വിസ്മയയുടെ മരണവുമായി ബന്ധപ്പെട്ട് സിനിമാലോകവും പ്രതികരണം രേഖപ്പെടുത്തിയിരുന്നു. വിസ്മയയുടെ ചിത്രത്തിനൊപ്പം ഇന്ന് നീ നാളെ എന്റെ മകള് എന്ന കുറിപ്പായിരുന്നു ജയറാം പങ്കുവെച്ചത്. നിമിഷനേരം കൊണ്ടായിരുന്നു താരത്തിന്റെ പോസ്റ്റ് വൈറലായി മാറിയത്. മാളവികയ്ക്കൊപ്പമുള്ള പരസ്യത്തെക്കുറിച്ച് സൂചിപ്പിച്ചുള്ള ട്രോളും സോഷ്യല് മീഡിയയിലൂടെ പ്രചരിച്ചിരുന്നു. അതേ രണ്ടുംകൂടി ഒരുമിച്ച് വേണ്ടാട്ടോയെന്നായിരുന്നു ട്രോളര്മാരുടെ കമന്റ്.
ഈ ക്യാപ്ഷൻ ശരിയല്ല ജയറാമേട്ടാ, ഇന്ന് നീ നാളെ ഒരു പെൺകുട്ടിക്കും ഇത് സംഭവിച്ചുകൂടാ. ഭർതൃഗൃഹത്തിൽ അവളുടെ കണ്ണൊന്നു നനഞ്ഞാൽ മോളിങ്ങു പോരെ.നിന്റെ മുറി ഈ വീട്ടിൽ ഒഴിഞ്ഞുകിടപ്പുണ്ട് എന്ന് മാതാപിതാക്കളും സഹോദരങ്ങളും പറഞ്ഞു അവളെ ചേർത്ത് പിടിക്കണമെന്നായിരുന്നു ആദ്യത്തെ കമന്റ്. ജയറാമും മകളും ഒരുമിച്ച് അഭിനയിച്ച വിവാഹ പരസ്യത്തെക്കുറിച്ചുള്ള കമന്റുകളും പോസ്റ്റിന് കീഴിലുണ്ട്.
ഇന്നു നീ നാളെ എന്ന ചിന്താഗതി മാറ്റിട്ട്, കെട്ടിച്ചു വിട്ട പെൺമക്കൾ ഒരു നാൾ തിരിച്ചു വീട്ടിൽ വന്ന് നിന്നാൽ കുടുംബത്തിന് ഒരു അപമാനവും ഇല്ല എന്ന അവബോധം ഉണ്ടാക്കി നൽകിരുന്നെങ്കിൽ ഈ ഗതി വരില്ലായിരുന്നു. പെൺകുട്ടികൾ തിരിച്ചു വീട്ടിൽ വന്ന് നിൽക്കുമ്പോൾ ഒരു പ്രയോജനം ഇല്ലാത്ത സമൂഹ നിരീക്ഷണ കാഴ്ചപ്പാട് മാറേണ്ടതുണ്ട് ഇത് ഭയക്കുന്ന മാതാപിതാക്കളാണ് മക്കളെ ഈ ദുർഗതിയിലേക്ക് തള്ളി വിടുന്നത്. അങ്ങയെ പോലുള്ള സെലിബ്രിറ്റികൾക്ക് ഈ സമൂഹത്തിനെ ബോധവത്ക്കരിക്കാനുളള സ്പേയ്സ് ധാരാളം ഉണ്ട് .ബോധവത്കരണമാണ് ഒരെ ഒരു പോംവഴി മുന്നോട്ട് വരുമെന്ന് കരുതുന്നുയെന്നായിരുന്നു ഒരാൾ പറഞ്ഞത്.
എന്റെ ചക്കി നിങ്ങളുടെ കല്യാണി. നമുക്ക് കുറേ സ്വർണ്ണം വാങ്ങി ഇവളുടെ കല്യാണം നടത്തണ്ടേ ചേട്ടാ. ഒരു പരസ്യം ഓര്മ്മ വരുന്നു. എന്റെ ചക്കി നിങ്ങളുടെ മാളവിക. അച്ഛനമ്മമാരുടെ ഏറ്റവും വലിയ സ്വപ്നവും നെഞ്ചിലെ തീയും പെണ്മക്കളുടെ കല്യാണമാണെന്നും, കല്യാണത്തിന് തിളങ്ങാനും സുന്ദരിയാകാനും അടിമുടി സ്വര്ണ്ണം വേണമെന്നുമൊക്കെ പറഞ്ഞൊന്ന്. ആ ചിന്ത മാറാത്തിടത്തോളം ഇതൊക്കെ ആവര്ത്തിച്ച് കൊണ്ടേയിരിക്കും. വിവാഹത്തിന് സ്വർണ്ണം നിർബന്ധമാണ് എന്ന അർത്ഥത്തിലുള്ള ജ്വല്ലറിയുടെ പരസ്യത്തിൽ മകളെ ഉൾപ്പെടുത്തിയ നിങ്ങൾക്ക് ഇതൊക്കെ എങ്ങനെ പറയാൻ സാധിക്കുന്നു ? ഓർമ്മയില്ലേ, ചക്കിയുടെ കല്യാണം എന്ന ഒരു പരസ്യം. ഇതേ താൻ അല്ലേ ,എന്റെ ചക്കിയെന്ന് പറഞ്ഞു സ്വർണ പരസ്യത്തിൽ അഭിനയിച്ചതും.
എന്റെ ചക്കി ഏറ്റവും സുന്ദരി ആകുന്നത് 250 കിലോ സ്വർണം അണിയുമ്പോൾ ആണ് എന്നാണ് ഇതിലെ ജയറമേട്ടന്റെ ഡയലോഗ്. മകൾക്ക് സ്ത്രീധനം കൊടുക്കുമോ..ഉവ്വ്, മോൻ വാങ്ങിക്കുമോ?നൈസ് ആയിട്ട്. പരസ്യത്തിൽ അഭിനയിക്കുമോ..ഊവ്വ്. പിന്നെന്തിനാ ഇപ്പോ കരച്ചിൽ? ഒരു ട്രെന്റ് താങ്കളെ മാത്രം ഉദ്ദേശിച്ചല്ല. കേട്ടോഅഭിനയം നിങ്ങളുടെ ജോലി ആണെന്നറിയാം. എന്നാലും സമൂഹത്തിന് തെറ്റായ സന്ദേശം നൽകുന്ന ഇത്തരം പരസ്യങ്ങളിൽ നിന്ന് മാറി നിന്നിട്ട് പോരേ ഇത്തരം ഉപദേശങ്ങൾ. താങ്കൾ അല്ലേ ചക്കിയേ കെട്ടിക്കണം എന്ന് പറഞ്ഞ് മലബാർ ഗോൾഡിന്റെ പരസ്യം എടുത്തത്. അതായത് സ്വർണം, സ്ത്രീധനം കൊടുക്കണം എന്ന് പറയാതെ പറഞ്ഞത്. ഈ ചേട്ടൻ തന്നെ അല്ലേ ഒരു സ്വർണ്ണകടയുടെ പരസ്യത്തിൽ മകളെ സ്വർണ്ണാഭരണത്തിൽ മുക്കി അണിയിച്ചൊരുക്കി കല്യാണത്തിന് അയക്കണമെന്ന് പറയുന്നേയെന്നായിരുന്നു കുറേ പേർ ചോദിച്ചത്.
പ്രിയപ്പെട്ട വിസ്മയ, നിങ്ങൾ എനിക്കെഴുതിയ കത്ത് എന്റെ അടുത്തെത്തുന്നത് നിങ്ങളെ സ്നേഹിക്കുന്നവർക്ക് നിങ്ങളെ നഷ്ടമായപ്പോഴാണ്. മാപ്പ്. ആരും കേൾക്കാതെ പോയ ആ ശബ്ദത്തിന്! എരിഞ്ഞമർന്ന സ്വപ്നങ്ങൾക്ക് എന്നായിരുന്നു കാളിദാസ് ജയറാം കുറിച്ചത്.
Content Highlight: Jayaram trolled on social media! Kalidas with reaction!
