---
title: "അഭിയെയും മഹിയെയും ഏറ്റെടുത്ത് ആരാധകര്‍ -വൈറലായി അഭിയുടെയും മഹിയുടെയും പുത്തൻ വിശേഷം!"
english_title: "Fans take over Abhi and Mahi - Viral news of Abhi and Mahi going viral!"
publisher: "moviemax.in"
canonical_url: "https://moviemax.in/news/3232/fans-take-over-abhi-and-mahi-viral-news-of-abhi-and-mahi-going-viral"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/61334016bfcb2_abi.jpg"
keywords: []
---

# അഭിയെയും മഹിയെയും ഏറ്റെടുത്ത് ആരാധകര്‍ -വൈറലായി അഭിയുടെയും മഹിയുടെയും പുത്തൻ വിശേഷം!

> **Lead Summary:** യൂട്യൂബിൽ അഭിയ്ക്കും മഹിയ്ക്കും നിരവധി ആരാധകരാണുള്ളത്. പുറത്ത് വരുന്ന ഓരോ എപ്പിസോഡിനും ലഭിക്കുന്ന സ്വീകാര്യത അത് അടിവരയിട്ട് വ്യക്തമാക്കുന്നുമുണ്ട്. ലോക്ക് ഡൌൺ കാലത്ത് ഷൂട്ട് മുടങ്ങിയപ്പോൾ നിരവധി പേരായിരുന്നു സീരീസ് ഉടനെത്തിക്കണമെന്ന ആവശ്യവുമായി രംഗത്തെത്തിയത്. മിനിസ്ക്രീൻ രംഗത്തെ നിറസാന്നിധ്യമായ അനുക്കുട്ടി അനുവാണ് മഹിയായി വേഷമിടുന്നത്. അഭിയായി എത്തുന്നത് ജീവനാണ്.

## Article Content

യൂട്യൂബിൽ അഭിയ്ക്കും മഹിയ്ക്കും നിരവധി ആരാധകരാണുള്ളത്. പുറത്ത് വരുന്ന ഓരോ എപ്പിസോഡിനും ലഭിക്കുന്ന സ്വീകാര്യത അത് അടിവരയിട്ട് വ്യക്തമാക്കുന്നുമുണ്ട്. ലോക്ക് ഡൌൺ കാലത്ത് ഷൂട്ട് മുടങ്ങിയപ്പോൾ നിരവധി പേരായിരുന്നു സീരീസ് ഉടനെത്തിക്കണമെന്ന ആവശ്യവുമായി രംഗത്തെത്തിയത്. മിനിസ്ക്രീൻ രംഗത്തെ നിറസാന്നിധ്യമായ അനുക്കുട്ടി അനുവാണ് മഹിയായി വേഷമിടുന്നത്. അഭിയായി എത്തുന്നത് ജീവനാണ്.

പക്വത എത്താത്ത പ്രായത്തിൽ പ്രണയിച്ച് വിവാഹിതരായ രണ്ട് പേരുടെ ദാമ്പത്യ ജീവിത കഥയാണ് സീരീസിൻ്റെ പ്രമേയം. ഒരു ഭാര്യയുടെയും ഭർത്താവിന്റെയും അത്രമേൽ സന്തുഷ്ടമല്ലാത്ത എന്നാല്‍  പ്രണയാര്‍ന്ത്ര കുറുമ്പുകളേറിയ നുറുങ്ങു ജീവിതം കുറച്ചു നർമ്മം കലർത്തി അവതരിപ്പിച്ച് മുന്നോട്ടു പോവുന്ന ഒരു പരമ്പരയാണ് അഭി വെഡ്സ് മഹി. പുതിയ തലമുറയുടെ ദമ്പതികളുടെ ജീവിതത്തിൽ സാധാരണ സംഭവിക്കുന്ന കുറുമ്പുകളും കുന്നായ്മകളും തമാശകളും എല്ലാം ഒട്ടും നാടകീയതയില്ലാതെ സീരീസിന് അവതരിപ്പിക്കാനാകുന്നുമുണ്ട്.

ഈ പരമ്പരയുടെ പുതിയ കഥാഗതി പ്രേക്ഷകർക്കിടയിൽ ചർച്ചയായി മാറിയിട്ട് കുറച്ചായി. കഴിഞ്ഞ കുറച്ച് എപ്പിസോഡുകളായി പരമ്പരയുടെ കഥാഗതിയിലുണ്ടായ മാറ്റം മഹിയ്ക്ക് ദേഷ്യമുണ്ടാകുന്ന തരത്തിലുള്ളതാണ്. പരമ്പരയുടെ എപ്പിസോഡുകൾ മില്യൺ കണക്കിന് കാഴ്ചക്കാരെയാണ് സ്വന്തമാക്കി മുന്നേറുന്നത്. അഭി പുറത്ത് പോയശേഷം തിരികെ വന്നപ്പോൾ കൈയ്യിലിരുന്ന കുഞ്ഞിനെ ചുറ്റിപ്പറ്റിയാണ് നിലവിലെ കഥാഗതി വികസിക്കുന്നത്. അഭിയുടെ സുഹൃത്തിൻ്റെ കുഞ്ഞാണ് അത്. എന്നാൽ അത് വിശ്വസിക്കാൻ തയ്യാറാകാത്ത മഹി സുഹൃത്തുക്കളെയൊക്കെ വിളിച്ച് തൻ്റെ ആകുലതയെ പറ്റി പറയുന്നുമുണ്ട്.

സ്റ്റാർ മാജിക്ക് വേദിയുടെ ഹൃദയമിടിപ്പായാണ് അനുക്കുട്ടിയെ വിശേഷിപ്പിക്കാറുള്ളത്. അതിനാൽ തന്നെ അനുവിൻ്റെ ആരാധകരൊക്കെ വീഡിയോ കണ്ട ശേഷം കമൻ്റ് ബോക്സിലുമെത്തിയിട്ടുണ്ട്. സ്റ്റാർ മാജിക്കിൽ നിന്നും നേരേ അഭിയുടെ അടുത്തേക്ക് വന്ന് പൊരിഞ്ഞ അടിയാണല്ലോ എന്നാണ് അനുക്കുട്ടിയുടെ ആരാധകർ സോഷ്യൽ മീഡിയയിൽ കുറിച്ചിരിക്കുന്നത്.

### Related Links & Sources
- [Original Story Source](https://moviemax.in/news/3232/fans-take-over-abhi-and-mahi-viral-news-of-abhi-and-mahi-going-viral)