സംവിധായകനും നടനുമായ നാദിര്ഷ, ജയസൂര്യയെ നായകനാക്കി സംവിധാനം ചെയ്യുന്ന ത്രില്ലര് ചിത്രമാണ് 'ഈശോ; നോട്ട് ഫ്രം ദ് ബൈബിള്'. സിനിമയുടെ ഡബ്ബിങ് ജോലികള് അടുത്തിടെയാണ് നടന്നത്. ചിത്രം ഒരു ത്രില്ലര് ആണെന്നുള്ള സൂചനകളുമായി ചില നിഗൂഡതകള് ഒളിപ്പിച്ചാണ് ഫസ്റ്റ് ലുക്ക് പുറത്തുവന്നിരുന്നത്. എന്നാൽ ഇതിനു പിന്നാലെ ചിലർ വിമർശനം ഉന്നയിച്ചുകൊണ്ടും രംഗത്ത് എത്തുകയുണ്ടായി. ഇപ്പോൾ 'ഈശോ ' സിനിമക്ക് എതിരെ തിരിഞ്ഞവർക്കുള്ള മറുപടിയുമായി എത്തിയിരിക്കുകയാണ് നാദിർഷ.
'ഈശോ ' സിനിമയുടെ സെക്കൻഡ് മോഷൻ പോസ്റ്റർ ബുധനാഴ്ച്ച (04-08-2021)വൈകിട്ട് 6.00 മണിക്ക് എന്റെ പ്രിയ സഹോദരന്മാരുടെ ശ്രദ്ധയ്ക്ക് . ഞാൻ ഏറെ ബഹുമാനിക്കുന്ന പ്രവാചകനായ ജീസസുമായി ഈ സിനിമക്ക് യാതൊരു ബന്ധവുമില്ല, എന്ന് പറഞ്ഞുതുടങ്ങുന്ന പോസ്റ്റാണ് അദ്ദേഹം പങ്കിട്ടിരിക്കുന്നത്.
നാദിർഷായുടെ വാക്കുകൾ!
'ഈശോ ' സിനിമയുടെ സെക്കൻഡ് മോഷൻ പോസ്റ്റർ ബുധനാഴ്ച്ച (04-08-2021)വൈകിട്ട് 6.00 മണിക്ക് എന്റെ പ്രിയ സഹോദരന്മാരുടെ ശ്രദ്ധയ്ക്ക് . ഞാൻ ഏറെ ബഹുമാനിക്കുന്ന പ്രവാചകനായ ജീസസുമായി ഈ സിനിമക്ക് യാതൊരു ബന്ധവുമില്ല .
ഇത് കേവലം ഒരു കഥാപാത്രത്തിന്റെ പേര് മാത്രം (ഈ സിനിമക്ക് എതിരെ പ്രവർത്തിക്കുന്നവർ അറിയാൻ വേണ്ടി മാത്രം ) അതുകൊണ്ട് ക്രിസ്ത്യൻ സമുദായത്തിലെ എന്റെ പ്രിയപ്പെട്ട സഹോദരങ്ങൾക്ക് വിഷമമുണ്ടായതിന്റെ പേരിൽ മാത്രം നോട്ട് ഫ്രം ദി ബൈബിൾ എന്ന ടാഗ്ലൈൻ മാത്രം മാറ്റും. അല്ലാതെ തൽക്കാലം 'ഈശോ ' എന്ന ടൈറ്റിലും, 'കേശു ഈ വീടിന്റെ നാഥൻ ' എന്ന ടൈറ്റിലും മാറ്റാൻ ഞങ്ങൾ ഉദ്ദേശിക്കുന്നില്ല .
എല്ലാ മത വിഭാഗത്തിലും പെട്ട ഒരുപാട് സുഹൃത്തുക്കൾ ഉള്ള , എല്ലാ മത വിഭാഗങ്ങളെയും ഒരേ പോലെ ആദരിക്കാൻ മനസ്സുള്ള ഒരു കലാകാരൻ എന്ന നിലക്ക് , ആരുടേയും മനസ്സ് വേദനിപ്പിക്കാനും , വ്രണപ്പെടുത്താനും തക്ക സംസ്കാര ശൂന്യനല്ല ഞാൻ . 'കേശു ഈ വീടിന്റെ നാഥൻ ' ഈശോ ' എന്നീ സിനിമകൾ ഇറങ്ങിയ ശേഷം ആ സിനിമയിൽ ഏതെങ്കിലും തരത്തിൽ മത വികാരം വ്രണപ്പെടുന്നുവെങ്കിൽ നിങ്ങൾ പറയുന്ന ഏതു ശിക്ഷക്കും ഞാൻ തയ്യാറാണ് . അതുവരെ ദയവ് ചെയ്ത് ക്ഷമിക്കാനും നാദിർഷ പറയുന്നു.
സുനീഷ് വാരനാടിന്റേതാണ് കഥയും തിരക്കഥയും സംഭാഷണവും. അരുണ് നാരായണന് പ്രൊഡക്ഷന്സിന്റെ ബാനറില് അരുണ് നാരായണനാണ് ചിത്രം നിര്മ്മിക്കുന്നത്. നമിത പ്രമോദാണ് നായികയായെത്തുന്നത്. ഇത് ബൈബിളില് ഉള്ള ഈശോ അല്ല എന്ന ടാഗ് ലൈനിന് ഒപ്പമായിരുന്നു സിനിമയുടെ പോസ്റ്റര് പുറത്തുവന്നിരുന്നത്.
Content Highlight: I-Nadirsha is not a culture void that can hurt or hurt anyone's mind
