സിനിമയിൽ എത്തുന്നതിന് മുൻപ് തന്നെ പ്രണവ് മോഹൻലാലിന് നിരവധി ആരാധകരുണ്ടായിരുന്നു. മോഹൻലാൽ എന്ന അച്ഛന്റെ മകൻ എന്നതിൽ ഉപരി പ്രണവ് തന്റെ വ്യക്തിത്വം കൊണ്ടാണ് പ്രേക്ഷകരുടെ ഇടയിൽ ശ്രദ്ധിക്കപ്പെട്ടത്. സിമ്പിൾ എന്നാണ് എല്ലാവരും പ്രണവിനെ കുറിച്ച് പറയുന്നത്. കൂടാതെ താരത്തിന്റെ ജീവിതരീതിയും പ്രേക്ഷകരുടെ ഇടയിൽ ചർച്ചയാവാറുണ്ട്.
യാത്രകളെയാണ് കൂടുതൽ പ്രണവ് ഇഷ്ടപ്പെടുന്നത്. ഇപ്പോഴിത മകന്റെ ഇഷ്ടത്തിനെ കുറിച്ച് വെളിപ്പെടുത്തുകയാണ് മോഹൻലാൽ. ജോൺ ബ്രിട്ടാസ് അവതാരകനായി എത്തുന്ന ജെബി ജംഗ്ഷനിലാണ് താരം ഇക്കാര്യം വെളിപ്പെടുത്തിയത്. നടൻ അനൂപ് മേനോൻ ചോദിച്ച ഒരു ചോദ്യത്തിന് മറുപടി നൽകവെയാണ് മോഹൻലാൽ പ്രണവിന്റെ ഭാവിയെ കുറിച്ചും ഇഷ്ടത്തെ കുറിച്ചും സംസാരിച്ചത്.
അധികം ആരുമായും ആത്മബന്ധം സൂക്ഷിക്കാത്തതിന്റെ കാരണമായിരുന്നു അനൂപ് മേനോൻ ചോദിച്ചത്. മറ്റൊരാളുടെ ദുഃഖം കണാൻ വയ്യാത്തത് കൊണ്ടാണോ മോഹൻലാൽ എല്ലാവരിൽ നിന്നും മാറി നിൽക്കുന്നതെന്നും അനൂപ് കൂട്ടിച്ചേർത്തു. ഈ ചോദ്യത്തിന് ഉത്തരം പറയുമ്പോഴാണ് മകന്റെ ആഗ്രഹത്തെ കുറിച്ച് നടൻ വെളിപ്പെടുത്തിയത്. അങ്ങനെ ആയിരിക്കാം എന്നാണ് അനൂപിന് മോഹൻലാൽ ഉത്തരം നൽകിയത്. മകനേയും മകളേയും സ്നേഹിക്കുന്നതിൽ പരിധിയുണ്ടെന്ന് വിശ്വസിക്കുന്ന ആളാണ് താനെന്നും മോഹൻലാൽ കൂട്ടിച്ചേർത്തു.
മക്കൾക്ക് അവരുടേതായ ഒരു ജീവിത ശൈലിയുണ്ടാകണമെന്നാണ് ഞാൻ ആഗ്രഹിക്കുന്നത്. അവരുടെ ബുദ്ധിയിൽ നിന്ന് കാര്യങ്ങൾ കണ്ടുപിടിക്കട്ടെ. വിദ്യാഭ്യാസത്തെ കുറിച്ച് തന്റെ അച്ഛൻ എന്നോട് പറഞ്ഞ കാര്യം തന്നെയാണ് പ്രണവിനോടും ഞാൻ പറഞ്ഞിട്ടുള്ളത്. പ്രണവിന് അഭിനയത്തെക്കാളും ഇഷ്ടം അധ്യാപനമാണ്. ഒരുപാട് പേര് വന്ന് അദ്ദേഹത്തെ സിനിമയിൽ അഭിനയിക്കാൻ വിളിച്ചിരുന്നു. അദ്ദേഹത്തിന് താൽപര്യമില്ല എന്നാണ് പറഞ്ഞത്. ഞാൻ ചോദിച്ചപ്പോൾ ആളുകളെ പഠിപ്പിക്കുന്നതണ് ഇഷ്ടമെന്ന് അദ്ദേഹം പറഞ്ഞു. ഏഷ്യയിൽ ഇംഗ്ലീഷ് അറിയില്ലാത്ത നിരവധി രാജ്യങ്ങളുണ്ട്. അവരെ ഇംഗ്ലീഷ് പഠിപ്പിക്കണമെന്നാണ് ആഗ്രഹം.
ഞാൻ വിചാരിച്ചാൽ എന്റെ മകൻ ഒരു അഭിനേതാവ് ആകില്ല. പഠിച്ച് ഡോക്ടർ ആകാം ചുമ്മ ഒരു ഡോക്ടറായാൽ പോരല്ലോ. അതിൽ ഏറ്റവും നല്ല ഡോക്ടർ ആകണമെന്നാണ് ഞാൻ ആഗ്രഹിക്കുന്നത്. എന്റെ ഇഷ്ടമല്ല മക്കളുടെ ഇഷ്ടത്തിനാണ് താൻ മുൻതൂക്കം കൊടുക്കുന്നതെന്നും മോഹൻലാൽ അഭിമുഖത്തിൽ പറഞ്ഞു. എന്റെ കാഴ്ചപ്പാടിൽ നിന്ന് ചിന്തിക്കുകയല്ല. അവരുടെ ബുദ്ധിയിൽ നിന്ന് ചിന്തിക്കട്ടെ. ഇതിന്റ അർഥം അവരോട് എനിക്ക് സ്നേഹമില്ല എന്നല്ലെന്നും മോഹൻലാൽ പറഞ്ഞു.
പ്രണവിന്റെ ഭാവിയെ കുറിച്ചുള്ള മോഹൻലാലിന്റെ വാക്കുകൾ പ്രേക്ഷകരുടെ ഇടയിൽ വൈറലായിട്ടുണ്ട്. അഭിമുഖത്തിലുടനീളം മോഹൻലാൽ മകനെ അദ്ദേഹം എന്നാണ് വിളിച്ചിരുന്നത്. ഇത് പ്രേക്ഷകരുടെ ഇടയിൽ ശ്രദ്ധിക്കപ്പെട്ടിട്ടുണ്ട്. മോഹൻലാലിനും പ്രണവിനും ഒരുപോലെ അഭിമാനിക്കാം എന്നാണ് പ്രേക്ഷകർ പറയുന്നത്. 2018 ആണ് പ്രണവ് മോഹൻലാൽ സിനിമയിൽ നായകനായി അരങ്ങേറ്റം കുറിച്ചതെങ്കിലും ഇതുവരെ രണ്ട് സിനിമകൾ മാത്രമാണ് റിലീസ് ചെയ്തിരിക്കുന്നത്. ആദി 100 ദിവസം തിയേറ്ററുകളിൽ ഓടിയിരുന്നു. മോഹൻലാൽ പ്രധാന വേഷത്തിലെത്തുന് മരയ്ക്കാർ, ഹൃദയം എന്നിവയാണ് പുറത്ത് വരാനുള്ള ചിത്രം. വിനീത് ശ്രീനിവാസനാണ ഹൃദയം സംവിധാനം ചെയ്യുന്നത്.
Content Highlight: I have been told that Pranav's desire is the priority for that desire; Mohanlal
