---
title: "'സോണി LIV ആപ്ലിക്കേഷനിലൂടെ സെപ്റ്റംബർ 17 ന് കാണെക്കാണെ ഒ.ടി.ടി റിലീസിന്"
english_title: "The OTT release is set to be seen on September 17th via the Sony LIV app"
publisher: "moviemax.in"
canonical_url: "https://moviemax.in/news/3296/the-ott-release-is-set-to-be-seen-on-september-17th-via-the-sony-liv-app"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/613c55f5593ab_tovino4.jpg"
keywords: []
---

# 'സോണി LIV ആപ്ലിക്കേഷനിലൂടെ സെപ്റ്റംബർ 17 ന് കാണെക്കാണെ ഒ.ടി.ടി റിലീസിന്

> **Lead Summary:** ട്രാഫിക്, അയാളും ഞാനും തമ്മിൽ, മുംബൈ പോലീസ്, ഹൗ ഓള്‍ഡ് ആര്‍ യു, കായംകുളം കൊച്ചുണ്ണി, ഉയരെ ഉള്‍പ്പെടെ ഒട്ടേറെ മികച്ച ചിത്രങ്ങൾക്ക് തിരക്കഥയൊരുക്കിയിട്ടുള്ള ബോബി-സഞ്ജയ്‌ ടീം തിരക്കഥയൊരുക്കുന്ന ടൊവിനോ തോമസ്, ഐശ്വര്യ ലക്ഷ്മി എന്നിവരെ കേന്ദ്രകഥാപാത്രങ്ങളാക്കി മനു അശോകൻ സംവിധാനം ചെയ്യുന്ന ചിത്രമായ കാണെക്കാണെ പ്രഖ്യാപന വേളയിൽ തന്നെ ഏറെ ശ്രദ്ധിക്കപ്പെട്ടിരുന്നു. 'ഉയരെ'യ്ക്ക് ശേഷം മനു അശോകൻ സംവിധാനം ചെയ്യുന്ന ചിത്രത്തിന്‍റെ പുതിയ വിശേഷം പുറത്ത് വിട്ടിരിക്കുകയാണ് ഇപ്പോൾ. സുരാജ് വെഞ്ഞാറമൂടും ശ്രുതി രാമചന്ദ്രനുമാണ് ചിത്രത്തിലെ മറ്റ് പ്രധാന താരങ്ങൾ. പ്രേം പ്രകാശ്, റോണി ഡേവിഡ് രാജ് എന്നിവരും ചിത്രത്തിൽ പ്രധാന വേഷങ്ങളില്‍ എത്തുന്നുണ്ട്.

## Article Content

ട്രാഫിക്, അയാളും ഞാനും തമ്മിൽ, മുംബൈ പോലീസ്, ഹൗ ഓള്‍ഡ് ആര്‍ യു, കായംകുളം കൊച്ചുണ്ണി, ഉയരെ ഉള്‍പ്പെടെ ഒട്ടേറെ മികച്ച ചിത്രങ്ങൾക്ക് തിരക്കഥയൊരുക്കിയിട്ടുള്ള ബോബി-സഞ്ജയ്‌ ടീം തിരക്കഥയൊരുക്കുന്ന ടൊവിനോ തോമസ്, ഐശ്വര്യ ലക്ഷ്മി എന്നിവരെ കേന്ദ്രകഥാപാത്രങ്ങളാക്കി മനു അശോകൻ സംവിധാനം ചെയ്യുന്ന ചിത്രമായ കാണെക്കാണെ പ്രഖ്യാപന വേളയിൽ തന്നെ ഏറെ ശ്രദ്ധിക്കപ്പെട്ടിരുന്നു. 'ഉയരെ'യ്ക്ക് ശേഷം മനു അശോകൻ സംവിധാനം ചെയ്യുന്ന ചിത്രത്തിന്‍റെ പുതിയ വിശേഷം പുറത്ത് വിട്ടിരിക്കുകയാണ് ഇപ്പോൾ. സുരാജ് വെഞ്ഞാറമൂടും ശ്രുതി രാമചന്ദ്രനുമാണ് ചിത്രത്തിലെ മറ്റ് പ്രധാന താരങ്ങൾ. പ്രേം പ്രകാശ്, റോണി ഡേവിഡ് രാജ് എന്നിവരും ചിത്രത്തിൽ പ്രധാന വേഷങ്ങളില്‍ എത്തുന്നുണ്ട്.

ചിത്രമിപ്പോൾ പ്രേക്ഷകരിലേക്ക് എത്താനൊരുങ്ങുകയാണ്. ചിത്രത്തിൻ്റെ അണിയറപ്രവർത്തകർ തന്നെയാണ് റിലീസ് വിവരം പുറത്ത് വിട്ടത്. റിലീസ് തീയ്യതി പുറത്ത് വിട്ടുകൊണ്ട് ചിത്രത്തിലെ നായകൻ ടൊവിനോ കുറിച്ചിരിക്കുന്ന വാക്കുകൾ ഇങ്ങനെയാണ്. 'ഒരു നടനെന്ന നിലയിൽ, സ്പെക്ട്രത്തിനുള്ളിൽ വ്യത്യസ്ത ശ്രേണികളിലുള്ള വ്യത്യസ്ത കഥാപാത്രങ്ങൾ നൽകുന്നത് എന്നെ ആവേശഭരിതനാക്കുകയാണ്. തീവ്രമായ കാഴ്ചാനുഭവം സമ്മാനിച്ച കളയ്ക്ക് ശേഷം, എന്റെ അടുത്ത റിലീസിലേക്കുള്ള ടീസർ ഇതാ എന്നു കുറിച്ചുകൊണ്ടാണ് താരം പുത്തൻ വിശേഷം പങ്കുവെച്ചത്. പ്രിയ ബോബിയും സഞ്ജയും എഴുതിയ, മനു അശോകന്റെ കൗതുകകരമായ കാണെക്കാണെ.

'സോണി LIV ആപ്ലിക്കേഷനിലൂടെ സെപ്റ്റംബർ 17 -നാണ് ചിത്രം റിലീസ് ചെയ്യുന്നത്. നിങ്ങൾക്കെല്ലാവർക്കും ഇത് കാണാൻ കാത്തിരിക്കാനാവില്ല! എന്ന് കുറിച്ചുകൊണ്ടാണ് ടൊവിനോ ടീസർ പങ്കുവെച്ചിരിക്കുന്നത്.'. നിരവധി പേർ ആശംസകളുമായി രംഗത്തെത്തിയിട്ടുമുണ്ട്. സിനിമാപ്രേമികളെല്ലാം ഇനിയും കാത്തിരിക്കാനാവില്ല എന്നാണ് കുറിച്ചിരിക്കുന്നത്. ആല്‍ബി ആന്‍റണി ഛായാഗ്രഹണവും അഭിലാഷ് ചന്ദ്രന്‍ എഡിറ്റിംഗും നിര്‍വ്വഹിക്കുന്നു. ജോസഫിലൂടെ ശ്രദ്ധിക്കപ്പെട്ട രഞ്ജിന്‍ രാജാണ് ചിത്രത്തിന് സംഗീതം ഒരുക്കുന്നത്.

### Related Links & Sources
- [Original Story Source](https://moviemax.in/news/3296/the-ott-release-is-set-to-be-seen-on-september-17th-via-the-sony-liv-app)