(moviemax.in ) സോഷ്യല് മീഡിയയിലെ താരമാണ് ജാസ്മിന് ജാഫര്. വ്ളോഗുകളിലൂടെയാണ് ജാസ്മിന് ശ്രദ്ധ നേടുന്നത്. പിന്നീട് ബിഗ് ബോസിലെത്തിയതോടെ താരമായി മാറുകയായിരുന്നു ജാസ്മിന്. ബിഗ് ബോസ് മലയാളം സീസണ് 6 ലെ മത്സരാര്ത്ഥിയായിരുന്നു ജാസ്മിന്. വിന്നറായി മാറാന് സാധിച്ചില്ലെങ്കിലും ബിഗ് ബോസ് 6 എന്ന് കേട്ടാല് പ്രേക്ഷകരുടെ മനസിലേക്ക് ആദ്യം വരുന്ന പേരായി മാറുകയായിരുന്നു ജാസ്മിന്.
ബിഗ് ബോസ് ചരിത്രത്തിലെ തന്നെ ഏറ്റവും കൂടുതല് ചര്ച്ചയാക്കപ്പെട്ട പേരുകളിലൊന്നാണ് ജാസ്മിന് ജാഫര്. അകത്തും പുറത്തും നിരന്തരം വിമര്ശനങ്ങള് നേരിടേണ്ടി വന്നിരുന്നു ജാസ്മിന്. ജാസ്മിനോളം സൈബര് ആക്രമണം നേരിടേണ്ടി വന്നൊരു താരമുണ്ടാകില്ല. ബിഗ് ബോസുമായി ബന്ധപ്പെട്ട വിവാദങ്ങള് ജാസ്മിന്റെ വ്യക്തി ജീവിതത്തെപ്പോലും സാരമായി ബാധിച്ചിരുന്നു.
സഹതാരം ഗബ്രിയുമായി ജാസ്മിനുണ്ടായിരുന്ന സൗഹൃദമായിരുന്നു സോഷ്യല് മീഡിയ വിമര്ശനങ്ങളുടെ കാരണം. ഷോ കഴിയുന്നതോടെ ഈ സൗഹൃദവും അവസാനിക്കുമെന്ന് പലരും വിലയിരുത്തി.
എന്നാല് ഷോ കഴിഞ്ഞും, ഇപ്പോഴും തങ്ങളുടെ സൗഹൃദം ശക്തമായി മുന്നോട്ട് കൊണ്ടു പോവുകയാണ് ജാസ്മിനും ഗബ്രിയും. ഇരുവരും ഇപ്പോഴിതാ വിദേശത്ത് യാത്ര നടത്തുകയാണ്. ഇതിന്റെ ചിത്രങ്ങളും വീഡിയോയുമെല്ലാം ജാസ്മിന് പങ്കുവെക്കുന്നുണ്ട്.
ഇതിനിടെ ഇപ്പോഴിതാ വിദേശത്തു നിന്നും ജാസ്മിന് പങ്കുവച്ചൊരു വീഡിയോ ചര്ച്ചയാവുകയാണ്. ഗബ്രിയ്ക്കൊപ്പമുള്ള വീഡിയോയാണ് ജാസ്മിന് പങ്കുവച്ചത്. വീഡിയോയ്ക്ക് താഴെ നിരവധി പേരണ് കമന്റുമായി എത്തിയത്.
അതേസമയം ചിലര് വീഡിയോയിലെ ജാസ്മിന്റെ വേഷത്തേയും ഗബ്രിയുമായുള്ള അടുപ്പത്തേയുമൊക്കെ അവഹേളിക്കുകയും ചെയ്യുന്നുണ്ട്. ഇത്തരത്തിലുള്ള ചില കമന്റുകള്ക്ക് ജാസ്മിന് മറുപടി നല്കുകയും ചെയ്യുന്നുണ്ട്.
'രണ്ട് പേരും കൂടെ വിദേശത്ത് പോയി ഡിംഗോള്ഫി ഡിംഗോള്ഫിയാ. ബിഗ് ബോസിന്റെ അകത്തു തന്നെ എന്തായിരുന്നു. ലൈഫ് തന്നെ' എന്നായിരുന്നു ഒരാളുടെ അവഹേളന കമന്റ്. പിന്നാലെ ജാസ്മിന് മറുപടിയുമായി എത്തുകയായിരുന്നു. ''നല്ല പ്രായം ഉണ്ടല്ലോ വല്ല പണിയ്ക്കും പോടാ നാറി. പിന്നെ ഡിങ്കോള്ഫി മാത്രം ആണ് മനസില് എങ്കില് വീട്ടില് പറഞ്ഞ് ഒരു കല്യാണം കഴിക്ക്. അല്ലെങ്കില് ഏതേലും മുള്ളു മുരിക്ക് ഉണ്ടോ നിങ്ങളുടെ നാട്ടില്'' എന്നായിരുന്നു ജാസ്മിന്റെ മറുപടി. ജാസ്മിന്റെ മറുപടിയ്ക്ക് സോഷ്യല് മീഡിയ കയ്യടിക്കുകയാണ്.
'ജാസ്മിനെ കാണുമ്പോള് പണ്ടത്തെ ഇന്റര്വ്യൂ ഓര്മ വരും. പെര്ഫ്യും ഹറാം, നെയില് പോളി ഹറാം, തട്ടം ഇടാണ്ട് പുറത്ത് ഇറങ്ങില്ല, കൈ മുഴുവന് മറയുന്ന ഡ്രസ്, എന്തൊക്കെ ആയിരുന്നു. ഇപ്പോ സെറ്റ് ആയി' എന്നായിരുന്നു മറ്റൊരു കമന്റ്. ഇതിന് ജാസ്മിന് മറുപടി നല്കുന്നുണ്ട്. ഹാ അതൊക്കെ ഒരു കാലം, കലികാലം എന്നായിരുന്നു ജാസ്മിന്റെ മറുപടി.
ജാസ്മിന്റേയും ഗബ്രിയുടേയും വിദേശത്തു നിന്നുള്ള ചിത്രങ്ങളും സോഷ്യല് മീഡിയിയല് വെെറലാകുന്നുണ്ട്. ഇപ്പോഴും തങ്ങളുടെ ചങ്ങാത്തം നിലനിർത്തുന്നതിന് ഇരുവർക്കും കയ്യടിക്കുകയാണ് ആരാധകർ. ജാസ്മിനുണ്ടായ മാറ്റവും സോഷ്യല് മീഡിയയില് ചർച്ചയാകുന്നുണ്ട്. വിമർശനങ്ങളൊന്നും ശ്രദ്ധിക്കാതെ ജീവിതവുമായി മുന്നോട്ട് പോവുകയാണ് ജാസ്മിന്.
#jasminejafar #gives #reply #comment #about #her #gabri #going #foreign #vacation
.jpeg)
