---
title: "മഞ്ജു വാര്യരുടെ വൈറൽ ലുക്ക് പരീക്ഷിച്ച് ശാലു മേനോൻ; 'ഇത് അത്ര പോര, കൂടുതൽ ഭംഗി സാരിയിൽ കാണുമ്പോഴെ'ന്ന് ആരാധകർ!"
english_title: "Shalu Menon tests Manju Warrier's viral look; Fans say 'this is not enough, when you see a more beautiful sari'!"
publisher: "moviemax.in"
canonical_url: "https://moviemax.in/news/2735/shalu-menon-tests-manju-warriers-viral-look-fans-say-this-is-not-enough-when-you-see-a-more-beautiful-sari"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/60e000083d7a7_Untitled-2.jpg"
keywords: []
---

# മഞ്ജു വാര്യരുടെ വൈറൽ ലുക്ക് പരീക്ഷിച്ച് ശാലു മേനോൻ; 'ഇത് അത്ര പോര, കൂടുതൽ ഭംഗി സാരിയിൽ കാണുമ്പോഴെ'ന്ന് ആരാധകർ!

> **Lead Summary:** അടുത്ത കാലത്ത് സൈബറിടത്തിൽ സെൻസേഷനായി മാറിയ മഞ്ജു വാര്യരുടെ ലുക്ക് ആരും പെട്ടെന്ന് മറക്കാനിടയില്ല.

## Article Content

അടുത്ത കാലത്ത് സൈബറിടത്തിൽ സെൻസേഷനായി മാറിയ മഞ്ജു വാര്യരുടെ ലുക്ക് ആരും പെട്ടെന്ന് മറക്കാനിടയില്ല.

നാൽപ്പത്തിരണ്ടുകാരിയായ മഞ്ജു വാര്യർ പതിനെട്ടുകാരിയുടെ ചുറുചുറുക്കോടെ ആരാധകരെ കൈകാട്ടി അഭിസംബോധന ചെയ്ത് നിറചിരിയോടെ നടന്നു നീങ്ങുന്ന ചിത്രം പൊടുന്നനെ ആണ് സോഷ്യൽ മീഡിയ ഏറ്റെടുത്തത്.

ഇപ്പോഴിതാ മഞ്ജുവിൻ്റെ ലുക്ക് സ്വീകരിച്ചിരിക്കുകയാണ് നടി ശാലു മേനോനും. നടി തന്നെയാണ് തൻ്റെ പുത്തൻ ചിത്രങ്ങൾ ആരാധകരുമായി പങ്കുവെച്ചത്.

തൻ്റെ പുതിയ ലുക്കാണ് ഇതെന്ന് പറഞ്ഞുകൊണ്ടാണ് ശാലു ചിത്രങ്ങൾ പങ്കുവെച്ചത്. കറുപ്പിൽ തിളങ്ങി കറുത്ത നിറത്തിലുള്ള ടോപ്പും മിഡിയുമണിഞ്ഞ് മഞ്ജു വാര്യരുടെ ലുക്കിലുള്ള ഹെയർകട്ടും നടത്തിയാണ് ശാലു മേനോൻ്റെ പുത്തൻ മേക്കോവർ.

ചിത്രങ്ങൾക്ക് ആരാധകർ സമ്മിശ്ര പ്രതികരണമാണ് നൽകുന്നത്. സമ്മിശ്ര പ്രതികരണങ്ങൾ ചിലർ ഇത് നന്നായി എന്ന് പറയുമ്പോൾ മറ്റു ചിലരാകട്ടെ ഇത് ചേരുന്നില്ലെന്നും സാരിയിലാണ് കൂടുതൽ ഭംഗിയെന്നും പറയുന്നുണ്ട്.

മഞ്ജു വാര്യരുടെ ലുക്ക് കോപ്പി ചെയ്തതാണെന്ന് ആരാധകർ തന്നെ കണ്ടെത്തുകയും ഇരുവരുടെയും ചിത്രങ്ങൾ ചേർത്തുവെച്ച കൊളാഷ് ചിത്രം കമൻ്റായി പോസ്റ്റ് ചെയ്യുകയും ചെയ്തിട്ടുണ്ട്.

### Related Links & Sources
- [Original Story Source](https://moviemax.in/news/2735/shalu-menon-tests-manju-warriers-viral-look-fans-say-this-is-not-enough-when-you-see-a-more-beautiful-sari)