---
title: "പപ്പുവിന്റെ താമരശ്ശേരി ചൊരമെങ്കില്‍ ബിനു പപ്പു സമ്മാനിച്ചത്  ജോയി സാറിനെ "
english_title: "If Pappu's Thamarassery Choram  is Binu Pappu's gift to Joy Sir"
publisher: "moviemax.in"
canonical_url: "https://moviemax.in/news/2402/if-pappus-thamarassery-choram-is-binu-pappus-gift-to-joy-sir"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/60a20c92e034d_.jpg"
keywords: []
---

# പപ്പുവിന്റെ താമരശ്ശേരി ചൊരമെങ്കില്‍ ബിനു പപ്പു സമ്മാനിച്ചത്  ജോയി സാറിനെ 

> **Lead Summary:** ഏറെ പൊട്ടിച്ചിരിപ്പിച്ച ഹാസ്യ നടൻ ആണ് കുതിരവട്ടം പപ്പു.ഭാര്‍ഗ്ഗവി നിലയം എന്ന സിനിമയിലൂടെയാണ് അദ്ദേഹം ശ്രദ്ധ നേടിയത് .നിരവധി കോമഡി കഥാപാത്രങ്ങള്‍ പ്രേക്ഷകര്‍ക്ക് അദ്ദേഹം സമ്മാനിച്ചിട്ടുണ്ട്.നാടകങ്ങളിലൂടെയാണ് സിനിമയിലേക്കുള്ള വരവ്.ഹാസ്യലോകത്ത് അദ്ദേഹത്തിന് പകരം വയ്ക്കാൻ മറ്റൊരാൾ ഇല്ലെങ്കിലും അദ്ദേഹത്തിന്റെ മകൻ ഇന്ന് അഭിനയിച്ച് വിസ്മയിപ്പിക്കുകയാണ് പ്രേക്ഷരെ ഒന്നടങ്കം. ഓപ്പറേഷൻ ജാവ എന്ന സിനിമ കണ്ട ഏതൊരാളുടെ മനസ്സിലും കയറിക്കൂടിയ കഥാപാത്രമാകും ജോയ്. ഒറ്റ ഡയലോഗിലൂടെ എന്നെന്നും ഓർത്തിരിക്കാൻ പറ്റുന്ന കഥാപാത്രം ആയിരുന്നു ബിനു പപ്പു സമ്മാനിച്ച ജോയി. ഇപ്പോൾ പപ്പുവിന്റെ മകന് സോഷ്യൽ മീഡിയ നിറഞ്ഞ കൈയ്യടി നൽകുകയാണ്.

## Article Content

ഏറെ പൊട്ടിച്ചിരിപ്പിച്ച ഹാസ്യ നടൻ ആണ് കുതിരവട്ടം പപ്പു.ഭാര്‍ഗ്ഗവി നിലയം എന്ന സിനിമയിലൂടെയാണ് അദ്ദേഹം ശ്രദ്ധ നേടിയത് .നിരവധി കോമഡി കഥാപാത്രങ്ങള്‍ പ്രേക്ഷകര്‍ക്ക് അദ്ദേഹം സമ്മാനിച്ചിട്ടുണ്ട്.നാടകങ്ങളിലൂടെയാണ് സിനിമയിലേക്കുള്ള വരവ്.ഹാസ്യലോകത്ത് അദ്ദേഹത്തിന് പകരം വയ്ക്കാൻ മറ്റൊരാൾ ഇല്ലെങ്കിലും അദ്ദേഹത്തിന്റെ മകൻ ഇന്ന് അഭിനയിച്ച് വിസ്മയിപ്പിക്കുകയാണ് പ്രേക്ഷരെ ഒന്നടങ്കം. ഓപ്പറേഷൻ ജാവ എന്ന സിനിമ കണ്ട ഏതൊരാളുടെ മനസ്സിലും കയറിക്കൂടിയ കഥാപാത്രമാകും ജോയ്. ഒറ്റ ഡയലോഗിലൂടെ എന്നെന്നും ഓർത്തിരിക്കാൻ പറ്റുന്ന കഥാപാത്രം ആയിരുന്നു ബിനു പപ്പു സമ്മാനിച്ച ജോയി. ഇപ്പോൾ പപ്പുവിന്റെ മകന് സോഷ്യൽ മീഡിയ നിറഞ്ഞ കൈയ്യടി നൽകുകയാണ്.

വെള്ളാനകളുടെ നാട് എന്ന ചിത്രത്തിലെ എഞ്ചിന്‍ ഓപ്പറേറ്ററായ സുലൈമാന്റെ ‘താമരശ്ശേരി ചൊരം’ എന്ന ഒറ്റ ഡയലോഗ് ആണ് പപ്പുവിന്റെ എക്കാലത്തെയും ഹിറ്റ് എങ്കിൽ, മകന്റെ ഒറ്റ ഡയലോഗ് മതി എന്നും എക്കാലവും മലയാള സിനിമ പ്രേമികളുടെ മനസ്സിൽ മായാതെ നിൽക്കാൻ.പ്രണയം എന്ന് പറയുന്നത്, ബാഹ്യ സൗന്ദര്യമല്ല, ആന്തരിക സൗന്ദര്യമാണ് മാത്രമല്ല പ്രണയം എന്നത് ബഹുമാനമാണ് എന്ന് ബിനു ബാലു വർഗീസിനോട് പറയുന്ന ഒരു ഡയലോഗുണ്ട്. ആ സംസാരം ഇന്ന് സോഷ്യൽ മീഡിയയിൽ ഹിറ്റാണ്. മലയാള സിനിമ പ്രേമികൾക്ക് എന്നെന്നും ഓർത്തിരിക്കാൻ കഴിയുന്ന ഒരു കഥാപാത്രമാകും ബിനുവിന്റെ ജോയി.

'ശബ്ദം നല്ല സാമ്യം ഉണ്ട്; നല്ല അഭിനയം. അച്ഛൻ ചിരികൊണ്ട് കീഴടക്കി. പപ്പുവിന്റെ മകൻ കലക്കും. പടം സൂപ്പർ. നിങ്ങള് ങ്ങനെ നിറഞ്ഞ് നിൽക്കാ ഈ അടുത്ത കാലത്ത് ഇങ്ങനെ ഒരു പടം കണ്ടിട്ടില്ല. ഗംഭീരം. ഇത്രയും നാൾ താങ്കൾ എവിടെ ആയിരുന്നു. ,സൂപ്പർ മൂവി,തകർത്തഭിനയിച്ചു, തുടങ്ങി ഒട്ടനവധി അഭിപ്രായങ്ങൾ ആണ് ബിനുവിന് ലഭിക്കുന്നത്.

ഓപ്പേറഷൻ ജാവ എന്ന ചിത്രത്തിൽ സൈബർ സെൽ ഉദ്യോഗസ്ഥൻ ആയിട്ടാണ് ബിനു എത്തുന്നത്. ജോയ് എന്ന കഥാപാത്രത്തെ അത്രയും പെര്ഫെക്ഷനോടെയാണ് ബിനു അവതരിപ്പിച്ചത്.ഒരിക്കൽ പപ്പുവിനെ കുറിച്ച് ബിനു സോഷ്യൽ മീഡിയയിൽ കുറിച്ച വാക്കുകൾ ഏറെ വൈറലായിരുന്നു. 'അച്ഛനെ ഓർക്കുക എന്നത് എളുപ്പമാണ്, അതെന്നും ഓർക്കാറുണ്ട്. എന്നാൽ അങ്ങയെ നഷ്ടപ്പെടുകയെന്നത് ഏറെ തലവേദനയാണ്. അതൊരിക്കലും വിട്ടുപോകുകയില്ല', എന്നാണ് ബിനു ഫേസ്ബുക്കിൽ കുറിച്ചിരിക്കുന്നത്. ഒപ്പം മിന്നാരത്തിലെ പപ്പുവിന്‍റെ കഥാപാത്രത്തിന്‍റെ ചിത്രവും ബിനു ഷെയ‍ർ ചെയ്തിരുന്നു.

ബിനു പപ്പു ഇതിനകം നിരവധി സിനിമകളിൽ നടനായും അസോസിയേറ്റ് ഡയറക്ടറായും പ്രവർത്തിച്ചിട്ടുണ്ട്. പുത്തൻപണം, സഖാവ്, ലൂസിഫര്‍, വൈറസ്, അമ്പിളി, രൗദ്രം 2018, ഹെലൻ തുടങ്ങിയവ ചിത്രങ്ങളിൽ ആയിരുന്നു ബിനു പ്രവർത്തിച്ചത്. ഹിഗ്വിറ്റ, ഓപ്പറേഷൻ ജാവ, വൺ എന്നീ ചിത്രങ്ങളിലൂടെയാണ് ബിനു ബിഗ് സ്‌ക്രീനിൽ തന്റെ സ്ഥാനം കുറച്ചുകൂടി ദൃഢം ആക്കിയത്.

### Related Links & Sources
- [Original Story Source](https://moviemax.in/news/2402/if-pappus-thamarassery-choram-is-binu-pappus-gift-to-joy-sir)