ജീവിതത്തില് സൗഹൃദങ്ങള് എന്നും വിലപ്പെട്ടതാണ്. സിനിമയിലുള്ള ഒരുപാട് സൗഹൃദ ബന്ധങ്ങള് ചര്ച്ചയാവാറുണ്ട്.സിനിമയിലുള്ള മിക്ക താരങ്ങൾ തമ്മിലും യഥാർത്ഥ ജീവിതത്തിൽ ഏറെ സൗഹൃദം കാത്തു സൂക്ഷിക്കുന്നവരാണ്.അത്തരത്തിൽ മലയാള സിനിമ പ്രേക്ഷകർക്ക് ഏറെ അറിവുള്ള സൗഹൃദങ്ങളിൽ ഒന്നാണ് ഗായിക റിമി ടോമിയും, നടി കാവ്യാ മാധവനും തമ്മിലുള്ളത്. ഇരുവരും തമ്മിലുള്ള പല വിശേഷങ്ങളും സമൂഹ മാധ്യമങ്ങളിൽ വഴി ഏറെ ചർച്ച ചെയ്യാപെട്ടിട്ടുമുണ്ട്. ഇരുവരും മാത്രമല്ല അവരുടെ കുടുംബങ്ങൾ തമ്മിലും, ഏറെ ബന്ധം കാത്തുസൂക്ഷിക്കാറുണ്ട്.
രണ്ടുപേരും മുപ്പത്തിയേഴിലേക്ക് ഈ സെപ്റ്റംബറിൽ കടക്കുകയും ചെയ്യും. കാവ്യക്ക് സെപ്റ്റംബർ പത്തൊൻപതിനു പിറന്നാൾ ദിനമാണ്. ആരാധകരെല്ലാം ദിവസമെണ്ണി കാത്തിരിക്കുകയുമാണ്. ഈ അവസരത്തിലാണ് ഇരുവരുടെയും സ്നേഹത്തെയും സമ്മാന കൈമാറ്റത്തെയും കുറിച്ചുള്ള വിശേഷങ്ങൾ സോഷ്യൽ മീഡിയ വഴി വൈറൽ ആകുന്നത്.
പല അഭിമുഖങ്ങളിലും റിമി കാവ്യയെക്കുറിച്ചും, കാവ്യ റിമിയെക്കുറിച്ചും സംസാരിച്ചിട്ടുള്ളത് ഏറെ വൈറൽ ആയിട്ടുണ്ട്. ഇരുവരുടെയും വിവാഹവാർത്തയും ഏറെ ചർച്ച ചെയ്യപ്പെട്ട കാര്യങ്ങളാണ്. ഇപ്പോഴിതാ ഒരു യൂ എസ് ട്രിപ്പിനിടയിൽ സംഭവിച്ച ചില കാര്യങ്ങളെകുറിച്ച് കാവ്യ പറഞ്ഞ വാക്കുകൾ ആണ് വീണ്ടും വൈറലായി മാറുന്നത്. കാവ്യയുടെ വാക്കുകളിലേക്ക്. റിമിയും ഞാനും ഒരേ സൺ സൈനാണ്. വിർഗോ. പല കാര്യങ്ങളിലും ഞങ്ങൾ ഒരേ സ്വഭാവം ആണുള്ളത്. അവളും ഞനുമായുള്ള ബന്ധത്തിന് ആത്മബന്ധവും അൽപ്പം കൂടുതലാണ്. അതുകൊണ്ടുതന്നെ ഇടയ്ക്കിടെ വഴക്കുകളും പതിവാണ്. മീശമാധവനിലെ ചിങ്ങമാസം പാട്ടൊക്കെ പാടും മുൻപേ തന്നെ എനിക്ക് റിമിയെ അറിയാം.
2010 ൽ ഒരു യു എസ് ഷോയ്ക്ക് ഞങ്ങൾ ഒരുമിച്ചാണ് പോയത് ഷോയുടെ ആദ്യ ദിവസങ്ങളിൽ ഒന്നും ആരും ഷോപ്പിംഗിനു പോകില്ല. എല്ലാവരും ആ സമയത്തു നല്ല ടെൻഷനിൽ ആകും. ഷോ നന്നായി വന്നു എന്ന് ഉറപ്പായാൽ മാത്രമാണ് ഷോപ്പിങ്ങിനൊക്കെ പോവുക. ഷോ രണ്ടാഴ്ച പിന്നിട്ടപ്പോൾ ഞങ്ങൾക്കൊക്കെ നല്ല ആത്മ വിശ്വാസമായി. ആത്മവിശ്വാസം വന്ന ശേഷം ഞങ്ങൾ ഒരു ദിവം ഷോപ്പിങ്ങിനിറങ്ങി. മാളിൽ എത്തിയതും ഞങ്ങൾ എല്ലാവരും പല ഗ്രൂപ്പുകളായി പിരിഞ്ഞു. പറഞ്ഞ സമയത്ത് എല്ലാവരും ഒരു സ്ഥലത്ത് തിരികെ എത്തണം എന്നുപറഞ്ഞുകൊണ്ടാണ് പിരിഞ്ഞതും. ഞങ്ങളുടെ സംഘത്തിൽ ഞാനുമുണ്ട്, റിമിയും ഉണ്ട്. മറ്റുകുറച്ചുപേരുകൂടിയുണ്ട്. അങ്ങനെ മുൻപോട്ട് പോകുന്നതിന്റെ ഇടയിൽ ഒരു ഘട്ടത്തിൽ ഞാനും റിമിയും വഴക്കായി. ഞങ്ങൾ തമ്മിൽ മിണ്ടില്ലെന്ന അവസ്ഥ വരെയുണ്ടായി. പറഞ്ഞ സമയത്ത് എല്ലാവരും തിരികെ എത്തി. റിമിയെ മാത്രം കാണാനില്ല. എല്ലാവർക്കും ടെൻഷനായി. റിമിയുടെ അമ്മ ഉൾപ്പെടെ എല്ലാവരും പേടിച്ചു നിൽക്കുമ്പോൾ റിമി തിരികെ എത്തി. ഒരു കടയിൽ നിന്നുമാണ് ഞങ്ങൾക്ക് അരികിലേക്ക് അവൾ ഓടിയെത്തിയത്. എല്ലാവരും എവിടെ പോയിരുന്നു എന്ന് ചോദിച്ചിട്ടും അവൾ ഒന്നും മറുപടി നൽകിയില്ല.
ഞാനും അവളും മാത്രമായപ്പോൾ അവൾ എനിക്ക് നേരെ ഒരു സമ്മാനപ്പൊതി നീട്ടി. തുറന്നു നോക്കുമ്പോൾ അതിൽ അപ്രതീക്ഷിതമായൊരു സമ്മാനം. അവൾ എനിക്ക് തന്ന പൊതി തുറന്നു നോക്കിയപ്പോൾ, വിലകൂടിയ ഒരു കൂളിംഗ് ഗ്ലാസ് ആയിരുന്നു അതിൽ. എന്നോടുള്ള പിണക്കം മാറ്റാൻ ഒരു സമ്മാനം തേടി നടന്നതാണ് അവൾ. അതിനാണ് അവൾ ലേറ്റ് ആയതും വഴക്ക് കേട്ടതും. എനിക്കും സങ്കടം വന്നു. ഞാൻ അവളെ കെട്ടിപിടിച്ചു. ഞാൻ വയ്ക്കുന്നതരം കണ്ണട ആയിരുന്നില്ലെങ്കിലും, ഞാനത് സൂക്ഷിച്ചു വച്ചു.
Content Highlight: The intimacy between her and me is a little too much — Kavya about Rimi
