---
title: "#mohanlal | മമ്മൂട്ടിയുടെ വമ്പൻ ചിത്രത്തിലേക്ക് മോഹൻലാല്‍ എപ്പോള്‍? അപ്‍ഡേറ്റ് പുറത്ത്"
english_title: "#mammootty #mohanlal #starrer #upcoming #film #updates #out"
publisher: "moviemax.in"
canonical_url: "https://moviemax.in/news/256973/mammootty-mohanlal-starrer-upcoming-film-updates-out"
published_at: "2024-12-17T16:41:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/67615c6b6b149_mohanlal.jpg"
keywords: []
---

# #mohanlal | മമ്മൂട്ടിയുടെ വമ്പൻ ചിത്രത്തിലേക്ക് മോഹൻലാല്‍ എപ്പോള്‍? അപ്‍ഡേറ്റ് പുറത്ത്

> **Lead Summary:** **മലയാ**ളത്തിന്റെ മോഹൻലാലും മമ്മൂട്ടിയും ഒന്നിക്കുന്ന വാര്‍ത്ത ശ്രദ്ധയാകര്‍ഷിച്ചിരുന്നു. ചിത്രം കൊളംബോയില്‍ വെച്ചായിരുന്നു തുടങ്ങിയത്. നിലവില്‍ ദുബായില്‍ വെച്ചാണ് ചിത്രീകരണമെന്നും ചിത്രത്തിന്റെ അടുത്ത ഷെഡ്യൂള്‍ കൊച്ചിയിലായിരിക്കുമെന്നാണ് റിപ്പോര്‍ട്ട്. മോഹൻലാല്‍ മിക്കവാറും ഡിസംബര്‍ അവസാന ആഴ്‍ചയായിരിക്കും ജോയിൻ ചെയ്യുക എന്നുമാണ് റിപ്പോര്‍ട്ട്.

## Article Content

**മലയാ**ളത്തിന്റെ മോഹൻലാലും മമ്മൂട്ടിയും ഒന്നിക്കുന്ന വാര്‍ത്ത ശ്രദ്ധയാകര്‍ഷിച്ചിരുന്നു. ചിത്രം കൊളംബോയില്‍ വെച്ചായിരുന്നു തുടങ്ങിയത്. നിലവില്‍ ദുബായില്‍ വെച്ചാണ് ചിത്രീകരണമെന്നും ചിത്രത്തിന്റെ അടുത്ത ഷെഡ്യൂള്‍ കൊച്ചിയിലായിരിക്കുമെന്നാണ് റിപ്പോര്‍ട്ട്. മോഹൻലാല്‍ മിക്കവാറും ഡിസംബര്‍ അവസാന ആഴ്‍ചയായിരിക്കും ജോയിൻ ചെയ്യുക എന്നുമാണ് റിപ്പോര്‍ട്ട്.

മഹേഷ് നാരായണനാണ് മമ്മൂട്ടി ചിത്രം സംവിധാനം ചെയ്യുന്നത്. മമ്മൂട്ടി 100 ദിവസത്തോളം ആണ് ചിത്രത്തിന് ഡേറ്റ് നല്‍കിയിരിക്കുന്നത് എന്നാണ് റിപ്പോര്‍ട്ട്. എന്നാല്‍ മോഹൻലാലിനാകട്ടെ ഏകദേശം 30 ദിവസത്തെ ചിത്രീകരണമാണുണ്ടാകുക. കുഞ്ചാക്കോ ബോബനും ഒരു പ്രധാനപ്പെട്ട കഥാപാത്രമായി ചിത്രത്തില്‍ ഉണ്ടാകും.

ഡീ ഏജിംഗ് ടെക്‍നോളജി ഉപയോഗിക്കാനും ചിത്രത്തിന്റെ പ്രവര്‍ത്തകര്‍ക്ക് പദ്ധതിയുണ്ട് എന്നാണ് റിപ്പോര്‍ട്ട്. ഫ്ലാഷ്ബാക്ക് ചിത്രീകരിക്കാനാണ് ഡീ ഏജിംഗ് ചിത്രത്തില്‍ ഉപയോഗിക്കുക.

മമ്മൂട്ടിയും മോഹൻലാലും ഒന്നിക്കുന്ന ഫ്ലാഷ്‍ബാക്ക് രംഗങ്ങളും ഉണ്ടാകും എന്നും സൂചിപ്പിക്കുകയാണ് ഒടിടിപ്ലേ. റിപ്പോര്‍ട്ടനുസരിച്ച് സംഭവിച്ചാല്‍ ഡീ ഏജിംഗ് ആദ്യമായി മലയാളത്തിലും അത്ഭുതമാകും.

മലയാളത്തിന്റെ മോഹൻലാല്‍ നായകനായ ചിത്രമായി ഒടുവില്‍ എത്തിയത് മലൈക്കോട്ടൈ വാലിബൻ ആണ്. മോഹൻലാല്‍ മലൈക്കൈട്ടൈ വാലിബൻ സിനിമയുടെ സംവിധാനം നിര്‍വഹിച്ചത് ലിജോ ജോസ് പെല്ലിശ്ശേരിയാണ്. വൻ ഹൈപ്പോടെ എത്തിയ ചിത്രം തിയറ്ററില്‍ പരാജയമായിരുന്നു.

മോഹൻലാലിനു പുറമേ സോണാലി കുല്‍ക്കര്‍ണിയും ചിത്രത്തില്‍ പ്രധാന വേഷത്തില്‍ എത്തുമ്പോള്‍ മറ്റ് കഥാപാത്രങ്ങളായി കഥ നന്ദി, ഡാനിഷ് സെയ്‍ത്, മണികണ്ഠൻ ആര്‍ ആചാരി, ഹരിപ്രശാന്ത് വര്‍മ, രാജീവ് പിള്ള, സുചിത്ര നായര്‍ എന്നിവരും മലൈക്കോട്ടൈ വാലിബനിലുണ്ടായിരുന്നു. ഷിബു ബേബി ജോണായിരുന്നു നിര്‍മാണം. മധു നീലകണ്ഠനായിരുന്നു ഛായാഗ്രാഹണം നിര്‍വഹിച്ചത്. പ്രശാന്ത് പിള്ളയായിരുന്നു ചിത്രത്തിന്റെ സംഗീത സംവിധാനം നിര്‍വഹിച്ചത്.

### Related Links & Sources
- [Original Story Source](https://moviemax.in/news/256973/mammootty-mohanlal-starrer-upcoming-film-updates-out)