കുടുംബ പ്രേക്ഷകരും യൂത്തും ഒരുപോലെ ഇഷ്ടപ്പെടുന്ന താരമാണ് കാവ്യ മാധവൻ. ബാലതാരമായി സിനിമയിൽ എത്തി പിന്നീട് മലയാള സിനിമയുടെ പ്രിയപ്പെട്ട നടിയായി മാറുകയായിരുന്നു. പൂക്കാലം വരവായി എന്ന ചിത്രത്തിലൂടെയാണ് സിനിമ ജീവിതം ആരംഭിച്ചതെങ്കിലും കാവ്യ ശ്രദ്ധിക്കപ്പെട്ടത് അഴകിയ രാവണൻ എന്ന ചിത്രത്തിലൂടെയാണ്. ചിത്രത്തിൽ ഭാനുപ്രിയയുടെ കുട്ടുക്കാലമാണ് നടി അവതരിപ്പിച്ചതെങ്കിലും തന്റെ കരിയർ തന്നെ മറ്റി മറിക്കുകയായിരുന്നു, ഈ ചിത്രത്തിന് ശേഷം നിരവധി അവസരങ്ങൾ നടിയെ തേടി എത്തുകയായിരുന്നു.
ലാൽ ജോസ് സംവിധാനം ചെയ് ചന്ദ്രൻ ഉദിക്കുന്ന ദിക്കിൽ എന്ന ചിത്രത്തിലൂടെയാണ് കാവ്യ നായിക അരങ്ങേറ്റം കുറിക്കുന്നത്. ദിലീപിന്റെ നായികയായിട്ടായിരുന്നു താരത്തിന്റെ തുടക്കം. പിന്നീട് മലയാള സിനിമയുടെ മുൻനിര നായികയായി മാറുകയായിരുന്നു. നടിയുടെ സിനിമകൾ പോലെ സ്വകാര്യ ജീവിതവുംപ്രേക്ഷകരുടെ ഇടയിൽ വലിയ ചർച്ചയായിരുന്നു.
ഇപ്പോഴിത സോഷ്യൽ മീഡിയയിൽ വൈറലാകുന്നത് മനോരമ ന്യൂസിന് കാവ്യ നൽകിയ ഒരു പഴയ അഭിമുഖമാണ്. മഞ്ജു വാര്യരുമായുള്ള സൗഹൃദത്തെ കുറിച്ചും തന്റെ ജീവിതത്തിൽ അപ്രതീക്ഷിതമായി സംഭവിച്ച കാര്യങ്ങളെ കുറിച്ചുമാണ് നടി പറയുന്നത് . ആ പഴയ അഭിമുഖം വീണ്ടും പ്രേക്ഷകരുടെ ഇടയിൽ വൈറലായിരിക്കുകയാണ്,.
വിവാഹത്തോടെ ഒരുപാട് കാര്യങ്ങൾ പഠിച്ചുവെന്നാണ് കാവ്യ പറയുന്നത്. മുൻപ് ആളുകളെ അങ്ങനെ മനസിലാക്കാൻ കഴിഞ്ഞിരുന്നില്ല. ജീവിതത്തിൽ കല്യാണമാണ് എല്ലാമെന്നും അതിനപ്പുറം വേറെയൊന്നുമില്ലെന്നുമൊക്കെയാണ് ചിന്തിച്ചിരുന്നത്. എന്നാൽ അത് മാറി. വിവാഹത്തിന് അപ്പുറം ജീവിതം ഉണ്ടെന്ന് മനസ്സിലായി. പ്രതിസന്ധിഘട്ടത്തിൽ തന്റെ കുടുംബവും സ്നേഹിക്കുന്നവരും തന്നോടൊപ്പം തന്നെ നിന്നിരുന്നു.
ജീവിതത്തിൽ കൂടെ നിൽക്കുന്നവരേയും അല്ലാത്തവരേയും തിരിച്ചറിയാൻ കഴിഞ്ഞു. വിവാഹ മോചനത്തിന് ശേഷം കൂടുതൽ ദൈവ വിശ്വാസി ആയെന്നും കാവ്യ പറയുന്നു. ഞാന് എത്തിയത് തനിക്ക് പറ്റുന്നതല്ലെന്ന് തിരിച്ചറിയാനും അച്ഛന്റേയും അമ്മയുടേയും അരികിലേക്ക് എത്തിക്കാനും ഇടപെട്ടത് ദൈവം തന്നെയാണ്. വീണ്ടും സിനിമയിലേക്കുള്ള തിരിച്ചുവരവൊന്നും അപ്പോൾ പ്ലാന് ചെയ്തിട്ടുണ്ടായിരുന്നില്ല. ഇനി എന്ത് എന്നൊരു വലിയ ചോദ്യം തന്റെ മനസ്സിലുണ്ടായിരുന്നതായും കാവ്യപറയുന്നുണ്ട്.
ദിലീപേട്ടനെക്കാളും തന്റെ വിഷമങ്ങൾ പങ്കുവെച്ചത് മഞ്ജു ചേച്ചിയോടായിരുന്നു. സിനിമ ജീവിതം വീണ്ടു ആരംഭിച്ചപ്പോൾ തനിക്ക് വലിയ പിന്തുണ നൽകിയത് ദിലീപേട്ടനും മഞ്ജു ചേച്ചിയുമായിരുന്നു. സിനിമയിലുള്ള ഒരാളെന്ന നിലയില് മഞ്ജു ചേച്ചിയോടാണ് കാര്യങ്ങള് പറഞ്ഞത്. തന്റെ വിവാഹമോചനവുമായി ബന്ധപ്പെട്ട് ദിലീപേട്ടന്റെ പേര് വലിച്ചിഴയ്ക്കുന്നതില് ഒരുപാട് സങ്കടമുണ്ട്. താൻ നന്നായി അഡജ്സ്റ്റ് ചെയ്യുന്നയാളെന്ന് എന്നെ അറിയാവുന്ന എല്ലാവർക്കും അറിയാം. അത്രയ്ക്ക് പറ്റാതെ വന്നപ്പോഴായിരിക്കാം അവിടെ നിന്ന് പോന്നതെന്ന് അവർക്ക് മനസ്സിലാവുമെന്നുമായിരുന്നു കാവ്യ അഭിമുഖത്തില് പറഞ്ഞു
Content Highlight: Manju shared her worries with Chechi and Kavya's interview went viral
