ബോളിവുഡ് സിനിമാലോകത്ത് തിളങ്ങിയ ജർമ്മൻ സുന്ദരിയാണ് എവ്ലിൻ ശർമ്മ. നൗതങ്കി സാല, യാരിയാൻ, കുച്ച് കുച്ച് ലോചാ ഹേ, ഇഷ്ഖേദാരിയാൻ, ജാക്ക് ആൻഡ് ദിൽ തുടങ്ങിയ നിരവധി സിനിമകളിലൂടെ ശ്രദ്ധ നേടിയ താരം ഈ വർഷം ആദ്യമാണ് ഒരു കുഞ്ഞിന് ജന്മം നൽകിയിരുന്നത്.
മാതൃത്വത്തെ കുറിച്ചും മുലയൂട്ടലിന്റെ പ്രാധാന്യത്തെ കുറിച്ചുമൊക്കെ മോഡലും നടിയുമായ എവ്ലിൻ ശർമ ഇൻസ്റ്റയിൽ പങ്കുവെയ്ക്കാറുണ്ട്. ഇപ്പോഴിതാ പുതിയൊരു ചിത്രം ഏറെ വൈറലായിരിക്കുകയാണ്.
എല്ലാ ദിവസവും എപ്പോഴും എന്ന് കുറിച്ചുകൊണ്ടാണ് ബ്രെസ്റ്റ് ഫീഡിങ് ചെയ്യുന്ന ചിത്രം എവ്ലിൻ ഇൻസ്റ്റഗ്രാമിൽ ഇന്ന് രാവിലെ പങ്കുവെച്ചത്. നടിയെ അനുകൂലിച്ചും പ്രതികൂലിച്ചുമൊക്കെ നിരവധി കമന്റുകള് വരുന്നുമുണ്ട്. മുലയൂട്ടുന്ന ചിത്രത്തിന്റെ പേരിലുള്ള ട്രോളുകളോട് എവ്ലിൻ മുമ്പ് പ്രതികരിച്ചിട്ടുമുള്ളതാണ്.
എവ്ലിന്റെ ചിത്രം പങ്കുവെച്ചുകൊണ്ട് 'സ്നേഹം അതിന്റെ പാരമ്യത്തിൽ' എന്ന് കുറിച്ചിരിക്കുകയാണ് ഇപ്പോള് സംവിധായകൻ ഒമർ ലുലു. 'അമ്മ കുട്ടിക്ക് പാൽ കൊടുക്കേണ്ടത് ഇത് പോലെ കോൺഫിഡന്റായിട്ട് ആണ്, ഒളിച്ചു ചെയ്യേണ്ട പ്രവർത്തി അല്ലാ' എന്നും ഒമർ ഇൻസ്റ്റയിൽ കുറിച്ചിട്ടുണ്ട്. നല്ലതും ചീത്തയുമായ കമന്റുകളും ഇതിന് വരുന്നുണ്ട്.
ഒമർ ലുലു പങ്കുവെച്ച ചിത്രത്തിനെ അനുകൂലിച്ചും പ്രതികൂലിച്ചുമൊക്കെ കമൻറുകൾ വരുന്നുണ്ട്. ഒമറിൻറെ ഭാര്യയെ കുറിച്ചും ചില കമൻറുകൾ വന്നിട്ടുണ്ട്. 'എന്റെ ഭാര്യയുടെ ഒരു കാര്യത്തിലും ഞാന് ഇടപ്പെടാറില്ല എല്ലാം വിധ സ്വാതന്ത്ര്യവും ഉണ്ട്', എന്നാണ് ഇതിന് ഒമർ നൽകിയിരിക്കുന്ന മറുപടി. നെഗറ്റിവിറ്റി സ്പ്രെഡ് ചെയ്യുന്ന കമൻറുകൾ ഡിലീറ്റ് ചെയ്യുമെന്നും ഒമർ അറിയിച്ചിട്ടുണ്ട്.
മുഴുവൻ സമയവും ഇപ്പോൾ കുഞ്ഞിനെ നോക്കലാണ് തന്റെ ജോലിയെന്നും ഉറക്കമില്ലാത്ത രാത്രികളാണെന്നും അതിനുള്ള ശമ്പളം സന്തോഷം നിറഞ്ഞ ആരോഗ്യവാനായ കുഞ്ഞാണ്, അതാണ് അമ്മയെന്ന നിലയ്ക്ക് നിങ്ങൾക്ക് ആകെ വേണ്ടതുമെന്നും മുമ്പ് മുലയൂട്ടലിന്റെ പ്രാധാന്യത്തെ കുറിച്ച് ഇൻസ്റ്റയിൽ പങ്കുവെച്ചിട്ടുള്ളയാളാണ് എവ്ലിൻ.
മുലയൂട്ടുന്ന ചിത്രം പങ്കുവെക്കുന്ന അമ്മമാർ ട്രോളുകൾക്ക് ഇരയാവുന്നതിനെതിരെ എവ്ലിൻ പറഞ്ഞിട്ടുള്ള മുലയൂട്ടുക എന്നത് സർവസാധാരാണവും ആരോഗ്യകരവുമായ കാര്യമാണ്. അവയെക്കുറിച്ചോർത്ത് ലജ്ജിക്കാനേ പാടില്ല എന്നാണ്.
Content Highlight: Breastfeeding is not an act of concealment; Omar Lulu in support of Evelyn Shaurma
