---
title: "നിങ്ങള്‍ക്ക് പ്രാങ്ക് ചെയ്യാൻ വേറെയാരേയും കിട്ടിയില്ലേ-തനിക്ക് അവാര്‍ഡിനെക്കുറിച്ച്  നടി ഷാലു കുര്യൻ"
english_title: "Did you get anyone else to prank - actress Shalu Kurian about the award for herself"
publisher: "moviemax.in"
canonical_url: "https://moviemax.in/news/3231/did-you-get-anyone-else-to-prank-actress-shalu-kurian-about-the-award-for-herself"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/613332e90360c_manju.jpg"
keywords: []
---

# നിങ്ങള്‍ക്ക് പ്രാങ്ക് ചെയ്യാൻ വേറെയാരേയും കിട്ടിയില്ലേ-തനിക്ക് അവാര്‍ഡിനെക്കുറിച്ച്  നടി ഷാലു കുര്യൻ

> **Lead Summary:** സംസ്ഥാന സർക്കാരിന്‍റെ ടെലിവിഷൻ പുരസ്കാരത്തിൽ മികച്ച രണ്ടാമത്തെ നടിക്കുള്ള പുരസ്കാരം 'അക്ഷരതെറ്റി'ലൂടെ നേടിയിരിക്കുകയാണ് നടി ഷാലു കുര്യൻ. ഇപ്പോഴിതാ തനിക്ക് അവാര്‍ഡ് ലഭിച്ച വിവരം ആദ്യം വിളിച്ചയറിയിച്ചയാളെ കുറിച്ച് വെളിപ്പെടുത്തിരിക്കുകയാണ് താരം. ആദ്യം താനത് വിശ്വസിച്ചില്ലെന്നും പിന്നീട് സത്യമറിഞ്ഞപ്പോൾ അവരോട് ക്ഷമ ചോദിച്ചുവെന്നും ഷാലു പറഞ്ഞിരിക്കുകയാണ്. അവാർഡ് കൂടുതൽ ഉത്തരവാദിത്തം നടിയെന്ന നിലയിൽ തരുന്നുണ്ടെന്നും ഷാലു പറയുന്നു.

## Article Content

സംസ്ഥാന സർക്കാരിന്‍റെ ടെലിവിഷൻ പുരസ്കാരത്തിൽ മികച്ച രണ്ടാമത്തെ നടിക്കുള്ള പുരസ്കാരം 'അക്ഷരതെറ്റി'ലൂടെ നേടിയിരിക്കുകയാണ് നടി ഷാലു കുര്യൻ. ഇപ്പോഴിതാ തനിക്ക് അവാര്‍ഡ് ലഭിച്ച വിവരം ആദ്യം വിളിച്ചയറിയിച്ചയാളെ കുറിച്ച് വെളിപ്പെടുത്തിരിക്കുകയാണ് താരം. ആദ്യം താനത് വിശ്വസിച്ചില്ലെന്നും പിന്നീട് സത്യമറിഞ്ഞപ്പോൾ അവരോട് ക്ഷമ ചോദിച്ചുവെന്നും ഷാലു പറഞ്ഞിരിക്കുകയാണ്. അവാർഡ് കൂടുതൽ ഉത്തരവാദിത്തം നടിയെന്ന നിലയിൽ തരുന്നുണ്ടെന്നും ഷാലു പറയുന്നു.

ഒരു ഷൂട്ടിനിടയിൽ നിൽക്കുമ്പോള്‍ മഞ്ജു ചേച്ചി വിളിച്ച് കൺഗ്രാറ്റ് എന്ന് പറഞ്ഞത്, നിങ്ങള്‍ക്ക് പ്രാങ്ക് ചെയ്യാൻ വേറെയാരേയും കിട്ടിയില്ലേയെന്നാണ് ഞാൻ ആദ്യം തിരിച്ച് ചോദിച്ചത്. നിനക്ക് മനസ്സിലായില്ലേ നിനക്ക് അവാര്‍ഡുണ്ട്, സ്റ്റേറ്റ് അവാര്‍ഡ് എന്ന് മഞ്ജു ചേച്ചി പറഞ്ഞു. ആട്ടെ ആയിക്കോട്ടെ വേറെ വല്ലോം വേണോയെന്നാണ് ഞാനപ്പോള്‍ ചോദിച്ചത്, മനോരമ ന്യൂസിന് നൽകിയ അഭിമുഖത്തിൽ ഷാലു കുര്യൻ പറഞ്ഞിരിക്കുകയാണ്.

അപ്പോള്‍ സാബു ചേട്ടനും നസീർ ചേട്ടനും പറഞ്ഞു, ന്യൂസ് വച്ച് നോക്കാനും അവർ പറഞ്ഞു. ഞാൻ ലൊക്കേഷനിലാണ്, ന്യൂസ് വയ്ക്കാൻ പറ്റാത്ത സാഹചര്യത്തിലാണ്, നിങ്ങളൊക്കെ പ്രാങ്കിന്‍റെ ഉസ്താദുക്കളാണ്, ഞാൻ വിശ്വസിക്കത്തില്ലെന്ന് ഞാൻ പറഞ്ഞു. നിങ്ങള്‍ പ്രാങ്ക് കളിക്കാൻ വേറെയാരേലും നോക്കെന്നും അവരോട് പറഞ്ഞു.പിന്നെ പലരും വിളിച്ച് അഭിനന്ദിച്ച് തുടങ്ങിയപ്പോഴാണ് വിശ്വസിച്ചത്, പിന്നെ ഞാൻ മഞ്ജു ചേച്ചിയെ വിളിച്ച് സോറി പറഞ്ഞു. വീട്ടിൽ ഞാൻ പറഞ്ഞാണ് അറിഞ്ഞത്. അക്ഷരതെറ്റ് സീരിയലിന് വേണ്ടിയാണെന്ന് പറഞ്ഞു. 

അവാര്‍ഡ് വലിയ ഉത്തരവാദിത്തമാണ്. ഈ അംഗീകാരത്തിന്‍റെ പച്ചപ്പുള്ളതിനാൽ അതുപോലുള്ള കഥാപാത്രങ്ങൾ ഇനി തേടുകയെത്തുകയുള്ളൂവെന്ന് പ്രതീക്ഷിക്കുന്നുവെന്നും ഷാലു പറഞ്ഞു. സോഷ്യൽമീഡിയയിൽ ആദ്യമൊക്കെ ബോഡി ഷെയിമിംഗ് വരുമ്പോള്‍ വലിയ സങ്കടമായിരുന്നു. ശേഷം കുറെയാളുകള്‍ അങ്ങനെയായിരിക്കുമെന്ന് കരുതി. പിന്നീട് അത് തിരിഞ്ഞ് നോക്കാതെയായി. ശരീരമൊന്നുമല്ല, ഓരോരുത്തരുടെ ടാലന്‍റാണ് നോക്കേണ്ടത്, നെഗറ്റീവ് നോക്കാതെ എല്ലാം പോസിറ്റീവായി എടുക്കാൻ ശ്രമിക്കുകയാണിപ്പോൾ, ഷാലുവിന്‍റെ വാക്കുകള്‍.

### Related Links & Sources
- [Original Story Source](https://moviemax.in/news/3231/did-you-get-anyone-else-to-prank-actress-shalu-kurian-about-the-award-for-herself)