.jpg)
(moviemax.in )രേഖാചിത്രത്തില്‍ അഭിനയിച്ച സുലേഖ എന്ന നടിയെ ആശ്വസിപ്പിച്ച് നടന്‍ ആസിഫ് അലി. രണ്ട് ഷോട്ടുള്ള ഒരു സീനില്‍ ആയിരുന്നു സുലേഖ ചിത്രത്തിലുണ്ടായിരുന്നത്.
എന്നാല്‍ എഡിറ്റിങ്ങിന്റെ സമയത്ത് ചില സീനുകള്‍ മുറിച്ചുമാറ്റിയപ്പോള്‍ ആ ഷോട്ടുകളും അതില്‍പെട്ടു. ഇതോടെ ആദ്യമായി അഭിനയിച്ച ചിത്രം കാണാന്‍ ബന്ധുക്കള്‍ക്കും സുഹൃത്തുക്കള്‍ക്കുമൊപ്പമെത്തിയ സുലേഖ സങ്കടം താങ്ങാനാകാതെ കരഞ്ഞു.
സിനിമ കണ്ടിറങ്ങിയ ആസിഫ് ഇത് കാണുകയും സുലേഖയെ ആശ്വസിപ്പിക്കുകയുമായിരുന്നു. സുലേഖ ചേച്ചി തന്നോട് ക്ഷമിക്കണമെന്നും മന:പൂര്‍വ്വം ചെയ്തത് അല്ലെന്നും പറ്റിപ്പോയെന്നും ആസിഫ് അലി സുലേഖയോട് പറഞ്ഞു.
ഇതിലും വലിയ ഭാഗ്യം തനിക്ക് കിട്ടാനില്ല എന്നായിരുന്നു സുലേഖയുടെ മറുപടി. ചേച്ചി ആ രണ്ട് ഷോട്ടുകളും മനോഹരമായിട്ടാണ് ചെയ്തത്. തന്റെ അടുത്ത ചിത്രത്തില്‍ സുലേഖയെ അഭിനയിപ്പിക്കുമെന്ന് ആസിഫ് അലി ഉറപ്പും നല്‍കി.
അതിനുശേഷം നടന്ന പ്രൊമോഷന്റെ ഭാഗമായുള്ള പ്രസ് മീറ്റില്‍ ആസിഫ് അലി ഇക്കാര്യം പറയുകയും ചെയ്തു. നിരവധി പേരാണ് ഈ വീഡിയോ സോഷ്യല്‍ മീഡിയയില്‍ പങ്കുവെച്ചത്.
കൂടെയുള്ളവരെ എപ്പോഴും പരിഗണിക്കുന്ന നടനാണ് ആസിഫ് അലിയെന്നും ഇങ്ങനെയായിരിക്കണം ഒരു മനുഷ്യന്‍ പെരുമാറേണ്ടതെന്നും ആളുകള്‍ വീഡിയോയ്ക്ക് താഴെ കമന്റ് ചെയ്തിട്ടുണ്ട്.
#asifali #apologizes #his #costar #film #rekhachithram
