മലയാളികള് ചുരുങ്ങിയ നാളുകള് കൊണ്ട് ഏറ്റെടുത്ത് ആഘോഷമാക്കിയ കരിക്കിന്റെ വക പുതിയ എപ്പിസോഡാണ് 'ഇൻസോംനിയ നൈറ്റ്സ്'. കരിക്ക് ഫ്ലിക്ക് യൂട്യൂബ് ചാനലിലൂടെ ഇതിനകം ശ്രദ്ധ നേടിയ സ്കൂട്ട്, റോക്ക് പെപ്പർ സിസേഴ്സ് എന്നീ വെബ്സീരീസുകള്ക്ക് ശേഷമാണ് ഇൻസോംനിയ നൈറ്റ്സിന്റെ വരവ്.
സൂര്യ ടിവി, കിരൺ ടിവി തുടങ്ങി നിരവധി ചാനലുകളിൽ വിവിധ പരിപാടികളുടെ അവതാരകനായി ശ്രദ്ധ നേടിയിട്ടുള്ള വിഷ്ണു അഗസ്ത്യയാണ് ഇൻസോംനിയ നൈറ്റ്സിൽ പ്രധാന കഥാപാത്രമായ സുർജിതിനെ അവതരിപ്പിച്ചിരിക്കുന്നത്. രാത്രിയിൽ ഉറക്കം ലഭിക്കാത്ത അസുഖമുള്ളയാളാണ് സുര്ജിത്ത്. എല്ലാവരും ഉറങ്ങുന്ന രാത്രികളിലുള്ള സുര്ജിത്തിന്റെ വിളയാട്ടമാണ് വെബ്സീരിസിനെ എൻഗേജിങ് ആക്കുന്നത്. ഓരോ എപ്പിസോഡുകളും ഒരു ചിരിയോടെയല്ലാതെ കാണാനാകില്ല.
വിഷ്ണു അഗസ്ത്യ, അമൽ തമ്പി, സനൂപ് പടവീരൻ എന്നിവർ ചേർന്നാണ് സ്ക്രിപ്റ്റ് ഒരുക്കിയിരിക്കുന്നത്. അമൽ തമ്പിയാണ് ആണ് ഈ വെബ് സീരിസിന്റെ സംവിധായകൻ. ജിബ്നു ചാക്കോ ജേക്കബാണ് നിര്മ്മാണം. വിഷ്ണു അഗസ്ത്യനു ഒപ്പം ഒരു കൂട്ടം പുതുമുഖങ്ങളും ഓരോ എപ്പിസോഡുകളിലുണ്ട്. ഇതിനകം നാല് എപ്പിസോഡുകള് യൂട്യൂബിൽ പുറത്തിറങ്ങി കഴിഞ്ഞിട്ടുണ്ട്.
ജിബ്നു ചാക്കോ ജേക്കബ്, ജിജോ ജേക്കബ്,നീതു, ഓസ്റ്റിൻ എബ്രഹാം, ഷിൻസ് ഷാൻ, സുമേഷ്, ജസീന, തിരു, ആര്ജെ മൈക്ക്, ആര്ജെ നിൽജ തുടങ്ങിയവരുടെ മികവുറ്റ പ്രകടനമാണ് സീരിസിനെ മികച്ചതാക്കിയിരിക്കുന്നത്. ഛായാഗ്രഹകൻ പിഎം ഉണ്ണി കൃഷ്ണനൊപ്പം എഡിറ്ററും കളറിസ്റ്റുമായ മൃദുലിന്റെ മികവും സീരീസിലെ ദൃശ്യങ്ങളെ മനോഹരമാക്കിയിട്ടുണ്ട്. സനൽ വാസുദേവാണ് പശ്ചാത്തല സംഗീതം ഒരുക്കിയിരിക്കുന്നത്.
Content Highlight: The flavors of sleepless nights; ‘Insomnia Nights’ gets attention
