---
title: "ഒരു നടി ബിക്കിനി ധരിച്ചതല്ല !കമന്റിന് മറുപടിയുമായി താരം ...കൈയ്യടിച്ച്  സോഷ്യല്‍ മീഡിയ "
english_title: "An actress is not wearing a bikini!"
publisher: "moviemax.in"
canonical_url: "https://moviemax.in/news/2522/an-actress-is-not-wearing-a-bikini"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/60b72052ed487_raisa.jpg"
keywords: []
---

# ഒരു നടി ബിക്കിനി ധരിച്ചതല്ല !കമന്റിന് മറുപടിയുമായി താരം ...കൈയ്യടിച്ച്  സോഷ്യല്‍ മീഡിയ 

> **Lead Summary:** സോഷ്യല്‍ മീഡിയയില്‍ വളരെ അധികം സജീവമായ റൈസ വില്‍സണ്‍, തന്റെ ഫോട്ടോകള്‍ പങ്കുവയ്ക്കുന്നതില്‍ യാതൊരു മടിയും കുറവും കാണിക്കാറില്ല. മോശം കമന്റുകള്‍ വന്നാല്‍ മൈന്റ് ചെയ്യാതിരിയ്ക്കുക എന്നതിനപ്പുറം ചിലപ്പോഴൊക്കെ നടി പൊട്ടിത്തെറിക്കാറമുണ്ട്. കഴിഞ്ഞ ദിവസം അര്‍ധനഗ്നയായി നടി ഒരു ചിത്രം ഇന്‍സ്റ്റഗ്രാമില്‍ പങ്കുവച്ചത് വൈറലായിരുന്നു. ഒട്ടും ചേരാത്ത വേഷം, ഒരു ദുപ്പട്ട കൊണ്ട് മാറ് മറയ്ക്കാമായിരുന്നു എന്നൊക്കെയാണ് ചിത്രത്തിന് വന്ന കമന്റുകള്‍.

## Article Content

സോഷ്യല്‍ മീഡിയയില്‍ വളരെ അധികം സജീവമായ റൈസ വില്‍സണ്‍, തന്റെ ഫോട്ടോകള്‍ പങ്കുവയ്ക്കുന്നതില്‍ യാതൊരു മടിയും കുറവും കാണിക്കാറില്ല. മോശം കമന്റുകള്‍ വന്നാല്‍ മൈന്റ് ചെയ്യാതിരിയ്ക്കുക എന്നതിനപ്പുറം ചിലപ്പോഴൊക്കെ നടി പൊട്ടിത്തെറിക്കാറമുണ്ട്. കഴിഞ്ഞ ദിവസം അര്‍ധനഗ്നയായി നടി ഒരു ചിത്രം ഇന്‍സ്റ്റഗ്രാമില്‍ പങ്കുവച്ചത് വൈറലായിരുന്നു. ഒട്ടും ചേരാത്ത വേഷം, ഒരു ദുപ്പട്ട കൊണ്ട് മാറ് മറയ്ക്കാമായിരുന്നു എന്നൊക്കെയാണ് ചിത്രത്തിന് വന്ന കമന്റുകള്‍.

ഇതേ കുറിച്ച് ചോദിച്ചപ്പോള്‍ വ്യാജ അക്കൗണ്ടുകളില്‍ നിന്ന് വരുന്ന ഇത്തരം മോശം കമന്റുകളെ ഞാന്‍ ഗൗനിക്കാറേ ഇല്ല എന്നാണ് നടി പ്രതികരിച്ചത്. അവര്‍ക്ക് അജ്ഞതയുടെ സ്വാതന്ത്രമുണ്ട്. അതുകൊണ്ട് തന്നെ അവര്‍ വിരോധികളുമാണ്. അവരോട് എനിക്ക് ശരിക്കും സഹതാപമാണ് തോന്നുന്നത്. അവര്‍ അവരുടെ ഉള്ളിലുള്ള കാര്യങ്ങളാണ് തുറന്ന് വിടുന്നത്. അതിലൂടെ വിദ്വേഷം വളര്‍ത്തുകയാണ് ചെയ്യുന്നത്. അതിനര്‍ത്ഥം അവര്‍ നിഷേധാത്മകത നിറഞ്ഞവരാണ് എന്നതാണ്. അത് എനിക്ക് മാത്രമല്ല, അവര്‍ക്കും മോശമുള്ള കാര്യമാണ്.

അത്തരമൊരു നിഷേധാത്മകതയോടെ നിങ്ങള്‍ ജീവിതത്തെ നോക്കി കാണുമ്പോള്‍, നിങ്ങള്‍ ഒരിക്കലും ഒന്നിലും സന്തുഷ്ടരായിരിയ്ക്കില്ല. അത്തരം ആളുകള്‍ മനപൂര്‍വ്വം നിഷേധാത്മകതയിലേക്ക് ശ്രദ്ധ കൊടുക്കും. അത് അവരുടെ മനസ്സിനെയും അതേ പാതയിലേക്ക് നയിക്കുന്നു. അത് അവര്‍ക്ക് വളരെ മോശമാണ്. എന്തെന്നാല്‍ ഞാന്‍ അത്തരം കമന്റുകള്‍ വായിച്ചിരിക്കില്ല എന്ന് മാത്രമല്ല, ഞാന്‍ എന്റെ ജീവിതവുമായി മുന്നോട്ട് പോകുകയും ചെയ്യും- റൈസ പറഞ്ഞു.

സദാചാര പൊലീസിനെ കുറിച്ച് എന്താണ് പറയാനുള്ളത് എന്ന് ചോദിച്ചപ്പോള്‍, 'എന്നെ സംബന്ധിച്ച് സദാചാരം അഥവാ ധാര്‍മികത എന്നത് അന്തസ്സും സത്യസന്ധതയും ദയയും ദാനവും സഹാനുഭൂതിയും ഒക്കെയാണ്. അത് ആരുടെയെങ്കിലും ശൈലിയല്ല. മോഷ്ടിക്കുക, വഞ്ചിക്കുക കള്ളം പറയുക, തരം താഴ്ത്തുക തുടങ്ങിയവയൊക്കെയാണ് അധാര്‍മികമായി ഞാന്‍ കാണുന്നത്. ഒരു നടി ബിക്കിനി ധരിയ്ക്കുന്നത് തികച്ചും സാധാരണമാണ്. എന്നാല്‍ ഈ ഒരു സാഹചര്യത്തില്‍ ഒരു നടി ബിക്കിനി ധരിയ്ക്കുന്നതിനെക്കാള്‍ വിദ്യാഭ്യാസം പോലുള്ള കാര്യങ്ങള്‍ക്കാണ് ഇപ്പോള്‍ പ്രാധാന്യ നല്‍കേണ്ടത്.

എനിക്ക് ഇഷ്ടപ്പെട്ട വേഷം ഞാന്‍ ധരിയ്ക്കുന്നു. അത് എന്നെ മോശക്കാരിയാക്കുന്നുണ്ടോ. ഞാന്‍ അങ്ങനെ കരുതുന്നില്ല. അതുകൂടാതെ, ഞാന്‍ എന്റെ സോഷ്യല്‍ മീഡിയ പേജില്‍ പോസ്റ്റ് ചെയ്യുന്ന കാര്യം എന്തെങ്കിലും നിങ്ങള്‍ക്ക് ഇഷ്ടപ്പെടാത്തതുണ്ടെങ്കില്‍, എന്നെ ഫോളോ ചെയ്യാതിരിക്കാനുള്ള ഓപ്ഷന്‍ നിങ്ങള്‍ക്കുണ്ട് - റാസിയ വില്‍സണ്‍ പറഞ്ഞു.

### Related Links & Sources
- [Original Story Source](https://moviemax.in/news/2522/an-actress-is-not-wearing-a-bikini)