---
title: "നെറ്റിയിൽ ഭസ്മക്കുറിയും കള്ളനോട്ടവും,‘സർവ്വം മായ’മായി നിവിൻ പോളിയുടെ ടൈറ്റിൽ ലുക്ക് പുറത്ത്"
english_title: "nivinpauly sarvam maya first look"
publisher: "moviemax.in"
canonical_url: "https://moviemax.in/news/300007/nivinpauly-sarvam-maya-first-look-new"
published_at: "2025-07-02T12:08:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6864d47228b10_nivin.jpg"
keywords: []
---

# നെറ്റിയിൽ ഭസ്മക്കുറിയും കള്ളനോട്ടവും,‘സർവ്വം മായ’മായി നിവിൻ പോളിയുടെ ടൈറ്റിൽ ലുക്ക് പുറത്ത്

> **Lead Summary:** ** മല**യാളി സിനിമ പ്രേമികളുടെ റൊമാന്റിക് നായകരിൽ ഒരാളാണ് നിവിൻപോളി . പ്രണയനായകനിൽ നിന്ന് ആക്ഷൻ ചിത്രങ്ങളിലും താരത്തിന് കഴിവ് തെളിയിക്കാൻ സാധിച്ചിട്ടുണ്ട്. പക്ഷെ സിനിമ കരിയറിന്റെ ഇടയിൽ വച്ച് വൻ തകർച്ചയാണ് താരത്തിന് സംഭവിച്ചത്. അതിനിടയിൽ വ്യാജ ആരോപണങ്ങളും താരത്തിന് നേരെ വന്നിരുന്നു.

## Article Content

** മല**യാളി സിനിമ പ്രേമികളുടെ റൊമാന്റിക് നായകരിൽ ഒരാളാണ് നിവിൻപോളി . പ്രണയനായകനിൽ നിന്ന് ആക്ഷൻ ചിത്രങ്ങളിലും താരത്തിന് കഴിവ് തെളിയിക്കാൻ സാധിച്ചിട്ടുണ്ട്. പക്ഷെ സിനിമ കരിയറിന്റെ ഇടയിൽ വച്ച് വൻ തകർച്ചയാണ് താരത്തിന് സംഭവിച്ചത്. അതിനിടയിൽ വ്യാജ ആരോപണങ്ങളും താരത്തിന് നേരെ വന്നിരുന്നു.

ഇപ്പോൾ പുതിയ നിവിൻ പോളി ചിത്രത്തിന്‍റെ ഒഫീഷ്യൽ ടൈറ്റിൽ ലുക്ക് പുറത്ത്. നിരൂപക പ്രശംസ നേടിയ 'പാച്ചുവും അത്ഭുത വിളക്കും' എന്ന ചിത്രത്തിന് ശേഷം അഖിൽ സത്യനാണ് കഥയെഴുതി സംവിധാനം ചെയ്യുന്നത്.

‘സർവ്വം മായ' എന്ന് പേര് നൽകിയിരിക്കുന്ന ചിത്രത്തിൽ ഇതുവരെ കാണാത്ത മേക്കോവറിലായിരിക്കും നിവിൻ എത്തുന്നതെന്നാണ് പോസ്റ്റർ നൽകുന്ന സൂചന. ‘The Ghost next Door’ എന്ന ശീർഷകത്തോടുകൂടി പുറത്തിറങ്ങിയ ടൈറ്റിൽ ലുക്ക് പോസ്റ്റർ നിമിഷനേരം കൊണ്ട് സോഷ്യൽ മീഡിയയിൽ ശ്രദ്ധ നേടിയിരിക്കുകയാണ്.

[A post shared by Nivin Pauly (@nivinpaulyactor)](https://www.instagram.com/p/DLkSGksvSI8/?utm_source=ig_embed&utm_campaign=loading)

ഫാന്‍റസി കോമഡി ജോണറിൽ ഒരുങ്ങുന്ന ചിത്രത്തിൻ്റെ ഫസ്റ്റ് ലുക്ക് പ്രേക്ഷകരിൽ ഏറെ കൗതുകമുണർത്തുന്നതാണ്. നെറ്റിയിൽ ഭസ്മക്കുറിയും ഒരു കള്ളനോട്ടവുമായി നിൽക്കുന്ന നിവിൻ പോളിയാണ് പോസ്റ്ററിലുള്ളത്. മലയാളത്തിന്‍റെ പ്രിയപ്പെട്ട സംവിധായകനായ സത്യൻ അന്തിക്കാടിന്‍റെ മകൻ അഖിൽ സത്യനോടൊപ്പം ഇതാദ്യമായി നിവിൻ പോളി ഒന്നിക്കുമ്പോൾ ഏറെ പ്രതീക്ഷയിലാണ് സിനിമാ പ്രേക്ഷകർ.

അജു വർഗ്ഗീസ്, ജനാർദ്ദനൻ, രഘുനാഥ് പലേരി, പ്രീതി മുകുന്ദൻ, റിയ ഷിബു, അൽത്താഫ് സലീം, മധു വാര്യർ തുടങ്ങി വലിയൊരു താരനിര തന്നെ ചിത്രത്തിൽ ഒരുമിക്കുന്നുണ്ട്. ഫയർ ഫ്ലൈ ഫിലിംസിന്‍റെ ബാനറിൽ അജയ്യ കുമാർ, രാജീവ് മേനോൻ എന്നിവർ ചേർന്നാണ് ചിത്രം നിർമ്മിക്കുന്നത്. ചിത്രത്തിന്റെ എഡിറ്റിംഗും അഖിൽ സത്യൻ തന്നെയാണ്.

സംഗീതം: ജസ്റ്റിൻ പ്രഭാകരൻ, ഛായാഗ്രഹണം: ശരൺ വേലായുധൻ, സിങ്ക് സൗണ്ട്: അനിൽ രാധാകൃഷ്ണൻ, എക്സി.പ്രൊഡ്യൂസർ: ബിജു തോമസ്, പ്രൊഡക്ഷൻ ഡിസൈൻ: രാജീവൻ, കലാസംവിധാനം: അജി കുറ്റിയാണി, കോസ്റ്റ്യൂം: സമീറ സനീഷ്, മേക്കപ്പ്: സജീവ് സജി, സ്റ്റിൽസ്: രോഹിത് കെ. സുരേഷ്, ലൈൻ പ്രൊഡ്യൂസർ: വിനോദ് ശേഖർ, സഹ സംവിധാനം: ആരൺ മാത്യു, അസോസിയേറ്റ് ഡയറക്ടർ: വന്ദന സൂര്യ, ഡിസൈൻസ്: ഏസ്തറ്റിക് കുഞ്ഞമ്മ, മാർക്കറ്റിംഗ്: സ്നേക്ക്പ്ലാന്‍റ് എൽ.എൽ.പി, പി.ആർ.ഓ: ഹെയിൻസ്.

### Related Links & Sources
- [Original Story Source](https://moviemax.in/news/300007/nivinpauly-sarvam-maya-first-look-new)