്രം", ശ്രുതി പറഞ്ഞു നിർത്തി.

സാദാ നാട്ടിൻ പുറത്തുകാരിയായ ശ്രുതി ഒരു അഭിനേത്രി മാത്രം അല്ല, മോഡലിംഗ്, നൃത്തം, ഏവിയേഷൻ, ജേർണലിസം അങ്ങനെ ശ്രുതി കൈവക്കാത്ത മേഖലകൾ ചുരുക്കം ചിലതാണ്. ശ്രുതി ആദ്യമായി അഭിനയത്തിലേക്ക് വരുന്നത് രണ്ടാം ക്ലാസിൽ പഠിക്കുമ്പോഴാണ് .ഉണ്ണിക്കുട്ടൻ എന്ന് പറയുന്ന ഒരു കോമിക് സീരീസ് ഉണ്ടായിരുന്നു.അതിൽ ഈ ഉണ്ണിക്കുട്ടന്റെ ചേച്ചി ആയിട്ടാണ് ക്ഷണം കിട്ടിയതെങ്കിലും പിന്നീട് ഉണ്ണിക്കുട്ടൻ ആയി മാറുകയായിരുന്നു ശ്രുതി. സോഷ്യൽ മീഡിയയിൽ സജീവമായ ശ്രുതി ഫോട്ടോഷൂട്ട് ചിത്രങ്ങളും പങ്ക് വയ്ക്കാറുണ്ട്.

### Related Links & Sources
- [Original Story Source](https://moviemax.in/news/3319/there-are-many-things-related-to-life-tattoo-is-not-a-joke-for-me-shruti-rajinikanth-with-tattoo-specials)