---
title: "ഷക്കീല മരിച്ചുവെന്ന് പ്രചാരണം; താന്‍ പൂര്‍ണ്ണ ആരോഗ്യത്തോടെ ഇരിക്കുന്നുവെന്ന് നടി"
english_title: "Propaganda that Shakeela is dead; The actress said that she is in perfect health"
publisher: "moviemax.in"
canonical_url: "https://moviemax.in/news/2977/propaganda-that-shakeela-is-dead-the-actress-said-that-she-is-in-perfect-health"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/6103812fbe7dd_Untitled-1.jpg"
keywords: []
---

# ഷക്കീല മരിച്ചുവെന്ന് പ്രചാരണം; താന്‍ പൂര്‍ണ്ണ ആരോഗ്യത്തോടെ ഇരിക്കുന്നുവെന്ന് നടി

> **Lead Summary:** ഒരുകാലത്ത് തെന്നിന്ത്യൻ സിനിമകളിലെ നിറ സാന്നിധ്യമായിരുന്നു ഷക്കീല. സൂപ്പർതാര ചിത്രങ്ങൾക്ക് പോലും അക്കാലത്ത് ഷക്കീലാ ചിത്രങ്ങൾ വെല്ലുവിളി ഉയർത്തിയിരുന്നു.

## Article Content

ഒരുകാലത്ത് തെന്നിന്ത്യൻ സിനിമകളിലെ നിറ സാന്നിധ്യമായിരുന്നു ഷക്കീല. സൂപ്പർതാര ചിത്രങ്ങൾക്ക് പോലും അക്കാലത്ത് ഷക്കീലാ ചിത്രങ്ങൾ വെല്ലുവിളി ഉയർത്തിയിരുന്നു.

നിലവിൽ സിനിമാ തിരക്കുകൾ ഇല്ലാതെ ചെന്നൈയിൽ താമസിച്ച് വരികയാണ് താരം. കഴിഞ്ഞ ദിവസം ഷക്കീല മരിച്ചുവെന്ന തരത്തിലുള്ള പ്രചരണങ്ങൾ സമൂഹമാധ്യമങ്ങളിൽ നടന്നിരുന്നു.

ഇപ്പോഴിതാ വിഷയത്തിൽ പ്രതികരണവുമായി എത്തിയിരിക്കുകയാണ് നടി. ട്വിറ്ററില്‍ പോസ്റ്റ് ചെയ്ത വീഡിയോയിലൂടെയാണ് താന്‍ മരിച്ചിട്ടില്ലെന്നും ആരോഗ്യത്തോടെയിരിക്കുന്നുവെന്നും ഷക്കീല അറിയിച്ചത്.

‘ഞാന്‍ വളരെ ആരോഗ്യത്തോടെയും സന്തോഷത്തോടെയുമാണ് കഴിയുന്നത്. കേരളത്തിലെ ജനങ്ങള്‍ നല്‍കുന്ന കരുതലിന് വളരെയധികം നന്ദി.

ആരോ എന്നേക്കുറിച്ച് ഒരു വ്യാജ വാര്‍ത്ത പോസ്റ്റ് ചെയ്തു. സംഭവമറിഞ്ഞുടനെ നിരവധി പേരാണ് സത്യാവസ്ഥ അറിയാന്‍ എന്നെ വിളിച്ചത്. എന്തായാലും ആ വാര്‍ത്ത നല്‍കിയ വ്യക്തിയ്ക്ക് ഇപ്പോള്‍ ഞാന്‍ നന്ദി പറയുന്നു.

കാരണം അയാള്‍ കാരണമാണ് നിങ്ങളെല്ലാവരും വീണ്ടും എന്നെക്കുറിച്ച് ഓര്‍ത്തത്,’ ഷക്കീല പറഞ്ഞു. മുമ്പും സിനിമാ താരങ്ങൾ മരിച്ചുവെന്ന തരത്തിൽ സമൂ​ഹമാധ്യമങ്ങളിൽ വ്യാജ വാർത്തകൾ പ്രചരിച്ചിരുന്നു.

കഴിഞ്ഞ ദിവസം നടൻ ജനാർദ്ദനൻ മരിച്ചുവെന്ന വാർത്തയും ഇത്തരത്തില്‍ പുറത്തുവന്നിരുന്നു.

### Related Links & Sources
- [Original Story Source](https://moviemax.in/news/2977/propaganda-that-shakeela-is-dead-the-actress-said-that-she-is-in-perfect-health)