---
title: "മോഹന്‍ലാലിനെ കാണാൻ ഞാൻ പോയില്ല; രശ്മി പറയുന്നു "
english_title: "Now Reshmi's words are going viral on social media."
publisher: "moviemax.in"
canonical_url: "https://moviemax.in/news/28332/now-reshmis-words-are-going-viral-on-social-media"
published_at: "2022-02-25T12:22:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/62187cf12e60f_rashmi.jpg"
keywords: []
---

# മോഹന്‍ലാലിനെ കാണാൻ ഞാൻ പോയില്ല; രശ്മി പറയുന്നു 

> **Lead Summary:** സ്‌ക്രിറ്റുകളിലൂടേയും ടെലിവിഷന്‍ പരിപാടികളിലൂടേയും പ്രേക്ഷകരുടെ പ്രിയങ്കരിയായി മാറിയ താരമാണ് രശ്മി അനില്‍. മിനിസ്‌ക്രീനില്‍ നിന്നാണ് താരം സിനമയില്‍ എത്തുന്നത്. സോഷ്യല്‍ മീഡിയയില്‍ സജീവമാണ് രശ്മി.

## Article Content

സ്‌ക്രിറ്റുകളിലൂടേയും ടെലിവിഷന്‍ പരിപാടികളിലൂടേയും പ്രേക്ഷകരുടെ പ്രിയങ്കരിയായി മാറിയ താരമാണ് രശ്മി അനില്‍. മിനിസ്‌ക്രീനില്‍ നിന്നാണ് താരം സിനമയില്‍ എത്തുന്നത്. സോഷ്യല്‍ മീഡിയയില്‍ സജീവമാണ് രശ്മി.

പങ്കുവെയ്ക്കുന്ന ചിത്രങ്ങളും പോസ്റ്റുകളുമെല്ലാം സോഷ്യല്‍ മീഡിയയില്‍ നിമിഷനേരം കൊണ്ട് വൈറല്‍ ആവാറുണ്ട്. ഇപ്പോഴിത രശ്മിയുടെ വാക്കുകള്‍ സമൂഹമാധ്യമങ്ങളില്‍ വൈറല്‍ ആവുകയാണ്. തനിക്കുണ്ടായിരുന്ന വാശിയെ കുറിച്ചാണ രശ്മി പറയുന്നത്.

**

ഫ്‌ലൈറ്റില്‍ കയറില്ല, ഒന്നിച്ച അഭിനയിക്കുമ്പോള്‍ മാത്രമേ മോഹന്‍ലാലിനെ നേരില്‍ കാണുകയുള്ളൂ എന്നിങ്ങനെയാണ് രശ്മിയുടെ വ്യത്യസ്തമായ വാശികള്‍. ഫ്‌ളൈറ്റില്‍ കയറില്ല എന്നത് വാശിയല്ല എന്നാണ് രശ്മി പറയുന്നത്.

നടിയുടെ വാക്കുകളുടെ പൂര്‍ണ്ണരൂപം ഇങ്ങനെ...**

ഫ്‌ലൈറ്റില്‍ കയറില്ല എന്നത് വാശി കൊണ്ട് അല്ല, പേടി കൊണ്ടാണ്. ഫ്ളൈറ്റില്‍ കയറാനുള്ള പേടി കാരണം ഒരുപാട് സ്റ്റേജ് ഷോകള്‍ തുടക്കകാലത്ത് ഉപേക്ഷിച്ചിട്ടുണ്ട് അവസാനം ബീന ആന്റണി നല്‍കിയ ധൈര്യത്തിലാണ് വിമാനത്തില്‍ കയറി ഒരു ഷോയ്ക്ക് പോയത്. പിന്നെ ചറപറാ ഷോകളായിരുന്നു. ഇപ്പോള്‍ ലോക്ക് ഡൗണ്‍ ആയ ശേഷമാണ് വിദേശത്തേക്ക് ഷോകള്‍ക്ക് പോകാത്തതെന്നും രശ്മി പറയുന്നു.

മറ്റൊരു കടുത്ത തീരുമാനമായിരുന്നു അഭിനയിക്കുമ്പോള്‍ മാത്രമേ മോഹന്‍ലാലിനെ നേരില്‍ കാണുകയുള്ളൂവെന്ന്. അതിനെ കുറിച്ച് നടി പറഞ്ഞത് ഇങ്ങനെ...

'' ഏറ്റവും വലിയ സ്വപ്നമാണ് മോഹന്‍ലാലിനൊപ്പം അഭിനയിക്കണം എന്നത്. എന്നെങ്കിലും ലാലേട്ടനൊപ്പം അഭിനയിക്കുമ്പോള്‍ മാത്രമേ നേരില്‍ കാണാനായി പോകൂ എന്ന് ഭയങ്കര വാശിയും ഉണ്ടായിരുന്നു. അത് കാരണം കാണാന്‍ അവസരം കിട്ടിയിട്ടും ഒഴിഞ്ഞു നിന്നു.

ഒരു അവാര്‍ഡ് ഷോയ്ക്ക് പോയപ്പോള്‍ അവിടെ തൊട്ടടുത്ത് തന്നെ ലാലേട്ടന്‍ ഉള്ളകാര്യം ഞാന്‍ അറിഞ്ഞു. പക്ഷെ പോയില്ല. എന്റെ ഉള്ളില്‍ വാശിയായിരുന്നു, എന്നാണോ ഞാന്‍ അദ്ദേഹത്തിനൊപ്പം അഭിനയിക്കുന്നത് അന്ന് മാത്രമേ നേരില്‍ കാണൂ എന്ന്.

എല്ലാവരും പറഞ്ഞിട്ടും ഞാന്‍ പോയില്ലെന്നും രശ്മി അനില്‍ കൂട്ടിച്ചേര്‍ത്തു. പിന്നീട് ഒരു സിനിമയുടെ ചിത്രീകരണം നടന്ന് കൊണ്ടിരിക്കുന്ന സമയത്ത്, തൊട്ടടുത്ത ലൊക്കേഷനില്‍ മറ്റൊരു സിനിമയുടെ ഷൂട്ടിങിന് വേണ്ടി ലാലേട്ടന്‍ വന്നിട്ടുണ്ട് എന്ന് അറിഞ്ഞു. എന്റെ സെറ്റിലെ എല്ലാവരും പോയി. ഞാന്‍ മാത്രം പോകാതിരുന്നാല്‍ എന്ത് കരുതും എന്ന് കരുതി, വേറെ നിവൃത്തിയില്ലാതെ പോയി. കണ്ടു. ആ ഒരൊറ്റ തവണ മാത്രമേ ലാലേട്ടനെ നേരിട്ട് കണ്ടിട്ടുള്ളുവെന്നും നടി കൂട്ടിച്ചേര്‍ത്തു. 

### Related Links & Sources
- [Original Story Source](https://moviemax.in/news/28332/now-reshmis-words-are-going-viral-on-social-media)