---
title: "39-41 കിലോയിൽ നിന്നും 10 കിലോ ശരീരഭാരം വർധിപ്പിച്ചു; ചാലഞ്ച്  പൂർത്തീകരിച്ച് ഇഷാനി കൃഷ്ണ"
english_title: "Increased body weight from 39-41 kg to 10 kg; Ishani Krishna completes the challenge"
publisher: "moviemax.in"
canonical_url: "https://moviemax.in/news/2753/increased-body-weight-from-39-41-kg-to-10-kg-ishani-krishna-completes-the-challenge"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/60e2c83a7cecc_Untitled-7.jpg"
keywords: []
---

# 39-41 കിലോയിൽ നിന്നും 10 കിലോ ശരീരഭാരം വർധിപ്പിച്ചു; ചാലഞ്ച്  പൂർത്തീകരിച്ച് ഇഷാനി കൃഷ്ണ

> **Lead Summary:** കൃത്യമായ ഡയറ്റിങിലൂടെയും വർക്കൗട്ടിലൂടെയും ശരീരഭാരം കുറച്ചതിന്റെ കഥ പലരും പറഞ്ഞുകേട്ടിട്ടുണ്ട്. എന്നാൽ നടി ഇഷാനി കൃഷ്ണയ്ക്ക് പറയാനുള്ളത് ശരീരഭാരം വർധിപ്പിച്ച കഥയാണ്.

## Article Content

കൃത്യമായ ഡയറ്റിങിലൂടെയും വർക്കൗട്ടിലൂടെയും ശരീരഭാരം കുറച്ചതിന്റെ കഥ പലരും പറഞ്ഞുകേട്ടിട്ടുണ്ട്. എന്നാൽ നടി ഇഷാനി കൃഷ്ണയ്ക്ക് പറയാനുള്ളത് ശരീരഭാരം വർധിപ്പിച്ച കഥയാണ്.

മെലിഞ്ഞ്, ഇടതൂർന്ന നീളൻ മുടിയുമായി സിനിമയിൽ കന്നിയങ്കം കുറിച്ച നടിയാണ് ഇഷാനി കൃഷ്ണ. മമ്മൂട്ട ചിത്രം വണ്ണിലൂടെയായിരുന്നു അരങ്ങേറ്റം.

നടൻ കൃഷ്ണകുമാറിന്റെ മൂന്നാമത്തെ മകളും അഹാനയുടെ രണ്ടാമത്തെ അനുജത്തിയുമാണ് ഇഷാനി. പലരും പഴയതിേനക്കാൾ മെലിയുമ്പോൾ ഇഷാനിയുടെ ഏറ്റെടുത്ത ചാലഞ്ച് വണ്ണം കൂട്ടുക എന്നതായിരുന്നു.

39-41 കിലോയിൽ നിന്നും സ്വപ്രയത്നം കൊണ്ട് 10 കിലോ ശരീരഭാരമാണ് നടി വർധിപ്പിച്ചത്. വീട്ടിലെ ഉയരം കൂടിയ മകൾ അഹാനയാണെങ്കിൽ ഇഷാനിക്ക് അഞ്ചടി നാലിഞ്ച് ഉയരമുണ്ട്. തന്നേക്കാൾ പത്തു കിലോ കുറഞ്ഞ അനുജത്തി എന്ന് അഹാന തന്നെ മുൻപൊരിക്കൽ ഇഷാനിയെ വിശേഷിപ്പിച്ചിരുന്നു.

ശരീരം മെലിയുന്നതിൽ മാത്രമല്ല, ആരോഗ്യകരമായ രീതിയിൽ ശരീരഭാരം വർധിപ്പിക്കുന്നതും പോസിറ്റിവിറ്റി തന്നെയാണെന്നും അക്കാര്യത്തിൽ ഇഷാനി നല്ലൊരു മാതൃകയാണെന്നും ആരാധകർ പറയുന്നു.

### Related Links & Sources
- [Original Story Source](https://moviemax.in/news/2753/increased-body-weight-from-39-41-kg-to-10-kg-ishani-krishna-completes-the-challenge)