---
title: "#asifali | 'നിങ്ങളെയൊക്കെ പോലെ തന്നെ ഞാനും......', രാത്രി വൈകി ആസിഫ് അലി വകയൊരു സർപ്രൈസ്; കുറിപ്പ് വൈറൽ"
english_title: "#late #night #surprise #asifali #those #who #ask #about #mammootty #rekhachithram #post"
publisher: "moviemax.in"
canonical_url: "https://moviemax.in/news/262087/late-night-surprise-asifali-those-who-ask-about-mammootty-rekhachithram-post"
published_at: "2025-01-09T06:52:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/677f24f7b5577_mammootty.jpg"
keywords: []
---

# #asifali | 'നിങ്ങളെയൊക്കെ പോലെ തന്നെ ഞാനും......', രാത്രി വൈകി ആസിഫ് അലി വകയൊരു സർപ്രൈസ്; കുറിപ്പ് വൈറൽ

> **Lead Summary:** ജോഫിൻ ടി ചാക്കോ സംവിധാനം നിർവ്വഹിക്കുന്ന രേഖാചിത്രം തീയറ്ററുകളിൽ എത്താൻ മണിക്കൂറുകൾ മാത്രം ബാക്കിയുള്ളപ്പോൾ സർപ്രൈസുമായി നടൻ ആസിഫ് അലി. ഈ സിനിമയിൽ മമ്മൂക്കയുണ്ടോ എന്ന ചോദിക്കുന്നവർക്ക് വ്യക്തമായല്ലെങ്കിലും ആകാംക്ഷയേറ്റുന്ന മറുപടിയാണ് ഫേസ്ബുക്ക് പോസ്റ്റിലൂടെ ആസിഫ് നൽകിയിട്ടുള്ളത്.

## Article Content

ജോഫിൻ ടി ചാക്കോ സംവിധാനം നിർവ്വഹിക്കുന്ന രേഖാചിത്രം തീയറ്ററുകളിൽ എത്താൻ മണിക്കൂറുകൾ മാത്രം ബാക്കിയുള്ളപ്പോൾ സർപ്രൈസുമായി നടൻ ആസിഫ് അലി. ഈ സിനിമയിൽ മമ്മൂക്കയുണ്ടോ എന്ന ചോദിക്കുന്നവർക്ക് വ്യക്തമായല്ലെങ്കിലും ആകാംക്ഷയേറ്റുന്ന മറുപടിയാണ് ഫേസ്ബുക്ക് പോസ്റ്റിലൂടെ ആസിഫ് നൽകിയിട്ടുള്ളത്.

ഈ ചിത്രത്തിൽ മമ്മൂക്കയെ പ്രതീക്ഷിക്കുന്നവർ ആരും തന്നെ നിരാശർ ആവില്ല എന്ന് ഞാൻ ഉറപ്പ്‌ തരുന്നു.നിങ്ങളെ കാത്ത് ഒരു കുഞ്ഞു സർപ്രൈസ് ഈ സിനിമയിൽ ഒളിഞ്ഞു കിടപ്പുണ്ട് എന്നാണ് ആസിഫ് കുറിച്ചത്. കൂടാതെ മമ്മൂട്ടിക്ക് ഹൃദയം തൊടുന്ന ഒരു നന്ദിയും ആസിഫ് പറയുന്നുണ്ട്.

**ആസിഫിന്റെ കുറിപ്പ് ഇങ്ങനെ**

> ***"രേഖാചിത്രം" എന്ന എന്റെ ഏറ്റവും പുതിയ ചിത്രം നാളെ തിയറ്ററുകളിലെത്തുകയാണ്. ഈ സിനിമയിൽ മമ്മൂക്കയുണ്ടോ എന്ന ചോദ്യവും, ഉത്തരം തേടിയുള്ള സോഷ്യൽ മീഡിയ ചർച്ചകൾ നിങ്ങളെയൊക്കെ പോലെ തന്നെ ഞാനും കാണുന്നുണ്ട്.***

*** അതിനു നേരിട്ടൊരു മറുപടി തരാൻ ഈ ചിത്രത്തിൽ അഭിനയിച്ച ഒരു നടൻ എന്ന നിലയിൽ തൽക്കാലം എനിക്ക് കഴിയില്ല. എങ്കിലും ഈ ചിത്രത്തിൽ മമ്മൂക്കയെ പ്രതീക്ഷിക്കുന്നവർ ആരും തന്നെ നിരാശർ ആവില്ല എന്ന് ഞാൻ ഉറപ്പ്‌ തരുന്നു.***

***നിങ്ങളെ കാത്ത് ഒരു കുഞ്ഞു സർപ്രൈസ് ഈ സിനിമയിൽ ഒളിഞ്ഞു കിടപ്പുണ്ട്. സിനിമയുടെ റിലീസ് കാത്തു നിൽക്കുന്ന ഈ രാത്രിയിൽ, നിങ്ങളെല്ലാവരുടെയും മുന്നിൽ വച്ച് തന്നെ പറയണ്ട മറ്റൊരു കാര്യമുണ്ട് - അത് മമ്മൂട്ടി എന്ന മഹാനടനോടും, ഒരുപക്ഷെ അതിലേറെ, ഞാൻ ഒരുപാട് സ്നേഹിക്കുകയൂം ബഹുമാനിക്കുകയും ചെയ്യുന്ന മമ്മൂക്ക എന്ന വ്യക്തിയോടും ഉള്ള എന്റെ നന്ദിയാണ്. ***

***കാരണം അദ്ദേഹത്തിന്റെ സമ്മതവും, അനുഗ്രഹവും, അദ്ദേഹം തന്ന ധൈര്യവും, ഞങ്ങളോടും ഈ സിനിമയോടും അദ്ദേഹം കാണിച്ച തുറന്ന മനസ്സും ഇല്ലാതെ, ഒരിക്കലും ഈ സിനിമ സംഭവിക്കില്ലായിരുന്നു. ***

***ഈ സിനിമയിലെന്ന പോലെ, എന്റെ കരിയറിലും, ദിശാബോധവും ധൈര്യവും തന്ന ഒരു നെടുംതൂണായി അദ്ദേഹത്തിന്റെ പ്രെസെൻസ് എന്നുമുണ്ടായിരുന്നു. ഒരു സോഷ്യൽ മീഡിയ പോസ്റ്റിൽ പറഞ്ഞാൽ തീരുന്നതല്ല, എന്നാലും മമ്മൂക്ക - എന്റെ മനസ്സും ഉള്ളും നിറഞ്ഞ നന്ദി.***

ചിത്രത്തിന്റെതായ് ഇതുവരെ പുറത്തുവിട്ട പോസ്റ്ററുകളും ചിത്രത്തിന്റെ ടീസർ, ട്രെയിലർ എന്നിവയും വലിയ രീതിയിൽ പ്രേക്ഷകശ്രദ്ധ ആകർഷിച്ചിരുന്നു. ജോഫിൻ ടി ചാക്കോ, രാമു സുനിൽ എന്നിവരുടെ കഥക്ക് ജോൺ മന്ത്രിക്കലാണ് തിരക്കഥ തയ്യാറാക്കിയത്. മനോജ് കെ ജയൻ, ഇന്ദ്രൻസ്, ഹരിശ്രീ അശോകൻ തുടങ്ങിയവർ സുപ്രധാന വേഷങ്ങളിലെത്തുന്ന ചിത്രത്തിലെ മറ്റ് പ്രധാന കഥാപാത്രങ്ങൾ ഭാമ അരുൺ, സിദ്ദിഖ്, ജഗദീഷ്, സായികുമാർ, ശ്രീകാന്ത് മുരളി, നിഷാന്ത് സാഗർ, പ്രേംപ്രകാശ്, സുധി കോപ്പ, മേഘ തോമസ്, സെറിൻ ശിഹാബ് (‘ആട്ടം’ ഫെയിം) തുടങ്ങിയവരാണ് അഭിനയിക്കുന്നത്.

### Related Links & Sources
- [Original Story Source](https://moviemax.in/news/262087/late-night-surprise-asifali-those-who-ask-about-mammootty-rekhachithram-post)