എച്ച് എന്ന ചിത്രത്തിലൂടെ ഒത്തുചേരല് ഉര്വശി, ധ്യാന് ശ്രീനിവാസന്, ശ്രീനാഥ് ഭാസി എന്നിവരെ കേന്ദ്ര കഥാപാത്രമാക്കി മാക്സ്വെല് ജോസ് സംവിധാനം ചെയ്യുന്ന എച്ച് എന്ന ചിത്രത്തില് സുപ്രധാന വേഷത്തില് ശ്രീനിവാസന്.
അരവിന്ദന്റെ അതിഥികള്ക്കുശേഷം ശ്രീനിവാസനും ഉര്വശിയും വീണ്ടും ഒന്നിക്കുന്നുവെന്ന പ്രത്യേകതയുമുണ്ട്. ആഗസ്റ്റില് എച്ചിന്റെ ചിത്രീകരണം ആരംഭിക്കും. മൂന്നുവര്ഷം മുന്പ് വി.എം. വിനു സംവിധാനം ചെയ്ത കുട്ടിമാമ എന്ന ചിത്രത്തിലൂടെയാണ് ശ്രീനിവാസനും ധ്യാനും ആദ്യമായി ഒന്നിക്കുന്നത്.
ശ്രീനിവാസന് അവതരിപ്പിച്ച ശേഖരന്കുട്ടി എന്ന കഥാപാത്രത്തിന്റെ ചെറുപ്പമാണ് ചിത്രത്തില് ധ്യാന് അവതരിപ്പിച്ചത്. ഇതിനുശേഷം ഇരുവരും വീണ്ടും ഒന്നിക്കുകയാണ്. അതേസമയം അഭിനേതാവ് എന്ന നിലയില് ധ്യാന് ശ്രീനിവാസന് നിരവധി ചിത്രങ്ങളാണ് ഒരുങ്ങുന്നത്.
സായാഹ്ന വാര്ത്തകള്, പ്രകാശന് പറക്കട്ടെ, ഹുഗ്വിറ്റ, ഖ്യാലിപഴ്സ്, പാര്ട്ട്ണേഴ്സ്,വീകം, ജോയ് ഫുള് എന്ജോയ്, ഉടല്, ബുള്ളറ്റ് ഡയറീസ് എന്നിവയാണ് പുതിയ ചിത്രങ്ങള്. ഇതില് ജോയ് ഫുള് എന്ജോയ് ചിത്രീകരണ ഒരുക്കത്തിലാണ്.
അതേസമയം ഇടവേളയ്ക്കുശേഷം ശ്രീനിവാസന് അഭിനയരംഗത്തു സജീവമായി. ലൂയിസ് എന്ന ചിത്രത്തില് വേറിട്ട കഥാപാത്രമായാണ് ശ്രീനിവാസന് എത്തുന്നത്. നവാഗതനായ ഷാബു ഉസ്മാന് കോന്നി കഥ എഴുതി സംവിധാനം ചെയ്യുന്ന ലൂയിസ് കോന്നിയിലും പരിസരപ്രദേശങ്ങളിലുമായി പുരോഗമിക്കുന്നു.
സത്യന് അന്തിക്കാട്, ജയറാം, മീര ജാസ്മിന് ചിത്രം മകള് ആണ് ശ്രീനിവാസന്റേ തായി റിലീസിന് ഒരുങ്ങുന്നത്. ഡോ. ഇക്ബാല് കുറ്റിപ്പുറം രചന നിര്വഹിക്കുന്ന ചിത്രത്തില് ശ്രീനിവാസന് സുപ്രധാന കഥാപാത്രത്തെയാണ് അവതരിപ്പിക്കുന്നത്. സത്യന് അന്തിക്കാട് സംവിധാനം ചെയ്ത ഫഹദ് ഫാസില് ചിത്രം ഞാന് പ്രകാശനാണ് ശ്രീനിവാസന് അവസാനം തിരക്കഥ രചന നിര്വഹിച്ചത്.
Content Highlight: Srinivasan and Dhyan reunite
