---
title: " വരാനിരിയ്ക്കുന്ന നയന്‍താര ചിത്രങ്ങൾ"
english_title: "Upcoming Nayanthara Pictures"
publisher: "moviemax.in"
canonical_url: "https://moviemax.in/news/2597/upcoming-nayanthara-pictures"
published_at: "2021-10-04T21:49:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/60c1f6bc622b6_nayanthara3.jpg"
keywords: []
---

#  വരാനിരിയ്ക്കുന്ന നയന്‍താര ചിത്രങ്ങൾ

> **Lead Summary:** ലുക്ക് കൊണ്ടും അഭിനയം കൊണ്ടും ഇപ്പോഴും ഇന്‍സ്ട്രിയില്‍ നമ്പര്‍ വണ്‍ ആണ് നയന്‍താര. സിനിമകള്‍ തിരഞ്ഞെടുക്കുന്ന കാര്യത്തില്‍ വളരെ അധികം സെലക്ടീവാണ് ലേഡി സൂപ്പര്‍ സ്റ്റാര്‍. നായകന്മാരുടെ പേര് കൊണ്ട് മാത്രം വിജയം നേടിയ തമിഴ് സിനിമാ ലോകത്ത് തന്റേതായ വഴിവെട്ടി, സ്ത്രീപക്ഷ ചിത്രങ്ങള്‍ മികച്ച വിജയത്തില്‍ എത്തിച്ച നടി കൂടെയാണ് നയന്‍താര.ഒരേ സമയം യുവതാരങ്ങള്‍ക്കൊപ്പം സ്ത്രീപക്ഷ ചിത്രങ്ങളും, സൂപ്പര്‍ സ്റ്റാറുകള്‍ക്കൊപ്പം ബിഗ് ബജറ്റ് ചിത്രങ്ങളും ബാലന്‍സ് ചെയ്തു കൊണ്ടു പോവാനും നയന്‍സിന് കഴിയുന്നു. അങ്ങനെ തമിഴിലും മലയാളത്തിലുമായി ഇനി വരാനിരിയ്ക്കുന്ന നയന്‍താര ചിത്രങ്ങളെ കുറിച്ചാണ് ഇനി പറയുന്നത്.

## Article Content

ലുക്ക് കൊണ്ടും അഭിനയം കൊണ്ടും ഇപ്പോഴും ഇന്‍സ്ട്രിയില്‍ നമ്പര്‍ വണ്‍ ആണ് നയന്‍താര. സിനിമകള്‍ തിരഞ്ഞെടുക്കുന്ന കാര്യത്തില്‍ വളരെ അധികം സെലക്ടീവാണ് ലേഡി സൂപ്പര്‍ സ്റ്റാര്‍. നായകന്മാരുടെ പേര് കൊണ്ട് മാത്രം വിജയം നേടിയ തമിഴ് സിനിമാ ലോകത്ത് തന്റേതായ വഴിവെട്ടി, സ്ത്രീപക്ഷ ചിത്രങ്ങള്‍ മികച്ച വിജയത്തില്‍ എത്തിച്ച നടി കൂടെയാണ് നയന്‍താര.ഒരേ സമയം യുവതാരങ്ങള്‍ക്കൊപ്പം സ്ത്രീപക്ഷ ചിത്രങ്ങളും, സൂപ്പര്‍ സ്റ്റാറുകള്‍ക്കൊപ്പം ബിഗ് ബജറ്റ് ചിത്രങ്ങളും ബാലന്‍സ് ചെയ്തു കൊണ്ടു പോവാനും നയന്‍സിന് കഴിയുന്നു. അങ്ങനെ തമിഴിലും മലയാളത്തിലുമായി ഇനി വരാനിരിയ്ക്കുന്ന നയന്‍താര ചിത്രങ്ങളെ കുറിച്ചാണ് ഇനി പറയുന്നത്.

രജനികാന്തിനെ നായകനാക്കി സിരുതൈ സിവ സംവിധാനം ചെയ്യുന്ന ചിത്രമാണ് അണ്ണാത്തെ. രജനികാന്തും നയന്‍താരയും ഒന്നിക്കുന്ന മൂന്നാമത്തെ ചിത്രമാണ് അണ്ണാത്തെ. ചന്ദ്രമുഖി, ദര്‍ബാര്‍ എന്നീ ചിത്രങ്ങള്‍ക്ക് വേണ്ടിയാണ് നേരത്തെ ഇരുവരും ഒന്നിച്ചത്. നയന്‍താരയെ കൂടാതെ, കീര്‍ത്തി സുരേഷ്, മീന, ഖുശ്ബു തുടങ്ങിയവരും ചിത്രത്തിലെ നായികാ നിരയിലുണ്ട്.

ദ ബ്‌ളൈന്റ് എന്ന് കൊറിയന്‍ ചിത്രത്തിന്റെ ഔദ്യോഗിക റീമേക്കാണ് നെട്രിക്കണ്ണ്. മിലിന്ദ് റാവു സംവിധാനം ചെയ്യുന്ന ചിത്രത്തിലൂടെ വിഘ്‌നേശ് ശിവന്‍ നിര്‍മാണ രംഗത്തേക്ക് ഇറങ്ങുന്നു എന്ന പ്രത്യേകതയുമുണ്ട്. ചിത്രത്തിന്റെ ഫസ്റ്റ്‌ലുക്ക് പോസ്റ്ററിന് മികച്ച സ്വീകരണാണ് സോഷ്യല്‍ മീഡിയയില്‍ നിന്നും ലഭിച്ചത്.

നയന്‍താരയെ നായികയാക്കി കാമുകന്‍ വിഘ്‌നേശ് ശിവന്‍ സിനിമ നിര്‍മിയ്ക്കുക മാത്രമല്ല, സംവിധാനം ചെയ്യുകയും ചെയ്യുന്നുണ്ട്. കാത്ത് വാക്കിലെ രണ്ട് കാതല്‍ എന്ന ചിത്രത്തില്‍ നയന്‍താരയ്‌ക്കൊപ്പം വിജയ് സേതുപതിയും സമാന്ത അക്കിനേനിയും മറ്റ് രണ്ട് കേന്ദ്ര കഥാപാത്രങ്ങളായി എത്തുന്നു.

തമിഴില്‍ മാത്രമല്ല, മലയാളത്തിലും നയന്‍താരയുടെ സിനിമകളുണ്ട്. പ്രേമം എന്ന ചിത്രത്തിന് ശേഷം അഞ്ച് വര്‍ഷം കഴിഞ്ഞ് അല്‍ഫോണ്‍സ് പുത്രന്‍ സംവിധാനം ചെയ്യുന്ന പാട്ട് എന്ന ചിത്രത്തില്‍ നയന്‍താരയാണ് നായികയായി എത്തുന്നത്. ഫഹദ് ഫാസിലാണ് നായകന്‍.

നയന്‍താരയും പൃഥ്വിരാജും കേന്ദ്ര കഥാപാത്രങ്ങളായി എത്തുന്ന ചിത്രമാണ് തൃഷ്ണ. എം ടി വാസുദേവന്‍ നായരുടെ തിരക്കഥയില്‍ ഐവി ശശി സംവിധാനം ചെയ്ത് എണ്‍പതുകളില്‍ പുറത്തിറങ്ങിയ തൃഷ്ണ എന്ന ചിത്രം അതേ പേരില്‍ മധുമാല്‍ ആവര്‍ത്തിക്കുകയാണ്. ചിത്രത്തിലെ 'ശ്രുതിയില്‍ നിന്നുയരും', മൈനാകം കടലില്‍ നിന്നുയരുന്നുവോ' എന്നീ രണ്ട് പാട്ടുകളും പുതിയ സിനിമയില്‍ റീമിക്‌സ് ചെയ്യും.

### Related Links & Sources
- [Original Story Source](https://moviemax.in/news/2597/upcoming-nayanthara-pictures)