---
title: "രാജ്യത്തിന്റെ നിഗൂഢ പ്രവർത്തികളിലേക്ക് പ്രേക്ഷകന്റെ ശ്രദ്ധയെ ആകർഷിപ്പിച്ച് 'മെയ്ഡ് ഇൻ '"
english_title: "By drawing the viewer's attention to the mysterious activities of the country"
publisher: "moviemax.in"
canonical_url: "https://moviemax.in/news/2513/by-drawing-the-viewers-attention-to-the-mysterious-activities-of-the-country"
published_at: "2021-10-04T21:49:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/60b5d811dae03_4.jpg"
keywords: []
---

# രാജ്യത്തിന്റെ നിഗൂഢ പ്രവർത്തികളിലേക്ക് പ്രേക്ഷകന്റെ ശ്രദ്ധയെ ആകർഷിപ്പിച്ച് 'മെയ്ഡ് ഇൻ '

> **Lead Summary:** > ലോകത്തിന്റെ ഇന്നത്തെ അവസ്ഥയും നാളത്തെ സത്യവും അറിയിച്ച് എൽ കെ പ്രൊഡക്ഷൻസ് ഇന്റർനാഷണലിന്റെ ബാനറിൽ രാജേഷ് പുത്തൻപുരയിൽ രചന നിർവ്വഹിച്ച് സംവിധാനം ചെയ്ത ഹ്രസ്വ ചിത്രമാണ് "മെയ്ഡ് ഇൻ " . ചിത്രത്തിന്റെ ട്രെയിലർ ഇതിനോടകം ശ്രദ്ധ നേടിക്കഴിഞ്ഞു.ചന്ദ്രൻ പണിക്കർ, സെബാസ്റ്റ്യൻ ജോൺ പേരായിൽ, രാജേഷ് കണ്ണകി , അനിൽ ചാക്കോ , സുരേഷ് ബ്ളാമറ്റം, ഡാർലി സഞ്ജീവ് എന്നിവർ അഭിനയിക്കുന്നു.

## Article Content

> ലോകത്തിന്റെ ഇന്നത്തെ അവസ്ഥയും നാളത്തെ സത്യവും അറിയിച്ച് എൽ കെ പ്രൊഡക്ഷൻസ് ഇന്റർനാഷണലിന്റെ ബാനറിൽ രാജേഷ് പുത്തൻപുരയിൽ രചന നിർവ്വഹിച്ച് സംവിധാനം ചെയ്ത ഹ്രസ്വ ചിത്രമാണ് "മെയ്ഡ് ഇൻ " . ചിത്രത്തിന്റെ ട്രെയിലർ ഇതിനോടകം ശ്രദ്ധ നേടിക്കഴിഞ്ഞു.ചന്ദ്രൻ പണിക്കർ, സെബാസ്റ്റ്യൻ ജോൺ പേരായിൽ, രാജേഷ് കണ്ണകി , അനിൽ ചാക്കോ , സുരേഷ് ബ്ളാമറ്റം, ഡാർലി സഞ്ജീവ് എന്നിവർ അഭിനയിക്കുന്നു.

അന്താരാഷ്ട്രയുദ്ധത്തിൽ കാൽ നഷ്ടപ്പെട്ട് വിശ്രമജീവിതം നയിക്കുന്ന ഒരു റിട്ടയേർഡ് പട്ടാളക്കാരന്റെ പുറംകാഴ്ച്ചകളിലൂടെ തുറന്ന് കാട്ടുന്നത് വരാനിരിക്കുന്ന സത്യങ്ങളെയാണ്. ആപത്തുകൾ കൃത്രിമമായി സൃഷ്ടിച്ചു കൊണ്ട് , ലോകത്തെ മുഴുവൻ വിശ്വസിപ്പിച്ച് കൊണ്ട് ലോകത്താകമാനം ദുരിതം വിതച്ച് കച്ചവടത്തിന്റെ കണക്കുകൂട്ടലുകളും ലാഭവും മാത്രം നോക്കുന്ന ഒരു രാജ്യത്തിന്റെ കൊടുംക്രൂരതകളും കച്ചവട തന്ത്രങ്ങളുമാണ് ഈ ഹ്രസ്വച്ചിത്രത്തിലൂടെ തുറന്നുകാട്ടുന്നത്.

ഏറെ വർഷങ്ങളുടെ കണക്കുകൂട്ടലുകളുടെയും ഗൂഢാലോചനയുടെയും അനന്തരഫലമായി യുദ്ധസമാനമായ ഒരന്തരീക്ഷം സൃഷ്ടിച്ചെടുത്ത് അതിലൂടെ കച്ചവടത്തിന്റെ ഏകാധിപത്യ സ്വഭാവമുള്ള അപകടകരമായ അവസ്ഥയിലേക്ക് ലോകത്തെ കൊണ്ടുപോകാൻ ആഗ്രഹിക്കുന്ന ഒരു രാജ്യത്തിന്റെ നിഗൂഢ പ്രവർത്തികളിലേക്ക് പ്രേക്ഷകന്റെ ശ്രദ്ധയെ ആകർഷിക്കുകയാണ് ഈ ചിത്രം ചെയ്യുന്നത്.

നിർമ്മാണം - എൽ കെ പ്രൊഡക്ഷൻസ് ഇന്റർനാഷണൽ , രചന , സംവിധാനം - രാജേഷ് പുത്തൻപുരയിൽ, ഛായാഗ്രഹണം - ടി ഷമീർ മുഹമ്മദ്, എഡിറ്റിംഗ് - സുജിത്ത് സഹദേവ് , കല- മിൽട്ടൺ തോമസ്, ചമയം - അനൂപ് മൂവാറ്റുപുഴ , കോസ്റ്റ്യും - ടീനാ എൽവിസ്, അസ്സോസിയേറ്റ് ഡയറക്ടർ - അഭയ്കൃഷ്ണ യു , പ്രൊഡക്ഷൻ കൺട്രോളർ - രമേഷ് വെസ്റ്റേൺ സ്പീക്കർ, പശ്ചാത്തലസംഗീതം - യുനസിയോ, ഡി ഐ - രഞ്ജിത്ത് ആർ, സൗണ്ട് സ്പെഷ്യൽ എഫക്ട് - ടീം കെ , ഫൈനൽ മിക്സിംഗ് - ജയ്സൺ കോട്ടകുളം, സ്‌റ്റുഡിയോ - കെ സ്‌റ്റുഡിയോസ് കൊച്ചി, സ്റ്റോറിബോർഡ് - സുധീർ , ക്യാമറ യൂണിറ്റ് - മാർക്ക് ഫോർ , ഡിസൈൻസ് - സജീഷ് എം ഡിസൈൻ, സ്റ്റിൽസ് - ഇക്കുട്ട്സ് രഘു , പി ആർ ഓ - അജയ് തുണ്ടത്തിൽ .

### Related Links & Sources
- [Original Story Source](https://moviemax.in/news/2513/by-drawing-the-viewers-attention-to-the-mysterious-activities-of-the-country)