പരാതി പറയാൻ വിളിച്ച യുവതിയോട് കയര്ത്തു സംസാരിച്ച വനിതാ കമ്മീഷൻ അധ്യക്ഷ എംസി ജോസഫൈനെതിരെ പ്രതിഷേധം ശക്തമാവുകയാണ്. ഭര്ത്താവ് ഉപദ്രവിക്കാറുണ്ടെന്നും എന്നാൽ ഇതുവരെ പോലീസിൽ വിളിച്ച് അറിയിച്ചില്ലെന്നും പറഞ്ഞ സ്ത്രീയോടു അനുഭവിച്ചോ എന്നായിരുന്നു വനിതാ കമ്മീഷൻ അധ്യക്ഷയുടെ പെട്ടെന്നുള്ള മറുപടി. ഇതിനെതിരെയാണ് സമൂഹമാധ്യമങ്ങളിൽ ജോസഫൈന് എതിരെ പ്രതിഷേധം കനക്കുന്നത്.
സിനിമ സീരിയൽ താരങ്ങൾ ഉൾപ്പെടെ നിരവധി ആളുകൾ ആണ് പ്രതിഷേധം അറിയിച്ചുകൊണ്ട് രംഗത്ത് എത്തുന്നത്.ഇപ്പോൾ ചലച്ചിത്ര സീരിയൽ താരം സ്വാസിക വിജയ് പങ്കിട്ട ഒരു കുറിപ്പാണ് ഏറെ ശ്രദ്ധിക്കപ്പെടുന്നത്. ഒരു പെൺകുട്ടിയുടെ അവസ്ഥ കേൾക്കാൻ പോലും മാനസികാവസ്ഥ ഇല്ലാത്തവർ എങ്ങനെയാണ് ആ പെൺകുട്ടിയുടെ പ്രശ്നം പരിഹരിക്കുക. പുരുഷന്മാരുടെ തെറ്റുകൾക്കെതിരെ മാത്രം പ്രതികരിച്ചാൽ പോരാ, ഇതുപോലെ കൂട്ടത്തിൽ ഉള്ളവരുടെ കൂടെ പെരുമാറ്റങ്ങൾക്കെതിരെ നമ്മൾ സ്ത്രീകൾ പ്രതികരിക്കണം. എന്നാണ് സ്വാസിക പറയുന്നത്.
സ്വാസികയുടെ വാക്കുകൾ ഇങ്ങനെ ...
ഈ വനിതാകമ്മീഷണറേ വിളിക്കുന്ന ഏതൊരു പെണ്ണിനും ഒരു ആശ്വാസം കിട്ടും,കാരണം ഇങ്ങനെയുള്ളവരുടെ സംസാരം കേട്ടാൽ താൻ ഇതുവരെ അനുഭവിച്ചത് ഒന്നുമല്ല എന്ന് ആ കുട്ടിക്ക് തോന്നിപ്പോകും, പ്രതികരിക്കുന്നത് മാത്രമല്ല കേട്ടിരിക്കുന്നതും, മനസിലാക്കുന്നതും ഒരു കഴിവാണ്. ഒന്ന് കേൾക്കുന്നത് മറ്റുള്ളവർക്ക് ചെയ്യുന്ന വലിയൊരു സഹായം ആണ്.
ഒരു പെൺകുട്ടിയുടെ അവസ്ഥ കേൾക്കാൻ പോലും മാനസികാവസ്ഥ ഇല്ലാത്തവർ എങ്ങനെയാണ് ആ പെൺകുട്ടിയുടെ പ്രശ്നം പരിഹരിക്കുക. പുരുഷന്മാരുടെ തെറ്റുകൾക്കെതിരെ മാത്രം പ്രതികരിച്ചാൽ പോരാ, ഇതുപോലെ കൂട്ടത്തിൽ ഉള്ളവരുടെ കൂടെ പെരുമാറ്റങ്ങൾക്കെതിരെ നമ്മൾ സ്ത്രീകൾ പ്രതികരിക്കണം. ഇതുപോലെയുള്ളവർ കാണിക്കുന്ന സമീപനങ്ങൾ തന്നെയാണ് സ്ത്രീകൾ അനുഭവിക്കുന്ന പ്രശ്നങ്ങൾ.
Content Highlight: Problems faced by women are the same attitudes that people like this show - Swasika Vijay
