സഹതടവുകാരന്‍ നല്‍കിയ ഉപേദശം ജീവിതം മാറ്റി; സഞ്ജയ് ദത്ത്

ബോളിവുഡിലെ സൂപ്പര്‍ താരമാണ് സഞ്ജയ് ദത്ത്. സൂപ്പര്‍താരമായി ആരാധകരുടെ മനസിലിടം നേടി മുന്നേറുമ്പോഴും വിവാദങ്ങള്‍ നിറഞ്ഞതായിരുന്നു ആ ജീവിതം.

പ്രണയങ്ങളും, മയക്ക്മരുന്ന് ഉപയോഗവും, ജയില്‍വാസവുമെല്ലാം നിറഞ്ഞ സിനിമയെ വെല്ലുന്ന ജീവിതമാണ് സഞ്ജയ് ദത്തിന്റേത്.

Also read: തൊപ്പിയുടെ യൂട്യൂബ് സാമ്രാജ്യം തകർത്തു പോലീസ് ; തൊപ്പിയുടെ യൂട്യൂബ് ചാനല്‍ നീക്കി

രണ്‍ബീര്‍ കപൂര്‍ നായകനായ സഞ്ജു എന്ന ചിത്രം പറയുന്നത് സഞ്ജയ് ദത്തിന്റെ കഥയാണ്. ചിത്രത്തില്‍ പല വിവാദ സംഭവങ്ങളും അവതരിപ്പിച്ചിട്ടുമുണ്ട്. 

തന്റെ ജീവിതത്തിലെ മോശം അനുഭവങ്ങളെക്കുറിച്ച് സഞ്ജയ് ദത്ത് തന്നെ തുറന്നു പറയുകയും ചെയ്തിട്ടുണ്ട്. തന്റെ ജയില്‍വാസത്തെക്കുറിച്ചും സഞ്ജയ് ദത്ത് തുറന്ന് പറഞ്ഞിട്ടുണ്ട്.

ഒരു അഭിമുഖത്തിലാണ് സഞ്ജയ് ദത്ത് മനസ് തുറന്നത്. ജയില്‍ കിടന്നിരുന്ന സമയത്ത് എങ്ങനെയാണ് ഒരു സഹതടവുകാരന്റെ വാക്കുകള്‍ തനിക്ക് പ്രചോദനമായി മാറിയതെന്ന് അദ്ദേഹം അഭിമുഖത്തില്‍ പറയുന്നുണ്ട്. 

പ്രതീക്ഷയെക്കുറിച്ചുള്ള സഹതടവുകാരന്റെ വാക്കുകളെക്കുറിച്ചായിരുന്നു സഞ്ജയ് ദത്ത് വെളിപ്പെടുത്തിയത്. പ്രതീക്ഷിക്കുന്നത് നിര്‍ത്തുക. അത് വളരെ ബുദ്ധിമുട്ടുള്ള കാര്യമാണ്.

Also read: ഡിസ്ട്രിബ്യൂട്ടറുടെ പരിഹാസത്തിന് 100 കോടിയുടെ മറുപടി; മാസ് എൻട്രിയുമായി സാമന്ത

നല്ലത് നടക്കുമെന്ന് നമ്മള്‍ പ്രതീക്ഷിച്ചു കൊണ്ടേയിരിക്കും. ഒരു സഹതടവുകാരന്‍ എന്നോട് പറഞ്ഞതാണ്, പ്രതീക്ഷിക്കുന്നത് നിര്‍ത്തിയാല്‍ തടവ് കാലം കുറേക്കൂടി എളുപ്പമായിരിക്കുമെന്നത്.

സഞ്ജയ് ദത്ത് പറയുന്നു. ജയിലില്‍ താന്‍ പണമുണ്ടാക്കിയതിനെക്കുറിച്ചും അദ്ദേഹം മനസ് തുറക്കുന്നുണ്ട്. 

ഞാന്‍ പേപ്പര്‍ ബാഗ് ഉണ്ടാക്കുമായിരുന്നു. ഒരു ബാഗിന് 20 പൈസയായിരുന്നു കിട്ടിയിരുന്നത്. ഒരു ദിവസം 50 മുതല്‍ 100 വരെ ബാഗുകള്‍ ഉണ്ടാക്കുമായിരുന്നു.

ഇറങ്ങുമ്പോഴേക്കും ഞാന്‍ 500 രൂപയുണ്ടാക്കി. ആ പണം ഞാന്‍ എന്റെ ഭാര്യയ്ക്ക് നല്‍കി. കാരണം, അതുപോലെ വേറെ എവിടെ നിന്നും എനിക്ക് പണമുണ്ടാക്കാനാകില്ല.

ആ 500 രൂപ എന്റെ ജീവിതത്തില്‍ 5000 കോടിയുടെ വിലയുള്ളതാണെന്നും അദ്ദേഹം പറഞ്ഞു. 

Also read: അവസാനത്തെ ഒരു നോക്ക്....: ജാനകിയുടെ മൃതദേഹത്തിന് മുന്നിൽ പൊട്ടിക്കരഞ്ഞ് കെ.എസ്. ചിത്ര, ഔദ്യോഗിക ബഹുമതികളോടെ ഇന്ന് സംസ്കാരം

എങ്ങനെയാണ് ആ സമയത്ത് താന്‍ പോസിറ്റീവായിരുന്നതെന്നും അദ്ദേഹം പറയുന്നുണ്ട്. നിങ്ങള്‍ക്ക് സംഭവിച്ചതിനെക്കുറിച്ച് ആലോചിച്ചിരുന്നാല്‍ ശരിയാകില്ല.

ജയിലില്‍ പോലും പോസിറ്റീവായ കാര്യങ്ങള്‍ കണ്ടെത്താന്‍ പഠിക്കണം. ഞാന്‍ മിത്തോളജി വായിക്കുകയായിരുന്നു ചെയ്തത്. രാമായണവും മാഹാഭാരതവും ഗണേഷ് പുരാണവുമൊക്കെ വായിച്ചു.

ഒരു റേഡിയോ സ്‌റ്റേഷനുമുണ്ടായിരുന്നുവെന്നും അദ്ദേഹം പറയുന്നു. 

അതേസമയം തന്റെ രക്തത്തില്‍ മയക്കുമരുന്നിന്റെ അംശ വളരെ കൂടുതലായിരുന്നുവെന്നും അദ്ദേഹം പറഞ്ഞിരുന്നു. തന്റെ രക്തം കുടിച്ച കൊതുകുകള്‍ പോലം തല്‍ക്ഷണം ചത്തുവീഴുമായിരുന്നു.

അതിനാല്‍ ആരും അത്തരം കാര്യങ്ങള്‍ക്ക് മുതിരരുതെന്നുമാണ് സഞ്ജയ് ദത്ത് യുവാക്കളോടായി പറഞ്ഞത്. 

Content Highlight: The advice given by the fellow prisoner changed his life; Sanjay Dutt