---
title: "'ലെച്ചു'വിൻ്റെ അമ്മയുടെ വിയോഗം വിശ്വസിക്കാനാകാതെ ആരാധകർ!"
english_title: "Fans can't believe the demise of 'Lechu''s mother!"
publisher: "moviemax.in"
canonical_url: "https://moviemax.in/news/3306/fans-cant-believe-the-demise-of-lechus-mother"
published_at: "2021-10-04T21:49:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/613dbb64d94e1_joohi2.jpg"
keywords: []
---

# 'ലെച്ചു'വിൻ്റെ അമ്മയുടെ വിയോഗം വിശ്വസിക്കാനാകാതെ ആരാധകർ!

> **Lead Summary:** ജനപ്രിയ പരമ്പരയായിരുന്ന ഉപ്പും മുളകും താരം ജൂഹി റുസ്തഗിയുടെ അമ്മ ഭാഗ്യലക്ഷ്മി വാഹനാപകടത്തില്‍ മരണപ്പെട്ടത് ഇന്നലെയാണ്. ഇരുമ്പനം സീപോര്‍ട്ട് എയര്‍പോര്‍ട്ട് റോഡില്‍ എച്ച്‌പിസിഎല്ലിന് മുന്നില്‍ വച്ചായിരുന്നു അപകടം നടന്നത്. ഭാഗ്യലക്ഷ്മിയും മകനും സഞ്ചരിച്ചിരുന്ന സ്കൂട്ടറില്‍ പിന്നാലെ വന്ന ലോറി ഇടിച്ചതോടെ സ്കൂട്ടറില്‍നിന്നു തെറിച്ചു വീണ ഭാഗ്യലക്ഷ്മി തല്‍ക്ഷണം മരിക്കുകയായിരുന്നു. പരിക്കുകളോടെ ജൂഹിയുടെ സഹോദരന്‍ ചിരാഗിനെ ആശുപത്രിയിൽ പ്രവേശിപ്പിച്ചിരിക്കുകയാണ്. ചിരാഗിൻ്റെ ആരോഗ്യനില മെച്ചപ്പെട്ടുവെന്നും സുരക്ഷിതനാണെന്നുമാണ് ഇപ്പോൾ ലഭിക്കുന്ന വിവരം.

## Article Content

ജനപ്രിയ പരമ്പരയായിരുന്ന ഉപ്പും മുളകും താരം ജൂഹി റുസ്തഗിയുടെ അമ്മ ഭാഗ്യലക്ഷ്മി വാഹനാപകടത്തില്‍ മരണപ്പെട്ടത് ഇന്നലെയാണ്. ഇരുമ്പനം സീപോര്‍ട്ട് എയര്‍പോര്‍ട്ട് റോഡില്‍ എച്ച്‌പിസിഎല്ലിന് മുന്നില്‍ വച്ചായിരുന്നു അപകടം നടന്നത്. ഭാഗ്യലക്ഷ്മിയും മകനും സഞ്ചരിച്ചിരുന്ന സ്കൂട്ടറില്‍ പിന്നാലെ വന്ന ലോറി ഇടിച്ചതോടെ സ്കൂട്ടറില്‍നിന്നു തെറിച്ചു വീണ ഭാഗ്യലക്ഷ്മി തല്‍ക്ഷണം മരിക്കുകയായിരുന്നു. പരിക്കുകളോടെ ജൂഹിയുടെ സഹോദരന്‍ ചിരാഗിനെ ആശുപത്രിയിൽ പ്രവേശിപ്പിച്ചിരിക്കുകയാണ്. ചിരാഗിൻ്റെ ആരോഗ്യനില മെച്ചപ്പെട്ടുവെന്നും സുരക്ഷിതനാണെന്നുമാണ് ഇപ്പോൾ ലഭിക്കുന്ന വിവരം.

മരണ വാർത്ത അറിഞ്ഞപ്പോൾ മുതൽ ലെച്ചു എന്ന ജൂഹിയുടെ മുഖമാണ് മനസിൽ വരുന്നതെന്നാണ് ആരാധകർ ഒന്നടങ്കം പറയുന്നത്.  വർഷങ്ങൾക്ക് മുൻപ് തന്നെ ജൂഹിയുടെ അച്ഛനും മരിച്ചിരുന്നു. പപ്പയുടെ വിയോഗശേഷം അമ്മയും ചേട്ടനുമായിരുന്നു എല്ലാമെന്ന് പലപ്പോഴും ജൂഹി പറഞ്ഞിട്ടുണ്ട്. 'അമ്മയും പോയി... ഞെട്ടലോടെ ആണ് ജൂഹിയുടെ അമ്മയുടെ വേർപാടിനെ കുറിച്ച് അറിഞ്ഞത്. ഇപ്പോഴും വിശ്വസിക്കാൻ പറ്റുന്നില്ല.

സഹോദരൻ ചിരാഗിനൊപ്പം സഞ്ചരിക്കുമ്പോൾ ആണ് അപകടം നടന്നത് എന്നാണ് അറിയാൻ കഴിഞ്ഞത്. അദ്ദേഹത്തിന് എത്രയും വേഗം സുഖം പ്രാപിക്കട്ടെ.' 'വാർത്ത അറിഞ്ഞത് മുതൽ ജൂഹിയുടെ മുഖമാണ് മനസ്സിൽ തെളിയുന്നത്.. എത്രമാത്രം വേദനിക്കുന്നുണ്ടാകും ആ മനസ്സ്... എഴുതാൻ വാക്കുകൾ കിട്ടുന്നില്ല.. ഭാഗ്യലക്ഷ്മി അമ്മയ്ക്ക് ആദരാഞ്ജലികൾ..... അമ്മയുടെ വേർപാട് ഉൾക്കൊള്ളാൻ ജൂഹിക്കും സഹോദരൻ ചിരാഗിനും സാധിക്കട്ടെ...' ആരാധകർ ഫേസ്ബുക്കിൽ കുറിച്ചിരിക്കുന്നത് ഇങ്ങനെയാണ്.

ഉപ്പും മുളകും പരമ്പരയില്‍ ലക്ഷ്മി ബാലചന്ദ്രനെന്ന ലച്ചുവിനെ അവതരിപ്പിച്ചായിരുന്നു ജൂഹി റുസ്തഗി ശ്രദ്ധ നേടിയത്. ചുരുങ്ങിയ കാലം കൊണ്ട് ജൂഹി ആരാധകരുടെ സ്വന്തമായി മാറുകയായിരുന്നു. വിവാഹത്തോടെ ലച്ചുവെന്ന കഥാപാത്രം പരമ്പരയില്‍ നിന്നും അപ്രത്യക്ഷയായെങ്കിലും ജൂഹിയുടെ വിശേഷങ്ങളെല്ലാം ആരാധകര്‍ അറിയുന്നുണ്ടായിരുന്നു. സ്വന്തമായി യൂട്യൂബ് ചാനല്‍ തുടങ്ങിയ ജൂഹി വിശേഷങ്ങളെല്ലാം പങ്കുവെച്ച് എത്താറുണ്ട്. കൊച്ചിയിലുണ്ടായ വാഹനാപകടത്തെ തുടര്‍ന്നായിരുന്നു അന്ത്യം. അമ്മയെക്കുറിച്ച് വാചാലയായുള്ള ജൂഹിയുടെ അഭിമുഖം വീണ്ടും വൈറലായി മാറിയിരുന്നു.

രാജസ്ഥാന്‍ സ്വദേശിയായിരുന്നു ജൂഹിയുടെ പിതാവ്. അമ്മ ഭാഗ്യലക്ഷ്മി മലയാളിയാണ്. കൊച്ചിയില്‍ ബിസിനസായിരുന്നു അച്ഛന്. മലയാളികളേയും കേരളത്തേയും ഒരുപാട് ഇഷ്ടപ്പെട്ടിരുന്ന അദ്ദേഹം മലയാളി പെണ്‍കുട്ടിയെ വിവാഹം ചെയ്യുകയായിരുന്നു. ചിരാഗ് രുസ്തഗിയെന്നാണ് ജൂഹിയുടെ സഹോദരന്റെ പേര്. രുസ്തഗി എന്നത് രാജസ്ഥാനില്‍ അച്ഛന്റെ കാസ്റ്റാണ് റുസ്തഗി. പപ്പയില്ലാത്തതിനാല്‍ അമ്മയാണ് എല്ലായിടത്തും കൂട്ടുവരുന്നത്. ദൂരേക്ക് പോവുകയാണെങ്കില്‍ ചേട്ടന്‍ വരും. മികച്ച പിന്തുണയാണ് വീട്ടുകാരില്‍ നിന്നും ലഭിക്കുന്നതെന്നും ജൂഹി വ്യക്തമാക്കിയിരുന്നു. എന്തെങ്കിലും മനസ്സ് വിഷമിപ്പിക്കുന്ന കാര്യമുണ്ടായാല്‍ അമ്മ പറയുന്നത് അതൊക്കെ ഈ ഫീല്‍ഡില്‍ പതിവല്ലേ, വിട്ടുകള എന്നായിരുന്നുവെന്നും ജൂഹി പറഞ്ഞിരുന്നു. നല്ല സപ്പോര്‍ട്ടാണ്.

പപ്പയുടെ കുടുംബം മുഴുവനും ഡല്‍ഹിയിലും രാജസ്ഥാനിലാണ്. അച്ഛന്റേയും അമ്മയുടേയും കുടുംബം മികച്ച പിന്തുണയാണ് നല്‍കുന്നത്. ഭാഷ അറിയില്ലെങ്കിലും പപ്പയുടെ വീട്ടുകാരും പരിപാടി കാണാറുണ്ടെന്നുമായിരുന്നു ജൂഹി പറഞ്ഞിരുന്നു. ഇടയ്ക്ക് ഉപ്പും മുളകും പരമ്പരയിൽ ഭാഗ്യലക്ഷ്മി അതിഥി വേഷം അവതരിപ്പിക്കുകയും ചെയ്തിരുന്നു. ഇന്ന് തന്നെ സംസ്കാരം നടക്കുമെന്നാണ് അറിയാൻ സാധിച്ചിട്ടുള്ളത്. ചോറ്റാനിക്കരയിലുള്ള ജൂഹിയുടെ അമ്മയുടെ വസതിയിൽ വെച്ചാകും സംസ്കാരച്ചടങ്ങുകൾ നടക്കുക എന്നാണ് ബന്ധപ്പെട്ട വൃത്തങ്ങൾ നൽകുന്ന സൂചന. തീർത്തും അപ്രതീക്ഷിതമായാണ് ലെച്ചുവിൻ്റെ അമ്മയുടെ വിയോഗ വാർത്ത ആരാധകർക്ക് കേൾക്കേണ്ടി വന്നത്. അറിഞ്ഞവരൊക്കെ തന്നെ സോഷ്യൽ മീഡിയയിലൂടെ ലെച്ചുവിൻ്റെ അമ്മയ്ക്ക് ആദരാഞ്ജലികൾ നേർന്നിരുന്നു.

### Related Links & Sources
- [Original Story Source](https://moviemax.in/news/3306/fans-cant-believe-the-demise-of-lechus-mother)