---
title: "സീരിയസായി ഒരാളെ പ്രണയിച്ചു; ആദ്യ പ്രണയം തകർന്നതിനെക്കുറിച്ച് ഭാവന"
english_title: "Seriously fell in love with someone; Imagination of a first love breakup"
publisher: "moviemax.in"
canonical_url: "https://moviemax.in/news/3282/seriously-fell-in-love-with-someone-imagination-of-a-first-love-breakup"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/6139cc3494702_bhavana.jpg"
keywords: []
---

# സീരിയസായി ഒരാളെ പ്രണയിച്ചു; ആദ്യ പ്രണയം തകർന്നതിനെക്കുറിച്ച് ഭാവന

> **Lead Summary:** മലയാളികള്‍ക്ക് ഏറെയിഷ്ടമുള്ള അഭിനേത്രികളിലൊരാളാണ് ഭാവന. വ്യത്യസ്തമായ കഥാപാത്രങ്ങളുമായി തിളങ്ങിയിരുന്ന താരം ഇടക്കാലത്ത് മലയാളത്തില്‍ നിന്നും അപ്രത്യക്ഷയാവുകയായിരുന്നു. അന്യഭാഷയില്‍ സജീവമായ താരം മലയാളത്തിലേക്ക് തിരിച്ചെത്തുന്നതിനായി കാത്തിരിക്കുകയാണ് ആരാധകര്‍.

## Article Content

മലയാളികള്‍ക്ക് ഏറെയിഷ്ടമുള്ള അഭിനേത്രികളിലൊരാളാണ് ഭാവന. വ്യത്യസ്തമായ കഥാപാത്രങ്ങളുമായി തിളങ്ങിയിരുന്ന താരം ഇടക്കാലത്ത് മലയാളത്തില്‍ നിന്നും അപ്രത്യക്ഷയാവുകയായിരുന്നു. അന്യഭാഷയില്‍ സജീവമായ താരം മലയാളത്തിലേക്ക് തിരിച്ചെത്തുന്നതിനായി കാത്തിരിക്കുകയാണ് ആരാധകര്‍.

നമ്മള്‍ എന്ന ചിത്രത്തിലെ പരിമളത്തെ പ്രേക്ഷകര്‍ ഇന്നും മറന്നിട്ടില്ല. കാര്‍ത്തികയെ ഭാവനയായി പരിചയപ്പെടുത്തിയ ചിത്രത്തിന് ഗംഭീരമായ പിന്തുണയായിരുന്നു ലഭിച്ചത്.

ആദം ജോണിലായിരുന്നു ഒടുവിലായി ഭാവനയെ മലയാളത്തില്‍ കണ്ടത്. മലയാള സിനിമയില്‍ സജീവമല്ലെങ്കിലും സോഷ്യല്‍ മീഡിയയിലൂടെ വിശേഷങ്ങള്‍ പങ്കുവെച്ചെത്താറുണ്ട് ഭാവന.

പ്രണയ പരാജയത്തെക്കുറിച്ച് തുറന്നുപറഞ്ഞുള്ള ഭാവനയുടെ അഭിമുകം സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. വിശദമായി വായിക്കാം. ഭാവനയുടെ വാക്കുകള്‍

ഗേള്‍സ് ഓണ്‍ലി സ്‌കൂളിലാണ് പഠിച്ചത്. അവിടെ പ്രേമിക്കാന്‍ സ്‌കോപ്പില്ലായിരുന്നു. പിന്നെ 15ാമത്തെ വയസ്സിലാണ് സിനിമയില്‍ വന്നത്. ആദ്യമൊക്കെ കുട്ടി, കൊച്ചുകുട്ടി എന്നൊക്കെയായിരുന്നു വിശേഷിപ്പിച്ചത്.

അന്ന് അത് കേട്ടിരുന്നപ്പോള്‍ പ്രത്യേകിച്ച് വിഷമമൊന്നും തോന്നിയിരുന്നില്ല. 20ാമത്തെ വയസ്സിലൊരു പ്രണയമുണ്ടായിരുന്നു. പ്രണയത്തെക്കുറിച്ച് ആ പ്രണയം കുറച്ച് സീരിയസായിരുന്നു.

എനിക്കും ആള്‍ക്കും സീരിയസായിരുന്നു. എന്നാല്‍ എന്റെ ഫാമിലിക്ക് അതത്ര സീരിയസായിരുന്നില്ല. നിങ്ങള്‍ സീരിയസായാല്‍ ഞങ്ങളും സീരിയസ് എന്ന അവസ്ഥയായിരുന്നു.

എന്റെ ഫാമിലിയില്‍ ആര്‍ക്കും താല്‍പര്യമുണ്ടായിരുന്നില്ല. അത് കൂടാതെ വേറെയും കുറച്ച് കാര്യങ്ങളുണ്ടായിരുന്നു. വലിയൊരു പ്രായവ്യത്യാസമുണ്ടായിരുന്നു.

അച്ഛനും അമ്മയ്ക്കുമൊന്നും താല്‍പര്യമുണ്ടായിരുന്നില്ല. പ്രണയ വിവാഹം അത് വര്‍ക്കൗട്ടാവാതെ അങ്ങനെ പോയി. എന്റെ വിവാഹം ലവ് മാര്യേജാണ്. ആദ്യം ഞങ്ങള്‍ സുഹൃത്തുക്കളായിരുന്നു.

അതിന് ശേഷം പ്രണയത്തിലായി, പിന്നെ കല്യാണം കഴിച്ചു. ഇപ്പോള്‍ സന്തോഷത്തോടെ ജീവിക്കുന്നുവെന്നുമായിരുന്നു ഭാവന പറഞ്ഞത്. റോമിയോ എന്ന കന്നഡ സിനിമയ്ക്കിടയിലായിരുന്നു ഭാവനയും നവീനും പ്രണയത്തിലായത്.

സിനിമാനടിയാവണം ചെറുപ്പത്തില്‍ മോള്‍ക്ക് ആരാവണം എന്ന് ചോദിച്ചിരുന്ന സമയത്ത് സിനിമാനടിയാവണമെന്നായിരുന്നു പറഞ്ഞത്. എല്ലാവരും ചിരിക്കുമായിരുന്നു അത് കേട്ട്.

മനസ്സിന്റെ ഒരു കോണില്‍ ആ മോഹം കൊണ്ടുനടന്നിരുന്നു. അമ്മ എന്തെങ്കിലും ചെയ്യാന്‍ പറഞ്ഞാല്‍ ഭാവിയിലെ ഹീറോയിനോടാണ് അമ്മ ഇങ്ങനെ പറയുന്നത്.

അഭിനയിക്കേണ്ട കൈയ്യാണ് എന്നൊക്കെ പറയുമായിരുന്നു. ഉള്ളില്‍ എനിക്ക് അങ്ങനെയുണ്ടെങ്കിലും അതങ്ങ് സംഭവിക്കുകയായിരുന്നു. സന്തോഷത്തോടെ ജീവിക്കുക തുടക്കത്തില്‍ സിനിമ എങ്ങനെയാണെന്നൊന്നും അറിയില്ല.

19 വര്‍ഷമായി സിനിമയിലെത്തിയിട്ട്. ആകെയൊരു ജീവിതമേയുള്ളൂ, നന്നായി ജീവിക്കുക. ആരേയും ബുദ്ധിമുട്ടിക്കാതെ സന്തോഷമായിട്ട് ജീവിക്കുക. നമ്മുടെ കുടുംബവും സുഹൃത്തുക്കളുമാണ് നമ്മുടെ ശക്തി.

മറ്റാര്‍ക്കും ഉപദ്രവമാകാതെ സന്തോഷത്തോടെ ജീവിക്കുകയെന്നാണ് ഞാന്‍ എല്ലാവരോടും പറയാറുള്ളതെന്നുമായിരുന്നു ഭാവന പറഞ്ഞത്.

### Related Links & Sources
- [Original Story Source](https://moviemax.in/news/3282/seriously-fell-in-love-with-someone-imagination-of-a-first-love-breakup)