---
title: "മലയാളത്തിന്റെ യുവതാരങ്ങള്‍ തമിഴിലേക്കും "
english_title: "Malayalam young stars go to Tamil too"
publisher: "moviemax.in"
canonical_url: "https://moviemax.in/news/2483/malayalam-young-stars-go-to-tamil-too"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/60b07910146d4_kunchakko.jpg"
keywords: []
---

# മലയാളത്തിന്റെ യുവതാരങ്ങള്‍ തമിഴിലേക്കും 

> **Lead Summary:** മഞ്ജു വാര്യര്‍, അപര്‍ണ ബാലമുരളി, രജിഷ വിജയന്‍ തുടങ്ങിയ മലയാളത്തിലെ നായികമാര്‍ തമിഴില്‍ ഗംഭീര വിജയം നേടി നില്‍ക്കുകയാണ്. തമിഴ് നായികമാര്‍ക്ക് വെറും ഗ്ലാമര്‍ റോളുകള്‍ മാത്രം ലഭിയ്ക്കുമ്പോള്‍, മലയാളത്തില്‍ നിന്നും പോയവര്‍ക്ക് കിട്ടിയത് അഭിനയ സാധ്യതകളുള്ള മികച്ച വേഷങ്ങളാണ്.

## Article Content

മഞ്ജു വാര്യര്‍, അപര്‍ണ ബാലമുരളി, രജിഷ വിജയന്‍ തുടങ്ങിയ മലയാളത്തിലെ നായികമാര്‍ തമിഴില്‍ ഗംഭീര വിജയം നേടി നില്‍ക്കുകയാണ്. തമിഴ് നായികമാര്‍ക്ക് വെറും ഗ്ലാമര്‍ റോളുകള്‍ മാത്രം ലഭിയ്ക്കുമ്പോള്‍, മലയാളത്തില്‍ നിന്നും പോയവര്‍ക്ക് കിട്ടിയത് അഭിനയ സാധ്യതകളുള്ള മികച്ച വേഷങ്ങളാണ്.

ഇപ്പോള്‍ ഇളയദളപതി വിജയ് നായകനാകുന്ന ചിത്രത്തിലൂടെ ഷൈന്‍ ടോം ചാക്കോ തമിഴിലേക്ക് അരങ്ങേറാന്‍ ഇരിയ്ക്കുകയാണ്. ഷൈന്‍ മാത്രമല്ല. മലയാളത്തിലെ ചില മുന്‍നിര താരങ്ങളും തങ്ങളുടെ തമിഴ് സിനിമയുടെ തിരക്കുകളിലാണ്. ആരൊക്കെയാണെന്ന്  അറിയാം ...

​കുഞ്ചാക്കോ ബോബന്‍

സിനിമാ ലോകത്ത് എത്തിയിട്ട് രണ്ട് ദശകങ്ങള്‍ ആയെങ്കിലും കുഞ്ചാക്കോ ബോബന്‍ ഇതുവരെ മറ്റൊരു അന്യഭാഷ ചിത്രത്തില്‍ അഭിനയിച്ചിട്ടില്ല. ഇപ്പോഴിതാ തമിഴിലും മലയാളത്തിലുമായി ഒരുക്കുന്ന രെണ്ടകം (മലയാളത്തില്‍ ഒറ്റ്) എന്ന ചിത്രത്തിലൂടെ തമിഴിലേക്ക് പോകുകയാണ് ചാക്കോച്ചന്‍. അരവിന്ദ് സ്വാമി ചിത്രത്തില്‍ മറ്റൊരു പ്രധാന വേഷം ചെയ്യുന്നു. വര്‍ഷങ്ങള്‍ക്ക് ശേഷം അരവിന്ദ് സ്വാമി മലയാളത്തിലേക്ക് തിരിച്ചെത്തുന്നു എന്ന പ്രത്യേകതയുമുണ്ട്.

​ഫഹദ് ഫാസില്‍

പ്രതിനായക വേഷത്തിലാണ് ഫഹദ് ഫാസിലും തമിഴിലെത്തിയത്. ശിവകാര്‍ത്തികേയന്‍ നായകനായ വേലൈക്കാരന്‍ എന്ന ചിത്രത്തിലെ വേഷം ഏറെ ശ്രദ്ധിയ്ക്കപ്പെട്ടിരുന്നു. തങ്കരാജന്‍ കുമരരാജ സംവിധാനം ചെയ്ത സൂപ്പര്‍ ഡ്യൂലക്‌സ് എന്ന ചിത്രത്തിലാണ് പിന്നീട് ഫഹദ് അഭിനയിച്ചത്. ഇപ്പോള്‍ കമല്‍ ഹസന്‍ നായകനാകുന്ന വിക്രം എന്ന ചിത്രത്തില്‍ അഭിനയിക്കാന്‍ തയ്യാറായി നില്‍ക്കുകയാണ് വിക്രം.

​ടൊവിനോ തോമസ്

മാരി 2 എന്ന ചിത്രത്തത്തില്‍ ധനുഷിന്റെ ശക്തനായ പ്രതിനായകനായിട്ടാണ് ടൊവിനോ തോമസ് തമിഴകത്ത് പരിചിതനായത്. എന്നാല്‍ അതേ വര്‍ഷം തന്നെ മറ്റൊരു ചിത്രത്തിലൂടെയാണ് ടൊവിനോ തമിഴില്‍ അരങ്ങേറിയത്. തമിഴിലും മലയാളത്തിലുമായി ഒരുക്കിയ അഭിയും അനുവും (അഭിയുടെ കഥ അനുവിന്റെയും - മലയാളം) എന്ന ചിത്രം വേണ്ട രീതിയില്‍ ശ്രദ്ധിയ്ക്കപ്പെട്ടിരുന്നില്ല.

​ജിപ്‌സി

2018 എന്ന വര്‍ഷം സണ്ണി വെയിന് വളരെ പ്രത്യേകതയുള്ളതായിരുന്നു. വിവാഹം കഴിഞ്ഞതും, സണ്ണി തമിഴ് സിനിമയിലേക്ക് അരങ്ങേറിയതുമെല്ലാം ആ വര്‍ഷമാണ്. ദേശീയ പുരസ്‌കാര ജേതാവായ രാജ്മുരുകന്‍ സംവിധാനം ചെയ്ത ജിപ്‌സി എന്ന ചിത്രത്തിലൂടെയായിരുന്നു സണ്ണി വെയിന്റെ തമിഴ് അരങ്ങേറ്റം. ജീവയും നടാഷ സിംഗും കേന്ദ്ര കഥാപാത്രങ്ങളായി എത്തിയ ചിത്രത്തില്‍ കമ്യൂണിസ്റ്റുകാരന്റെ വേഷമായിരുന്നു സണ്ണിയ്ക്ക്.

​റോഷന്‍ മാത്യു

പുതിയ തലമുറയില്‍ ഏറ്റവും പ്രോമിസിങ് ആയിട്ടുള്ള നടനാണ് റോഷന്‍ മാത്യു. ഗീതു മോഹന്‍ദാസ് സംവിധാനം ചെയ്ത മൂത്തോന്‍ എന്ന ചിത്രത്തിലൂടെ ബോളിവുഡില്‍ അരങ്ങേറ്റം കുറിച്ച റോഷന്‍ പിന്നീട് ചോക്കഡ് എന്ന ബോളിവുഡ് ചിത്രത്തിലും വേഷമിട്ടിരുന്നു. ഇപ്പോള്‍ വിക്രം നായകനാകുന്ന കോബ്ര എന്ന ചിത്രത്തിലൂടെ തമിഴില്‍ അരങ്ങേറുകയാണ് യുവതാരം.

### Related Links & Sources
- [Original Story Source](https://moviemax.in/news/2483/malayalam-young-stars-go-to-tamil-too)