സ്‌കൈ ഡൈനിങിൽ സഞ്ചാരികള്‍ കുടങ്ങിയ സംഭവം; ഉടമകള്‍ക്കെതിരെ കേസെടുത്തു

സ്‌കൈ ഡൈനിങിൽ സഞ്ചാരികള്‍ കുടങ്ങിയ സംഭവം; ഉടമകള്‍ക്കെതിരെ കേസെടുത്തു
Nov 29, 2025 07:51 AM | By Athira V

ഇടുക്കി: ആനച്ചാലില്‍ വിനോദസഞ്ചാരികള്‍ സ്‌കൈ ഡൈനിങില്‍ കുടുങ്ങിയ സംഭവത്തില്‍ കേസെടുത്തു. വെള്ളത്തൂവല്‍ പൊലീസാണ് സ്വമേധയാ കേസെടുത്തത്. സ്ഥാപന ഉടമ ചിറക്കല്‍പുരയിടത്തില്‍ വീട്ടില്‍ സോജന്‍ ജോസഫിനെ ഒന്നാം പ്രതിയാക്കിയാണ് കേസെടുത്തത്. മറ്റൊരു ഉടമ ചീനിക്കുഴി സ്വദേശി പ്രവീണ്‍ രണ്ടാം പ്രതിയാകും.

ആവശ്യമായ സുരക്ഷാ സംവിധാനങ്ങള്‍ ഇല്ലാതെയാണ് സതേണ്‍ സ്‌കൈസ് എയറോ ഡയനാമിക് പ്രവര്‍ത്തിച്ചിരുന്നത് എന്നാണ് പൊലീസ് നിഗമനം.

സ്ഥാപനം പൊതുജന സുരക്ഷയ്ക്ക് വീഴ്ച വരുത്തിയെന്നും എഫ്‌ഐആറില്‍ പറയുന്നു. ഇന്നലെ ഒന്നര മണിക്കൂറിലധികമാണ് കുട്ടികളടക്കമുള്ളവര്‍ സ്‌കൈ ഡൈനിങിൽ കുടങ്ങിയത്.

രണ്ടും നാലും വയസ്സുള്ള കുഞ്ഞുകള്‍ ഉള്‍പ്പെടെ അഞ്ച് പേര്‍ സ്‌കൈ ഡൈനിങിൽ ഉണ്ടായിരുന്നു. നാലരമണിക്കൂര്‍ നീണ്ട സാഹസിക രക്ഷാപ്രവര്‍ത്തനത്തിനൊടുവില്‍ അഗ്നിരക്ഷാസേന എത്തിയാണ് അഞ്ചുപേരെയും സുരക്ഷിതമായി താഴെയിറക്കിയത്.

സംഭവത്തില്‍ ജില്ലാ കളക്ടര്‍ തഹസില്‍ദാറോട് റിപ്പോര്‍ട്ട് തേടിയിരുന്നു. സ്ഥാപനത്തിന് സ്റ്റോപ്പ് മെമ്മോ നല്‍കും. പ്രവര്‍ത്തനം താല്‍ക്കാലികമായി നിര്‍ത്തിയിരിക്കുകയാണ്. വിശദമായ പരിശോധനയ്ക്ക് ശേഷം മാത്രം സ്ഥാപനം തുറന്നുപ്രവര്‍ത്തിക്കാനാകൂ. സ്ഥാപനത്തിന്റെ രേഖകള്‍ ഉടമകള്‍ ഇന്ന് തഹസില്‍ദാരുടെ ഓഫീസില്‍ ഹാജരാക്കും.

കേരളത്തില്‍ അത്ര പ്രചാരമില്ലാത്ത സാഹസിക വിനോദമാണ് സ്‌കൈ ഡൈനിങ്. 150 അടി ഉയരത്തില്‍ ഇരുന്ന് കാഴ്ചകള്‍ കണ്ടു ഭക്ഷണം കഴിക്കാം. ഒരുമാസം മുമ്പാണ് പ്രദേശത്ത് സ്‌കൈ ഡൈനിങ് പ്രവര്‍ത്തനം ആരംഭിച്ചത്.



Tourists trapped in Sky Dining; Case filed against owners

Next TV

Related Stories
തിരശ്ശീല വീണപ്പോഴും കപ്പ്  കൈവിട്ടി; 64-ാമത് കോഴിക്കോട് റവന്യൂജില്ലാ കലോത്സവത്തിൽ ഓവറോൾ ചാമ്പ്യന്മാരായി കോഴിക്കോട് സിറ്റിഉപജില്ല

Nov 29, 2025 08:53 AM

തിരശ്ശീല വീണപ്പോഴും കപ്പ് കൈവിട്ടി; 64-ാമത് കോഴിക്കോട് റവന്യൂജില്ലാ കലോത്സവത്തിൽ ഓവറോൾ ചാമ്പ്യന്മാരായി കോഴിക്കോട് സിറ്റിഉപജില്ല

64-ാമത് കോഴിക്കോട് റവന്യൂജില്ലാ കലോത്സവം , ഓവറോൾ ചാമ്പ്യന്മാരായി കോഴിക്കോട് സിറ്റിഉപജില്ല...

Read More >>
'പാപം ചെയ്യാത്തവര്‍ കല്ലെറിയട്ടെ...'; രാഹുല്‍ മാങ്കൂട്ടത്തിലിനെ ന്യായീകരിച്ച് കോണ്‍ഗ്രസ് മുഖപത്രമായ വീക്ഷണം

Nov 29, 2025 08:31 AM

'പാപം ചെയ്യാത്തവര്‍ കല്ലെറിയട്ടെ...'; രാഹുല്‍ മാങ്കൂട്ടത്തിലിനെ ന്യായീകരിച്ച് കോണ്‍ഗ്രസ് മുഖപത്രമായ വീക്ഷണം

കോണ്‍ഗ്രസ് മുഖപത്രമായ വീക്ഷണം, ''പാപം ചെയ്യാത്തവര്‍ കല്ലെറിയട്ടെ'', രാഹുല്‍ മാങ്കൂട്ടത്തില്‍...

Read More >>
മലപ്പുറത്ത് കെഎസ്ആര്‍ടിസി ബസ് ലോറിയിലിടിച്ച് അപകടം; നിരവധി യാത്രക്കാര്‍ക്ക് പരിക്ക്, ഒരാളുടെ നില ഗുരുതരം

Nov 29, 2025 07:06 AM

മലപ്പുറത്ത് കെഎസ്ആര്‍ടിസി ബസ് ലോറിയിലിടിച്ച് അപകടം; നിരവധി യാത്രക്കാര്‍ക്ക് പരിക്ക്, ഒരാളുടെ നില ഗുരുതരം

മലപ്പുറത്ത് അപകടം, തിരൂരങ്ങാടിയിൽ ബസ് ലോറിയിലിടിച്ച് അപകടം, യാത്രക്കാര്‍ക്ക്...

Read More >>
Top Stories










News Roundup