കാവ്യ മാധവന്റെ വിശേഷങ്ങൾക്ക് എന്നും ആരാധകർ ഏറെയാണ്. നടി അഭിനയത്തിൽ നിന്നും, സോഷ്യൽ മീഡിയയിൽ നിന്നും വിട്ടുനിന്നാലും അവരുടെ വിശേഷങ്ങൾക്ക് എന്നും നിറഞ്ഞ സ്വീകരണമാണ് ലഭിക്കുന്നത്. ചുരുക്കം ചില സന്ദർഭങ്ങളിൽ മാത്രമാണ് ക്യാമറയുടെ മുൻപിൽ കാവ്യ എത്തുന്നത് എങ്കിലും അവർക്ക് പിറകെ തന്നെയാണ് ക്യാമറ കണ്ണുകൾ. അത് പണ്ടും അങ്ങനെ തന്നെ ആയിരുന്നു. വശ്യ സൗന്ദര്യമാണ് കാവ്യക്ക് എന്നാണ് ഇപ്പോഴും ആരാധകർ പറയുന്നത്. പ്രായം 36 ആയെങ്കിലും ഒരു കുഞ്ഞിന്റെ അമ്മയായി എങ്കിലും സൗന്ദര്യത്തിന് കോട്ടം വന്നിട്ടില്ല എന്ന് തന്നെയാണ് ആരാധകരുടെ അഭിപ്രായം. ഇപ്പോൾ കാവ്യയുടെ ഒരു പഴയകാല അഭിമുഖം ആണ് വൈറൽ ആകുന്നത്. കാവ്യയുടെ അർത്ഥവത്തായ വാക്കുകൾ ആണ് ആരാധകർ വീണ്ടും ഏറ്റെടുത്തിരിക്കുന്നത്.
കാവ്യ ഒരു സാധാരണക്കാരി പാവം പെൺകുട്ടി, അതിൽ നിന്നും ഒരു ബിസിനസ്സ്കാരിയാകുമ്പോൾ മാറ്റങ്ങൾ ഉണ്ടാകില്ലേ. വളരെ ബോൾഡ്നെസ്സ് വേണം. കാര്യങ്ങൾ ചിന്തിക്കാനുള്ള മെച്ച്വറിറ്റി. അതൊക്കെ കാവ്യക്ക് ആയോ, പാവം പെൺകുട്ടി എന്ന സങ്കൽപ്പത്തിൽ നിന്നും മാറിയോ എന്ന് അവതാരക ചോദിക്കുമ്പോൾ കിടിലൻ മറുപടി നൽകുന്ന കാവ്യയുടെ വീഡിയോ ആണ് വൈറൽ ആയി മാറുന്നത്.
അത്ര പാവം ഒന്നുമല്ല ആദ്യം തന്നെ പറഞ്ഞേക്കാം എന്ന് പറഞ്ഞുകൊണ്ടാണ് കാവ്യ പ്രതികരിക്കുന്നത്. പിന്നെ മച്ച്വറിറ്റി ബോൾഡ്നെസ് എന്നൊക്കെ പറയുന്നത്, ഞാൻ അത്ര ബോൾഡാണോ എന്നൊന്നും എനിക്ക് അറിയില്ല. എന്നാലും ഇപ്പോൾ വ്യക്തത ഉണ്ട് പല കാര്യങ്ങളിലും. മുൻപൊന്നും ആ വ്യക്തത ഉണ്ടായിരുന്നില്ല എന്നും കാവ്യ പറയുന്നു.
എന്താണ് ഇപ്പോൾ ഉണ്ടാകാൻ പോകുന്നത് എന്ന വ്യക്തത പോലും പല കാര്യങ്ങളിലും ഉണ്ടായിരുന്നില്ല. ഓരോ കാര്യങ്ങൾക്ക് അനുസരിച്ചങ്ങു പോവുക. ഓരോ ദിവസങ്ങൾ വരുന്നു. ഓരോ കാര്യങ്ങൾ അതിനനുസരിച്ചങ്ങു നീങ്ങുക ആയിരുന്നു. ഷൂട്ടിങ്ങിനു പോകുന്നു, മടങ്ങു വരുന്നു, ഉറങ്ങുന്നു, നാളെ പിന്നെ അടുത്തിടത്തു പോയി അങ്ങനെയാണ് ഇത്രയും വർഷങ്ങൾ ഉണ്ടായിരുന്നത്.
ഞാൻ വളരെ ഡിപ്പൻഡന്റ് ആണ് എന്റെ അച്ഛനിലും അമ്മയിലും. അവരെ മാത്രമല്ല എന്നെ ചുറ്റിപറ്റി നിൽക്കുന്ന എല്ലാവരിലും ഞാൻ ഡിപ്പൻഡന്റ് ആകും. എന്നെ ട്രെയിൻ ചെയ്ച്ചത് അങ്ങനെ ആയി പോയി. അതുകൊണ്ടാണ് ഞാൻ ഡിപ്പെൻഡന്റ് ആയി മാറുന്നതും . ചെറുപ്പം മുതലേ ഡിപ്പൻഡന്റ് ആകാൻ ആണ് എനിക്ക് ഇഷ്ടം. ഇൻഡിപെൻഡന്റ് ആകാനുള്ള ഒരു അവസരം ജീവിതത്തിൽ ഉണ്ടായിട്ടില്ല.
അന്ന് എന്റെ ഏറ്റവും വലിയ ആവശ്യം എന്ന് പറയുന്നത് ഞാൻ എത്രയും പെട്ടെന്ന് ഇൻഡിപെൻഡന്റ് ആവുക എന്നതായിരുന്നു. അതിന് ഡ്രൈവിംഗ് എന്നെ സംബന്ധിച്ചിടത്തോളം ഒരിക്കലും ചെയ്യാൻ പറ്റാത്ത ഒരു കാര്യം ആയിരുന്നു. അത് ഷീ ടാക്സി എന്ന സിനിമയിലൂടെ അത് സാധിച്ചെടുത്തു. എന്നാൽ ഇപ്പോഴും അത് സാധിക്കാത്ത പോലെയാണ്.
വണ്ടി എടുക്കാനുള്ള ധൈര്യമായി ഞാൻ ഓടിച്ചു തുടങ്ങുമ്പോഴേക്കും അമ്മയ്ക്ക് ധൈര്യമില്ല എന്റെ ഒപ്പം വരാൻ. എന്നെ ഒറ്റക്ക് എവിടേം വിടുകയും ഇല്ല. ഇവരുടെ ഒപ്പം അല്ലെ ഞാൻ പോകുന്നത്. ഇവർ ആണേൽ എന്റെ ഒപ്പം ഒട്ടു കയറുകയും ഇല്ല. ഞാൻ പിന്നെ എന്തിനാണ് വണ്ടി ഓടിക്കുന്നത്. അപ്പോൾ ഞാൻ തന്നെ ഇത് ആലോചിച്ചു എന്തിനാണ് ഡ്രൈവിംഗ് പഠിച്ചത് എന്ന്. അത്യാവശ്യം വരുമ്പോൾ ഞാൻ എടുക്കാം എന്ന് പറഞ്ഞാൽ അല്ല അതിപ്പോൾ അത്ര അത്യാവശ്യം ഇല്ല നാളെ മതി എന്നാകും.
ജീവിതത്തിൽ ഓരോ അവസ്ഥകൾ ഉണ്ടാകുമ്പോൾ ആണ് മാറ്റങ്ങൾ ഉണ്ടാകുന്നത്. എന്റെ അടുത്തുപലരും പറയും പണ്ട് സംസാരിച്ച ആളെ അല്ല, ഇപ്പോൾ മാറ്റങ്ങൾ ഉണ്ടായിട്ടുണ്ട് എന്ന്. അങ്ങനെ പറ്റിക്കാൻ ഒന്നും എളുപ്പം അല്ലാട്ടോ എന്ന്. അത് ഓരോ അനുഭവങ്ങളിൽ നിന്നും നമ്മൾ മാറുന്നതല്ലേ. പിന്നെ പ്രായം കൂടുമ്പോൾ ഉള്ള മാറ്റങ്ങൾ വേണ്ടേ. പ്രായം കൂടും തോറും മാറ്റങ്ങൾ വന്നില്ല എങ്കിൽ ആളുകൾ മന്ദബുദ്ധി ആണെന്ന് പറയില്ലേ. ഇതിനു ബുദ്ധി ഒന്നും വളരില്ലേ എന്ന് ചോദിക്കും. അപ്പോൾ മാറ്റങ്ങൾ ഒക്കെയുണ്ട്.
ഞാൻ വളരെ ഫാഷൻ കോൺഷ്യസ് ഒന്നുമല്ല. ഞാൻ എനിക്ക് ചേരുന്ന രീതിയിൽ ഉള്ള മാറ്റങ്ങളെ വരുത്താറുള്ളൂ. പലർക്കും എന്റെ മുടി മുറിച്ചതൊന്നും ഇഷ്ടം ആയിരുന്നില്ല. എവിടെ പോയാലും ആളുകൾ മുടിയെ കുറിച്ചാണ് ചോദിക്കുന്നത്. മുടി പോയതോടെ ഐശ്വര്യം പോയി, ഇഷ്ടം പോയി എന്നൊക്കെ പറയും. പക്ഷേ ഞാൻ വേണം എന്ന് വച്ചുകൊണ്ട് കട്ട് ചെയ്തു കളഞ്ഞത് അല്ല. മുടിപോയപ്പോൾ അത് അല്പം ഭംഗി ആക്കാൻ വേണ്ടി ചെയ്തത് ആണെന്നും കാവ്യ പറയുന്നു. കൈരളിക്ക് നൽകിയ അഭിമുഖത്തിൽ ആണ് താരം വിശേഷങ്ങൾ പങ്കിടുന്നത്.
Content Highlight: Will there be changes with age? Kavya!
