---
title: " 18 മിനിറ്റോളം തേനീച്ചകളുമായി ആഞ്ജലീന; വൈറലായി ഫോട്ടോഷൂട്ട്"
english_title: "Angelina with bees for 18 minutes; Photoshoot goes viral"
publisher: "moviemax.in"
canonical_url: "https://moviemax.in/news/2450/angelina-with-bees-for-18-minutes-photoshoot-goes-viral"
published_at: "2021-10-04T21:49:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/60a89ff491b3c_anjeleena2.jpg"
keywords: []
---

#  18 മിനിറ്റോളം തേനീച്ചകളുമായി ആഞ്ജലീന; വൈറലായി ഫോട്ടോഷൂട്ട്

> **Lead Summary:** ലോകത്താകമാനം നിരവധി ആരാധകരുള്ള ഹോളിവുഡ് നടിയാണ് ആഞ്ജലീന ജോളി. ഏറ്റവും കൂടുതൽ പ്രതിഫലം വാങ്ങുന്ന അമേരിക്കൻ താരം കൂടിയാണഅ ആഞ്ജലീന. ഇപ്പോഴിതാ നടി സോഷ്യൽമീഡിയയിൽ പങ്കുവെച്ചിരിക്കുന്നൊരു ഫോട്ടോഷൂട്ട് ഏറെ ശ്രദ്ധ നേടിയിരിക്കുകയാണ്. ശരീരത്തിലാകെ തേനീച്ചകളുമായാണ് താരത്തിന്‍റെ ഫോട്ടോഷൂട്ട്.

## Article Content

ലോകത്താകമാനം നിരവധി ആരാധകരുള്ള ഹോളിവുഡ് നടിയാണ് ആഞ്ജലീന ജോളി. ഏറ്റവും കൂടുതൽ പ്രതിഫലം വാങ്ങുന്ന അമേരിക്കൻ താരം കൂടിയാണഅ ആഞ്ജലീന. ഇപ്പോഴിതാ നടി സോഷ്യൽമീഡിയയിൽ പങ്കുവെച്ചിരിക്കുന്നൊരു ഫോട്ടോഷൂട്ട് ഏറെ ശ്രദ്ധ നേടിയിരിക്കുകയാണ്. ശരീരത്തിലാകെ തേനീച്ചകളുമായാണ് താരത്തിന്‍റെ ഫോട്ടോഷൂട്ട്.

ലോക തേനീച്ച ദിനമായിരുന്നു മെയ് 20ന്. ഇതിന്‍റെ ഭാഗമായാണ് നാഷനൽ ജോഗ്രഫിക്കിന് വേണ്ടി നടിയുടെ ഈ വ്യത്യസ്ത ഫോട്ടോഷൂട്ട്. ഫോട്ടോഷൂട്ടിനുവേണ്ടി ഏകദേശം 18 മിനിറ്റോളം താരം തേനീച്ചകളെ ശരീരത്തിൽ ഇരുത്തുകയായിരുന്നു.

പ്രമുഖ ഫോട്ടോഗ്രാഫര്‍ ഡാൻ വിന്‍റേഴ്സ് ആണ് ചിത്രങ്ങൾ പകർത്തിയത്. ഇറ്റാലിയിൽ നിന്നുള്ള തേനീച്ചകളെയാണ് ഫോട്ടോഷൂട്ടിൽ ഉപയോഗിച്ചത്. ആഞ്ജലീനയുടെ ശരീരത്തിൽ ഫെറോമോൺ പുരട്ടിക്കൊണ്ട് തേനീച്ചകളെ ആകർഷിക്കുകയായിരുന്നു. ഇതോടെ ആഞ്ജലീനയുടെ ദേഹത്തും മുഖത്തും ഉള്‍പ്പെടെ തേനീച്ചകള്‍ വന്നിരുന്നു.

ആഞ്ജലീനയ്ക്ക് തേനീച്ചയുടെ കുത്ത് കിട്ടാതിരിക്കുവാനായി ഏറെ ശ്രദ്ധയോടെയാണ് ഡാനും സംഘവും ഫോട്ടോഷൂട്ട് നടത്തിയത്. 18 മിനിറ്റോളം താരം നിശ്ചലയായി നിൽക്കുകയായിരുന്നു. മുഖം മാത്രമാണ് ചലിപ്പിച്ചിരുന്നത്. ഇതോടെ തേനീച്ചകൾ ഏറെ ശാന്തതയോടെ അവരുടെ ദേഹത്ത് നിലയുറപ്പിച്ചു.തേനീച്ചകളുടെ സംരക്ഷണത്തിനുവേണ്ടി യുണെസ്കോ തയ്യാറാക്കിയ ബൃഹത് പദ്ധതിയുടെ ഭാഗമായാണ് നാഷണൽ ജോഗ്രഫിയും ആഞ്ജലീന ജോളിയുമായി ചേ‍ർന്ന് ഫോട്ടോഷൂട്ട് നടത്തിയത്.. 2500ഓളം തേനീച്ചകൂടുകൾ ഒരുക്കി 2025ഓടെ 125 ദശലക്ഷത്തോളം തേനീച്ചകളുടെ കുറവ് നികത്താനാണ് യുനെസ്കോ പദ്ധതി ലക്ഷ്യമിടുന്നത്.

### Related Links & Sources
- [Original Story Source](https://moviemax.in/news/2450/angelina-with-bees-for-18-minutes-photoshoot-goes-viral)