---
title: "തിരക്കഥാകൃത്തായി നടി ലെന; 'ഓളം' ഫസ്റ്റ്ലുക്ക് പോസ്റ്റര്‍ പുറത്തുവിട്ട് സൗബിന്‍"
english_title: "Actress Lena as screenwriter; Saubin releases 'Olam' first look poster"
publisher: "moviemax.in"
canonical_url: "https://moviemax.in/news/2850/actress-lena-as-screenwriter-saubin-releases-olam-first-look-poster"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/60f3c3f82ae00_Untitled-2.jpg"
keywords: []
---

# തിരക്കഥാകൃത്തായി നടി ലെന; 'ഓളം' ഫസ്റ്റ്ലുക്ക് പോസ്റ്റര്‍ പുറത്തുവിട്ട് സൗബിന്‍

> **Lead Summary:** നടി ലെന ആദ്യമായി തിരക്കഥയൊരുക്കുന്ന ചിത്രം 'ഓളം' ഫസ്റ്റ് ലുക്ക് പോസ്റ്റര്‍ പുറത്തുവിട്ടു. നടന്‍ സൗബിന്‍ ഷാഹിര്‍ ആണ് പോസ്റ്റര്‍ പുറത്തുവിട്ടത്.

## Article Content

നടി ലെന ആദ്യമായി തിരക്കഥയൊരുക്കുന്ന ചിത്രം 'ഓളം' ഫസ്റ്റ് ലുക്ക് പോസ്റ്റര്‍ പുറത്തുവിട്ടു. നടന്‍ സൗബിന്‍ ഷാഹിര്‍ ആണ് പോസ്റ്റര്‍ പുറത്തുവിട്ടത്.

പുനത്തില്‍ പ്രോഡക്ഷന്റെ ബാനറില്‍ നവാഗത സംവിധായകന്‍ വി.എസ്. അഭിലാഷ് ആണ് ചിത്രം സംവിധാനം ചെയ്യുന്നത്.

നൗഫല്‍ പുനത്തിലാണ് ചിത്രം നിര്‍മ്മിക്കുന്നത്. 23 വര്‍ഷത്തെ അഭിനയജീവത്തിന് ശേഷമാണ് ലെന തിരക്കഥ രചനയിലേക്ക് തിരിയുന്നത്. സംവിധായകന്‍ വി. എസ്. അഭിലാഷും ലെനയും ചേര്‍ന്നാണ് ചിത്രത്തിന്റെ തിരക്കഥ രചിക്കുന്നത്.

അര്‍ജുന്‍ അശോകന്‍, ലെന, ബിനു പപ്പു, ഹരിശ്രീ അശോകന്‍, നോബി മാര്‍ക്കോസ്, സുരേഷ് ചന്ദ്രമേനോന്‍ എന്നിവരാണ് ചിത്രത്തിലെ പ്രധാനവേഷത്തില്‍ എത്തുന്നത്.

സംഗീതം: അരുണ്‍ തോമസ്, ഛായാഗ്രഹണം: അസ്‌കര്‍, എഡിറ്റിംഗ്: സംജിത്ത് മുഹമ്മദ്, സൗണ്ട് ഡിസൈന്‍: രംഗനാഥ് രവി, ആര്‍ട്ട്: രഞ്ജിത് കോതേരി, മേക്കപ്പ്: റഷീദ് അഹമ്മദ്, കോസ്റ്റ്യൂം: ജിഷാദ് ഷംസുദ്ദീന്‍, കുമാര്‍ എടപ്പാള്‍.

പൊഡ്രക്ഷന്‍ കണ്‍ട്രോളര്‍ ശശി പൊതുവാള്‍, മോഷന്‍ പോസ്റ്റര്‍ രാജേഷ് ആനന്ദം, പ്രോജക്ട് ഡിസൈന്‍ അഖില്‍ കാവുങ്ങല്‍, പി.ആര്‍.ഒ. ആതിര ദില്‍ജിത്ത്.

### Related Links & Sources
- [Original Story Source](https://moviemax.in/news/2850/actress-lena-as-screenwriter-saubin-releases-olam-first-look-poster)