---
title: "അച്ഛന്റെ വഴിയെ അഭിനയത്തിലേക്ക്; ഈ നടനെ മനസ്സിലായോ?"
english_title: "To acting in his father's way; Do you understand this actor?"
publisher: "moviemax.in"
canonical_url: "https://moviemax.in/news/3154/to-acting-in-his-fathers-way-do-you-understand-this-actor"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6118aae040cd4_Untitled-1.jpg"
keywords: []
---

# അച്ഛന്റെ വഴിയെ അഭിനയത്തിലേക്ക്; ഈ നടനെ മനസ്സിലായോ?

> **Lead Summary:** അച്ഛൻ ബാലൻ കെ നായരുടെ വഴിയെ അഭിനയരംഗത്തേക്ക് എത്തിയ നടനാണ് മേഘനാഥൻ. അമ്പതിലേറെ ചിത്രങ്ങളിൽ ഇതിനകം മേഘനാഥൻ അഭിനയിച്ചുകഴിഞ്ഞു.

## Article Content

അച്ഛൻ ബാലൻ കെ നായരുടെ വഴിയെ അഭിനയരംഗത്തേക്ക് എത്തിയ നടനാണ് മേഘനാഥൻ. അമ്പതിലേറെ ചിത്രങ്ങളിൽ ഇതിനകം മേഘനാഥൻ അഭിനയിച്ചുകഴിഞ്ഞു.

1983ൽ റിലീസ് ചെയ്ത ‘അസ്ത്രം’ എന്ന ചിത്രത്തിലൂടെയായിരുന്നു മേഘനാഥന്റെ സിനിമാ അരങ്ങേറ്റം. അസ്ത്രത്തിൽ നിന്നുള്ള രംഗമാണിത്.

മകൻ ആദ്യമായി അഭിനയരംഗത്തേക്ക് പ്രവേശിച്ചപ്പോൾ ആ ചിത്രത്തിൽ അച്ഛൻ ബാലൻ കെ നായരും ഉണ്ടായിരുന്നു എന്നതാണ് മറ്റൊരു കൗതുകം.

പഞ്ചാഗ്നി, ചെങ്കോൽ, ചമയം, ഈ പുഴയും കടന്ന്, ഉല്ലാസപ്പൂങ്കാറ്റ്, ഉത്തമൻ, കവർ സ്റ്റോറി എന്നു തുടങ്ങി 2021ൽ തിയേറ്ററുകളിലെത്തിയ വൺ എന്ന ചിത്രത്തിൽ വരെ ശ്രദ്ധേയമായ അഭിനയം കാഴ്ച വച്ച മേഘനാഥൻ തന്റെ കരിയറിൽ കൂടുതലും അവതരിപ്പിച്ചിരിക്കുന്നത് നെഗറ്റീവ് ഷെയ്ഡുള്ള കഥാപാത്രങ്ങളെയാണ്.

### Related Links & Sources
- [Original Story Source](https://moviemax.in/news/3154/to-acting-in-his-fathers-way-do-you-understand-this-actor)