---
title: "കോടികള്‍ പ്രതിഫലം വാങ്ങുന്ന താരങ്ങളുടെ മറ്റ് ചില ബിസിനസുകൾ ഇതാ "
english_title: "Here are some other businesses that earn millions"
publisher: "moviemax.in"
canonical_url: "https://moviemax.in/news/2730/here-are-some-other-businesses-that-earn-millions"
published_at: "2021-10-04T21:49:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/60dc3958a1199_actors.jpg"
keywords: []
---

# കോടികള്‍ പ്രതിഫലം വാങ്ങുന്ന താരങ്ങളുടെ മറ്റ് ചില ബിസിനസുകൾ ഇതാ 

> **Lead Summary:** ലോകത്തിലെ മറ്റ് ഫിലിം ഇന്റസ്ട്രിയിലുള്ള താരങ്ങളെക്കാള്‍, സ്റ്റാര്‍ഡം വളരെ അധികം ആസ്വദിക്കുകയും ആഘോഷിക്കുകയും ചെയ്യുന്നവരാണ് തമിഴര്‍. ആരാധകര്‍ക്ക് വേണ്ടി, സിനിമകള്‍ ചെയ്യുന്നവരും, ചെയ്യുന്ന കഥാപാത്രങ്ങള്‍ക്ക് വേണ്ടി ശരീരികമായ ഏതൊരു വെല്ലുവിളിയും സ്വീകരിക്കുകയും ചെയ്യുന്ന താരങ്ങളുണ്ട്. എന്നാല്‍ സിനിമകളില്‍ ഇങ്ങനെ മുഴുകി അഭിനയിക്കുമ്പോഴും, കോടികള്‍ പ്രതിഫലം വാങ്ങുമ്പോഴും മറ്റൊരു സുരക്ഷാ മുന്‍കരുതല്‍ കൂടെ കണ്ട് വച്ച ചില മുന്‍നിര താരങ്ങളും ഉണ്ട്. അവരെ കുറിച്ചാണ് ഇപ്പോള്‍ പറയുന്നത്.

## Article Content

ലോകത്തിലെ മറ്റ് ഫിലിം ഇന്റസ്ട്രിയിലുള്ള താരങ്ങളെക്കാള്‍, സ്റ്റാര്‍ഡം വളരെ അധികം ആസ്വദിക്കുകയും ആഘോഷിക്കുകയും ചെയ്യുന്നവരാണ് തമിഴര്‍. ആരാധകര്‍ക്ക് വേണ്ടി, സിനിമകള്‍ ചെയ്യുന്നവരും, ചെയ്യുന്ന കഥാപാത്രങ്ങള്‍ക്ക് വേണ്ടി ശരീരികമായ ഏതൊരു വെല്ലുവിളിയും സ്വീകരിക്കുകയും ചെയ്യുന്ന താരങ്ങളുണ്ട്. എന്നാല്‍ സിനിമകളില്‍ ഇങ്ങനെ മുഴുകി അഭിനയിക്കുമ്പോഴും, കോടികള്‍ പ്രതിഫലം വാങ്ങുമ്പോഴും മറ്റൊരു സുരക്ഷാ മുന്‍കരുതല്‍ കൂടെ കണ്ട് വച്ച ചില മുന്‍നിര താരങ്ങളും ഉണ്ട്. അവരെ കുറിച്ചാണ് ഇപ്പോള്‍ പറയുന്നത്.

തമിഴകത്തെ യുവസൂപ്പര്‍ സ്റ്റാര്‍ എന്ന വിശേഷണത്തോടെയാണ് പ്രശാന്ത് വളര്‍ന്നു വന്നത്. എന്നാല്‍ അധിക ദൂരം ആ സ്റ്റാര്‍ഡം കൊണ്ടു പോകാന്‍ നടന് സാധിച്ചില്ല. സിനിമയില്‍ നിന്ന് കുറച്ച് കാലം വിട്ടു നിന്ന സമയത്ത് മറ്റൊരു ബിസിനസ്സില്‍ ശ്രദ്ധ കേന്ദ്രീകരിയ്ക്കുകയായിരുന്നു നടന്‍. ഇന്ത്യയിലെ ഏറ്റവും വലിയ ജ്വല്ലറി മാളിന്റെ ഉടമസ്ഥനാണ് പ്രശാന്ത്. ചെന്നൈയിലെ പങ്കല്‍ പാര്‍ക്കിലാണ് പ്രശാന്ത് റിയല്‍ ഗോള്‍ഡ് ടവര്‍ എന്ന ഷോറൂം ഉള്ളത്.

തമിഴകത്ത് എന്നത് പോലെ തന്നെ മലയാളികള്‍ക്കും ഏറെ പരിചിതനാണ് ആര്യ. സിനിമയില്‍ അഭിനയിക്കുന്നതിനൊപ്പം തന്നെ നിര്‍മാണ മേഖലയിലും ആര്യ തിളങ്ങുന്നുണ്ട്. സിനിമയ്ക്കപ്പുറം മറ്റൊരു ബിസിനസ് കൂടെ ആര്യയ്ക്കുണ്ട്. സീ ഷെല്‍ എന്ന റസ്റ്റോറന്റ് ഉടമസ്ഥനാണ് ആര്യ. ചെന്നൈയിലും വിദേശത്തും ഇതിന്റെ ശാഖകളുണ്ട്.

തമിഴകത്തെ ഏറ്റവും സുന്ദരനായ നായക നടന്‍ ആയിരുന്നു അരവിന്ദ് സ്വാമി. പെട്ടന്ന് സിനിമ നിര്‍ത്തി. ആ സമയത്താണ് ഒരു സോഫ്റ്റ വെയര്‍ കമ്പനി നടന്‍ ആരംഭിച്ചത്. എന്നാല്‍ വര്‍ഷങ്ങളുടെ ഇടവേളകള്‍ക്ക് ശേഷം പഴയ പ്രൗഢിയോടെ അരവിന്ദ് സ്വാമി സിനിമയിലേക്ക് തിരിച്ചെത്തി. ഇപ്പോള്‍ ബിസിനസ്സും സിനിമയും ഒരുമിച്ച് കൊണ്ടു പോവുന്നു.

തമിഴകത്ത് ഏറ്റവും അധികം പ്രതിഫലം വാങ്ങുന്ന മുന്‍നിര നായകന്മാരില്‍ ഒരാളാണ് ഇളയദളപതി വിജയ്. ഏറ്റവും വലിയ ബോക്‌സോഫീസ് താരം. എന്നാല്‍ സിനിമകള്‍ക്ക് അപ്പുറം വിജയ്ക്ക് വേറെയും ചില ബിസിനസ്സുകളുണ്ട്. അമ്മ ശോഭയുടെ പേരിലും മകന്‍ സഞ്ജയ് യുടെ പേരിലും ഭാര്യ സംഗീതയുടെ പേരിലും കല്യാണ ഓഡിറ്റോറിയം ഉള്ള നടനാണ് വിജയ്. ഇത് കൂടാതെ വിജയ് യുടെ തന്നെ നാല് പഴയ വീടുകള്‍ വാടകയ്ക്കും നല്‍കിയിട്ടുണ്ട്.

### Related Links & Sources
- [Original Story Source](https://moviemax.in/news/2730/here-are-some-other-businesses-that-earn-millions)