ജയസൂര്യ-മഞ്ജു വാര്യർ ചിത്രം 'മേരി ആവാസ് സുനോ' ലൊക്കേഷൻ ചിത്രങ്ങൾ പുറത്ത് വിട്ടിരിക്കുകയാണ് അണിയറ പ്രവര്ത്തകര്.വ്യത്യസ്ഥമായ രണ്ടു ചിത്രങ്ങളിലൂടെ ഏറെ ശ്രദ്ധേയനായ സംവിധായകനാണ് ജി.പ്രജേഷ് സെൻ. ക്യാപ്റ്റൻ, വെള്ളം എന്നീ ചിത്രങ്ങളാണ് പ്രജേഷ് സെന്നിൻ്റെ ചിത്രങ്ങൾ. ഏറെ ചർച്ച ചെയ്യപ്പെട്ടതായിരുന്നു ഈ ചിത്രങ്ങൾ. പ്രജേഷ് സെന്നിൻ്റെ മൂന്നാമത്തെ ചിത്രമായി ഒരുങ്ങുകയാണ് 'മേരി ആവാസ് സോനാ'. ജയസൂര്യയും മഞ്ജു വാര്യരും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രം പ്രശസ്ത നിർമ്മാതാവ് ബി.രാകേഷ് യുണിവേഴ്സൽ സിനിമാസിൻ്റെ ബാനറിൽ നിർമ്മിക്കുന്നു.
ഒരു റേഡിയോ ജോക്കിയുടെ കഥാപാത്രത്തെയാണ് ഈ ചിത്രത്തിൽ ജയസൂര്യ അവതരിപ്പിക്കുന്നത്. ആർ.ജെ.ശങ്കർ, അതാണ് ജയസൂര്യ അവതരിപ്പിക്കുന്ന കഥാപാത്രത്തിൻ്റെ പേര്.
ആർ.ജെ.കൾ എപ്പോഴും പ്രേഷകരുടെ ഇഷ്ട കഥാപാത്രവുമാണ്. വശ്യമായ വാക്ചാതുര്യത്തോടെ പ്രേഷകരെ വശീകരിക്കുന്ന കഥാപാത്രങ്ങൾ. ഇവിടെ ശങ്കറും അങ്ങനത്തെ ഒരു കഥാപാത്രമാണ്.
ആർ.ജെ.ശങ്കറിൻ്റെ ജീവിതത്തിലേക്ക് അവിചാരിതമായി കടന്നു വരികയാണ് ഡോ.രശ്മി. ഡോ.രശ്മിയുടെ സാന്നിദ്ധ്യം ശങ്കറിൻ്റെ ജീവിതത്തിൽ ഉണ്ടാക്കുന്ന ചില മാറ്റങ്ങലാണ് ഏറെ ഹൃദ്യമായ മുഹൂർത്തങ്ങളിലൂടെ ഈ ചിത്രത്തിലൂടെ പ്രജേഷ് സെൻ അവതരിപ്പിക്കുന്നത്. മഞ്ജു വാര്യരാണ് ഡോ.രശ്മിയെ അവതരിപ്പിക്കുന്നത്.
മഞ്ജുവിൻ്റെ ഏറെ അഭിനയസാദ്ധ്യതകൾ നിറഞ്ഞ ഒരു കഥാപാത്രമായിരിക്കുമിതെന്ന് സംവിധായകൻ പറയുന്നു. ശിവദയാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.ജോണി ആൻ്റണി, സുധീർ കരമന, സോഹൻ സീനുലാൽ, അരുൺ, ജി.സുരേഷ് കുമാർ, ഗൗതമി നായർ, ദേവി അജിത്, എന്നിവർക്കൊപ്പം പ്രശസ്ത സംവിധായകരായ ഷാജി കൈലാസും ശ്യാമപ്രസാദ്യം അതിഥി താരങ്ങളായും അഭിനയിക്കുന്നു.
ഹരിനാരായണൻ്റെ വരികൾക്ക് എം.ജയചന്ദ്രൻ ഈണം പകർന്നിരിക്കുന്നു. വിനോദ് ഇല്ലമ്പള്ളി ഛായാഗ്രഹണവും ബി ജിത് ബാല എഡിറ്റിംഗും നിർവ്വഹിക്കുന്നു. കലാസംവിധാനം ത്യാഗു തവനൂർ. മേക്കപ്പ് പ്രദീപ് രംഗൻ, കോസ്റ്റ്യം ഡിസൈൻ സമീരാ സനിഷ്, ചീഫ് അസോസ്സയേറ്റ് ഡയറക്ടർ ജിബിൻ ജോൺ, പ്രോജക്റ്റ് ഡിസൈനർ ബാദ്ഷ, പ്രൊഡക്ഷൻ കൺട്രോളർ ജിത്ത് പിരപ്പൻകോട്, വാർത്ത പ്രചരണം വാഴൂർ ജോസ്, ഫോട്ടോ ലിബിസൺ ഗോപി എന്നിവരാണ്.
Content Highlight: Activists release 'Mary Awas Suno' location pictures
