---
title: "'ദൈവമേ ഒരു രക്ഷയില്ല; എഡിറ്റിങ് ആണോ; യോഗാ ദിനത്തില്‍ ലാലേട്ടന്റെ ചിത്രം ഏറ്റെടുത്ത് ആരാധകര്‍ "
english_title: "'God, there is no salvation; Whether editing; Fans take a picture of Lalettan on Yoga Day"
publisher: "moviemax.in"
canonical_url: "https://moviemax.in/news/2666/god-there-is-no-salvation-whether-editing-fans-take-a-picture-of-lalettan-on-yoga-day"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/60d01c7d0e1dd_.jpg"
keywords: []
---

# 'ദൈവമേ ഒരു രക്ഷയില്ല; എഡിറ്റിങ് ആണോ; യോഗാ ദിനത്തില്‍ ലാലേട്ടന്റെ ചിത്രം ഏറ്റെടുത്ത് ആരാധകര്‍ 

> **Lead Summary:** ജൂൺ 21 അന്താരാഷ്ട്ര യോഗ ദിനം . യോഗയുടെ ഗുണങ്ങൾ ജനങ്ങളിലേക്കെത്തിക്കുക എന്നതാണ് ഈ ആഘോഷത്തിന്റെ പ്രധാന ലക്ഷ്യം. അത്തരത്തിൽ യോഗയുടെ പ്രാധാന്യത്തെകുറിച്ച് ലാലേട്ടൻ പങ്കിട്ട ഒരു സന്ദേശമാണ് ഇപ്പോൾ വൈറൽ ആകുന്നത്. ഒപ്പം മനോഹരമായ ഒരു ചിത്രവും അദ്ദേഹം പങ്കിടുകയുണ്ടായി. അദ്ദേഹത്തിന്റെ പുതിയ ചിത്രം കണ്ട അതിശയത്തിൽ ആണ് ആരാധകർ.

## Article Content

ജൂൺ 21 അന്താരാഷ്ട്ര യോഗ ദിനം . യോഗയുടെ ഗുണങ്ങൾ ജനങ്ങളിലേക്കെത്തിക്കുക എന്നതാണ് ഈ ആഘോഷത്തിന്റെ പ്രധാന ലക്ഷ്യം. അത്തരത്തിൽ യോഗയുടെ പ്രാധാന്യത്തെകുറിച്ച് ലാലേട്ടൻ പങ്കിട്ട ഒരു സന്ദേശമാണ് ഇപ്പോൾ വൈറൽ ആകുന്നത്. ഒപ്പം മനോഹരമായ ഒരു ചിത്രവും അദ്ദേഹം പങ്കിടുകയുണ്ടായി. അദ്ദേഹത്തിന്റെ പുതിയ ചിത്രം കണ്ട അതിശയത്തിൽ ആണ് ആരാധകർ.

> "ഓരോ ശ്വാസത്തിലും നാം ഭാവിയെ അകത്തേക്കും ഭൂതത്തെ പുറത്തേക്കും വമിക്കുന്നുവെന്നാണ് പറയുക. രോഗാണുവിനെ ശ്വസിക്കേണ്ടിവരുന്ന ഈ ദശാസന്ധിയേയും നാം മറികടക്കും. നമുക്ക് മാസ്‌കോടു കൂടി തന്നെ പ്രത്യാശാപൂർവമായ ഭാവിയെ ശ്വസിച്ചും കെട്ടകാലത്തിൻ്റെ ഭൂതാവശിഷ്ടങ്ങളെ നിശ്വസിച്ചും ഈ ലോക യോഗാ ദിനത്തിൽ സ്വയം പ്രകാശിക്കാം, മറ്റുള്ളവർക്ക് പ്രകാശമാകാം. ആശംസകൾ' എന്നാണ് അദ്ദേഹം തന്റെ സോഷ്യല്‍ മീഡിയയിലൂടെ പങ്കുവെച്ചത് .

'ദൈവമേ ഒരു രക്ഷയില്ല; എഡിറ്റിങ് ആണോ; ആരായാലും ചോദിച്ചു പോകും' എന്ന് തുടങ്ങിയ നിരവധി കമന്റുകൾ ആണ് ആരാധകർ പങ്കിടുന്നത്.2021 അന്താരാഷ്ട്ര യോഗ ദിനത്തിന്റെ തീം യോഗ ഫോർ വെൽ ബീയിംഗ് എന്നതാണ്. കഴിഞ്ഞ വർഷം യോഗ അറ്റ് ഹോം ആന്റ് യോഗ വിത്ത് ഫാമിലി എന്നതായിരുന്നു തീം. ക്ലൈമറ്റ് ചേഞ്ച് എന്നതായിരുന്നു 2019ലെ യോഗ ദിനത്തിലെ തീം.

സദ്രുഗുരുക്കൻമാരെ അനുസ്മരിക്കാനുള്ള ഒരു ദിവസം എന്ന നിലയിലാണ് ജൂൺ 21 തെരഞ്ഞെടുത്തത്. ഇതിന് പിന്നാലെ ഒരു ശാസ്ത്രീയ കാര്യവുമുണ്ട്. സമ്മർ സോൾസ്റ്റിസ് എന്നറിയപ്പെടുന്ന ദിനം ജൂൺ 21 ആണ്. ഉത്തരാർത്ഥ ഗോളം സൂര്യന്റെ നേർക്ക് നിൽക്കുന്ന സമയമാണ്. സൂര്യൻ വടക്കു നിന്ന് ദക്ഷിണ മേഖലയിലേക്ക് നീങ്ങിത്തുടങ്ങുന്ന സമയം എന്നും പറയാറുണ്ട്.

### Related Links & Sources
- [Original Story Source](https://moviemax.in/news/2666/god-there-is-no-salvation-whether-editing-fans-take-a-picture-of-lalettan-on-yoga-day)