---
title: "അവഞ്ചേഴ്സ് സംവിധായകർക്കൊപ്പം ധനുഷ്; 'ദ ഗ്രേ മാൻ' ഇനി എഡിറ്റിം​ഗ് ടേബിളിലേക്ക്"
english_title: "Dhanush with Avengers director; 'The Gray Man' is now on the editing table"
publisher: "moviemax.in"
canonical_url: "https://moviemax.in/news/3009/dhanush-with-avengers-director-the-gray-man-is-now-on-the-editing-table"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/6106190cb63d8_Untitled-1.jpg"
keywords: []
---

# അവഞ്ചേഴ്സ് സംവിധായകർക്കൊപ്പം ധനുഷ്; 'ദ ഗ്രേ മാൻ' ഇനി എഡിറ്റിം​ഗ് ടേബിളിലേക്ക്

> **Lead Summary:** അവഞ്ചേഴ്‌സ് സംവിധായകരായ റൂസ്സോ സഹോദരന്മാര്‍ ഒരുക്കുന്ന പുതിയ ചിത്രമാണ് 'ദ ഗ്രേ മാൻ'. ചിത്രത്തിൽ നടൻ ധനുഷും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

## Article Content

അവഞ്ചേഴ്‌സ് സംവിധായകരായ റൂസ്സോ സഹോദരന്മാര്‍ ഒരുക്കുന്ന പുതിയ ചിത്രമാണ് 'ദ ഗ്രേ മാൻ'. ചിത്രത്തിൽ നടൻ ധനുഷും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

ഇപ്പോഴിതാ കഴിഞ്ഞ വർഷം ചിത്രീകരണം ആരംഭിച്ച ചിത്രത്തിന്റെ ഷൂട്ടിം​ഗ് പൂർത്തിയായിരിക്കുകയാണ്. റൂസ്സോ സഹോദരന്മാര്‍ തന്നെയാണ് ചിത്രത്തിന്റെ ഷൂട്ടിങ്ങ് പൂര്‍ത്തിയായ വിവരം അറിയിച്ചത്.

ചിത്രം 2022ല്‍ റിലീസ് ചെയ്യുമെന്ന് നേരത്തെ റിപ്പോര്‍ട്ട് ചെയ്തിരുന്നു. ലോസ്ആഞ്ചലസില്‍ വെച്ചായിരുന്നു ചിത്രീകരണം. സിനിമയിലെ ധനുഷിന്റെ ഭാഗങ്ങള്‍ കഴിഞ്ഞ മാസമാണ് പൂര്‍ത്തിയായത്.

റയാന്‍ ഗോസ്ലിങ്, ക്രിസ് ഇവാന്‍സ്, ജെസ്സിക്ക ഹെന്‍വിക്ക് തുടങ്ങിയവരാണ് ചിത്രത്തിലെ മറ്റു താരങ്ങള്‍. ഇത് നെറ്റ്ഫ്ലിക്‌സിന്റെ ഏറ്റവും വലിയ ബജറ്റ് ചിത്രമായിരിക്കുമെന്നാണ് റിപ്പോർട്ടുകൾ.

ധനുഷിന്റെ രണ്ടാമത്തെ രാജ്യാന്തര ചിത്രമാണ് ഗ്രേ മാൻ. 2018ൽ കെൻ സ്കോട്ട് സംവിധാനം ചെയ്ത 'എക്‌സ്ട്രാ ഓർഡിനറി ജേർണി ഓഫ് ഫക്കീർ' എന്നി ചിത്രത്തിലാണ് നേരത്തെ ധനുഷ് അഭിനയിച്ചിരുന്നത്.

പുതിയ ചിത്രത്തിന്റെ വാർത്തകൾ പുറത്തുവന്നതിന് പിന്നാലെ ഏറെ ആവേശത്തിലാണ് ധനുഷ് ആരാധകർ.

### Related Links & Sources
- [Original Story Source](https://moviemax.in/news/3009/dhanush-with-avengers-director-the-gray-man-is-now-on-the-editing-table)