( moviemax.in ) അടുത്തിടെ ഏറ്റവും കൂടുതൽ കോളിളക്കം സൃഷ്ടിച്ച വാർത്തയായിരുന്നു ദിയ കൃഷ്ണയുടെ ഓ ബൈ ഓസി എന്ന സ്ഥാപനത്തിൽ നടന്ന സാമ്പത്തിക തട്ടിപ്പ് കേസ്. എഴുപത് ലക്ഷത്തിന് അടുത്ത് രൂപയും സ്റ്റോക്കും ദിയയെ പറ്റിച്ച് മൂന്ന് ജീവനക്കാരികൾ കൈക്കലാക്കിയിരുന്നു. സംഭവത്തിൽ നടപടി ആവശ്യപ്പെട്ട് ദിയ പോലീസിനെ സമീപിക്കുകയും ചെയ്തിരുന്നു. അന്ന് പ്രതികളായവർ ദിയയേയും കുടുംബത്തേയും കുറിച്ച് പലതരം ആരോപണങ്ങൾ ഉന്നയിക്കുകയാണ് ചെയ്തത്.
അതിൽ ഒന്ന് ജാതിയുടെ പേരിൽ ദിയ അധിക്ഷേപിച്ചു എന്നായിരുന്നു. എന്റെ അച്ഛൻ കൃഷ്ണകുമാർ നായർ സമുദായാംഗവും അമ്മ സിന്ധു ഈഴവ സമുദായാംഗവുമാണ്. എന്റെ ഭർത്താവ് ബ്രാഹ്മിണാണ്. അങ്ങനൊരു കുടുംബത്തിൽ നിന്നും വരുന്ന ഞാൻ എങ്ങനെ മറ്റൊരാളെ സമുദായത്തിന്റെ പേരിൽ അധിക്ഷേപിക്കും എന്നാണ് ദിയ ചോദിച്ചത്.
പ്രതികളായവർ ജാതി കാർഡ് എടുത്തിട്ടപ്പോൾ കൃഷ്ണകുമാറും പ്രതികരിച്ച് എത്തിയിരുന്നു. ഞാൻ എവിടെയും പറയാറില്ല. ഞാനും എന്റെ ഭാര്യയും രണ്ട് ജാതിയാണ്. എന്റെ മകൾ കല്യാണം കഴിച്ചത് മറ്റൊരു ജാതിയിൽ നിന്നാണ്. എന്റെ മൂത്ത മകൾ കല്യാണം കഴിക്കുന്നത് വേറെ മതത്തിൽ നിന്നാണെന്ന് കേൾക്കുന്നു. എന്നെ ഒരിടത്തും ബാധിക്കാത്ത കാര്യങ്ങളാണിതൊക്കെ എന്നാണ് കൃഷ്ണകുമാർ പറഞ്ഞത്.
മൂത്ത മകൾ അഹാന മറ്റൊരു മതസ്ഥനായ പയ്യനെയാണ് വിവാഹം കഴിക്കാൻ പോകുന്നതെന്ന് കൃഷ്ണകുമാർ പറഞ്ഞത് മുതൽ അതിന് പിറകിലെ കാരണത്തിന് പിന്നാലെയായിരുന്നു കൃഷ്ണകുമാർ കുടുംബത്തിന്റെ ആരാധകർ. അഹാന കൃഷ്ണയും ഛായാഗ്രഹകൻ നിമിഷ് രവിയും പ്രണയത്തിലാണെന്ന ഗോസിപ്പ് പ്രചരിക്കാൻ തുടങ്ങിയിട്ട് നാളുകൾ ഏറെയായി.
ഗോസിപ്പുകൾക്ക് ബലം നൽകുന്ന തരത്തിലുള്ള സോഷ്യൽമീഡിയ പോസ്റ്റുകൾ അഹാനയും നിമിഷും പങ്കുവെക്കാറുണ്ട്. മറ്റൊരു മതത്തിൽ നിന്നാണ് അഹാനയുടെ വരനെന്ന് കൃഷ്ണകുമാർ പറഞ്ഞശേഷം ആ പയ്യൻ നിമിഷ് തന്നെയല്ലേയെന്ന ആശങ്കയും ആരാധകർക്കുണ്ടായിരുന്നു. പിന്നെ എന്തുകൊണ്ട് അങ്ങനെ പറഞ്ഞുവെന്നും പ്രേക്ഷകർ സംശയിച്ചിരുന്നു. എന്നാൽ അഹാനയുടെ ഭാവി പങ്കാളി നിമിഷ് തന്നെയാണ്.
കൃഷ്ണകുമാർ സംസാരിച്ചത് നിമിഷിനെ ഉദ്ദേശിച്ചാണെന്നും ആരാധകർ തന്നെ കണ്ടെത്തി. പലരും നിമിഷ് ഹിന്ദു മതവിഭാഗത്തിൽപ്പെട്ടയാളാണ് എന്നാണ് കരുതിയിരുന്നത്. എന്നാൽ അങ്ങനെയല്ല നിമിഷ് ക്രിസ്ത്യനാണ്. പേര് തന്നെയാണ് നിമിഷ് ഹിന്ദുവാണെന്ന് ആരാധകർ തെറ്റിദ്ധരിക്കാൻ കാരണമായത്. എന്നാൽ നിമിഷിന്റെ കുടുംബം ക്രിസ്ത്യൻ മതവിശ്വാസികളാണെന്ന് അഹാനയുടെ പഴയ വ്ലോഗുകളിൽ നിന്ന് വ്യക്തമാണ്.
നിമിഷിന്റെ ഏക സഹോദരി നികിതയുടെ വിവാഹ ചടങ്ങിൽ സജീവമായി അഹാന ഉണ്ടായിരുന്നു. ക്രിസ്ത്യൻ കല്യാണ ചടങ്ങുകളിൽ മാത്രം കണ്ട് വരുന്ന മധുരം വെപ്പ് ചടങ്ങ് അഹാനയും സുഹൃത്തുക്കളും ചേർന്നാണ് നിമിഷിന്റെ വീട്ടിൽ സഹോദരി നികിതയ്ക്കായി ഒരുക്കിയത്. നികിതയുടെ വരനും മറ്റൊരു മതസ്ഥനാണെന്നാണ് വെഡ്ഡിങ് വ്ലോഗുകളിൽ നിന്നും വ്യക്തമാകുന്നത്.
അഹാനയുടെ കുടുംബത്തിന്റെ സന്തോഷത്തിലും സങ്കടത്തിലുമെല്ലാം കരുത്തായി നിമിഷിന്റെ കുടുംബം ഉണ്ടാകാറുണ്ട്. അടുത്തിടെ കൃഷ്ണകുമാറിന്റെ പിറന്നാൾ മക്കൾ നാല് പേരും ചേർന്ന് ആഘോഷമാക്കിയിരുന്നു. അന്ന് നിമിഷിന് എത്താൻ പറ്റിയില്ല. പകരം പിതാവ് രവിയെയാണ് പറഞ്ഞയച്ചത്. പരിപാടിയിൽ പങ്കെടുത്ത് സംസാരിക്കവെ രവി പറഞ്ഞ വാക്കുകളിൽ തന്നെ ഭാവിയിൽ ബന്ധുക്കളായി ഒരു കുടുംബമായി മാറുമെന്നതിന്റെ സൂചനകൾ ഉണ്ടായിരുന്നു.
തെന്നിന്ത്യയിൽ ഏറ്റവും മാർക്കറ്റുള്ള ഛായാഗ്രഹകന്മാരിൽ ഒരാളാണ് നിമിഷ് രവി. ഇരുവരും കരിയറിനാണ് ഇപ്പോൾ പ്രാധാന്യം കൊടുത്തിരിക്കുന്നത്. അതിനാലാണ് വിവാഹം വൈകുന്നത്. അഹാനയുടെ വിവാഹത്തിന് മുമ്പ് ശരീരഭാരം കുറച്ച് പെർഫെക്ട് ജോ ലൈൻ വരുത്തിക്കാനുള്ള ശ്രമങ്ങൾ അമ്മ സിന്ധു ആരംഭിച്ച് കഴിഞ്ഞു.
reason behind why krishnakumar said ahanas groom different religion details inside
