പ്രേക്ഷകർക്ക് വളരെ പ്രിയപ്പെട്ട താരമാണ് ബിനു അടിമാലി. മിനിസ്ക്രീനിലും ബിഗ് സ്ക്രീനിലുമൊക്കെയായി സജീവമായ താരങ്ങളിലൊരാളാണ് ബിനു അടിമാലി. സ്റ്റാർ മാജിക്കിലെ സ്ഥിരം താരങ്ങളിലൊരാൾ കൂടിയായ ബിനു അടുത്തിടെയായിരുന്നു യൂട്യൂബ് ചാനൽ തുടങ്ങിയത്. കലാഭവന് മണിയുടെ വീടും അദ്ദേഹത്തിന്റെ ഓര്മ്മകള് നിറഞ്ഞുനില്ക്കുന്ന സ്ഥലങ്ങളുമൊക്കെയായിരുന്നു പുതിയ വീഡിയോയിലൂടെയായി ബിനു കാണിച്ചത് .
യൂട്യൂബ് ചാനല് തുടങ്ങിയപ്പോള് ആദ്യം ഇവിടേക്കൊക്കെയായിരുന്നു വരേണ്ടിയിരുന്നത്. വൈകിപ്പോയി എന്ന് പറഞ്ഞായിരുന്നു ബിനു അടിമാലി സംസാരിച്ച് തുടങ്ങിയത്. രാമന് മെമ്മോറിയല് കലാഗൃഹത്തിലേക്കായിരുന്നു ആദ്യം ബിനു അടിമാലി പോയത്.
നമ്മുടെയൊരു സുഹൃത്താണ് ഈ പ്രതിമ ചെയ്തത്. ജീവന് തുടിക്കുന്നു എന്ന് പറഞ്ഞ് കേട്ടിട്ടല്ലേയുള്ളൂ. അതേ പോലെയാണ്. മണിച്ചേട്ടന്റെ കൈയ്യൊക്കെ ഇത് പോലെ തന്നെയാണ്.
മണിച്ചേട്ടന്റെ പെങ്ങളുടെ മകനും മിക്രി ആര്ടിസ്റ്റുമായ രഞ്ജിത്ത് എന്റെ അടുത്ത സുഹൃത്താണ്. മണി അവസാനമായി പങ്കെടുത്ത ചാനല് പരിപാടിയില് ഞാനുമുണ്ടെന്നായിരുന്നു ബിനു അടിമാലി പറഞ്ഞത്. അവതാരകന് എന്നൊന്നും പറയാനാവില്ല, ഞങ്ങള് അന്യോന്യം വിശേഷങ്ങള് പങ്കിടുകയായിരുന്നു ആ പരിപാടിയില്.
കൈയ്യുടെ മുട്ടിന്റെ അവിടെ നിന്നായിരുന്നു ബ്ലഡ് വന്നിരുന്നു. അന്നൊരിക്കല് വെള്ളപ്പൊക്കത്തില് ഈ പ്രതിമയും മുങ്ങിയിരുന്നു. അന്ന് ഇതിനകത്ത് എന്തൊക്കെയോ കയറി ബ്ലോക്കായിരുന്നു. അങ്ങനെയാണ് കൈയ്യുടെ അവിടെ പൊട്ടി ബ്ലഡ് പോലെ എന്തോ സംഭവം വന്നത്. ഇതിനകത്ത് എന്തൊക്കെയോ കളറല്ലേ, അതായിരുന്നു ചുവപ്പ് നിറത്തിലുള്ള വെള്ളം വന്നത്. കാണുമ്പോള് ശരിക്കും ബ്ലഡ് പോലെ തന്നെയായിരുന്നു അതെന്നായിരുന്നു രഞ്ജിത്ത് പറഞ്ഞത്.
മണിയുടെ പാടിയിലേക്കും ബിനുവും രഞ്ജിത്തും പോയിരുന്നു. ഈ ഏരിയ മുഴുവനും വെള്ളം കയറിയിരുന്നു. പാടിയില് ഒരു റൂമുണ്ട്, അവിടെയായിരുന്നു അദ്ദേഹം അവസാനസമയത്ത്. അന്ന് ഞാന് മണിച്ചേട്ടന്റെ ഇന്റര്വ്യൂ എടുത്തതും എന്നായിരുന്നു ബിനു അടിമാലി. ഇതാണ് ഞാന് പറയാറുള്ള ചാലക്കുടിപ്പുഴ എന്നായിരുന്നു അഭിമുഖത്തില് മണി പറഞ്ഞത്.
ചാലക്കുടിപ്പാലവും അവിടെ നിന്ന് കാണുമായിരുന്നു. നീ എന്തെങ്കിലും എന്നോട് ചോദിക്കുന്നു, അതേപ്പിടിച്ച് ഞാന് മറുപടി പറയുന്നു എന്നായിരുന്നു അഭിമുഖത്തിന് മുന്പ് മണിച്ചേട്ടന് എന്നോട് പറഞ്ഞതെന്നും ബിനു അടിമാലി പറഞ്ഞത്.
മണിച്ചേട്ടന്റടുത്ത് പറഞ്ഞ് രക്ഷപ്പെട്ടൂടേയെന്ന് മുന്പ് ബിനുച്ചേട്ടന് എന്നോട് ചോദിച്ചിട്ടുണ്ട്. മണിയുടെ പെങ്ങളുടെ മകനല്ലേ, മണിയോട് പറഞ്ഞാല് അവസരങ്ങള് ലഭിക്കില്ലേയെന്ന് ഒരുപാട് പേര് ചോദിച്ചിട്ടുണ്ട്. ആലോചിച്ചപ്പോള് അത് ശരിയാണെന്ന് തോന്നിയെങ്കിലും മാമനോട് അത് പറയാനുള്ള ധൈര്യമില്ലായിരുന്നു. അത്രയും വലിയ പ്രതിഭയില്ല. സിനിമ ചിരിമയുടെ എപ്പിസോഡില് ഞാനും പെര്ഫോം ചെയ്തിരുന്നു. അന്ന് മാമനും സിദ്ദിഖ് സാറുമൊക്കെയുണ്ടായിരുന്നു.
അന്നൊരു ദിവസം മാമനെ കാണാന് ഞാന് പാടിയിലേക്ക് വന്നിരുന്നു. ഞാന് ആരാണെന്ന് ചോദിച്ചപ്പോഴാണ് മാമന് ഞങ്ങള് തമ്മിലുള്ള ബന്ധത്തെക്കുറിച്ചും ഞാന് പങ്കെടുത്ത സിനിമ ചിരിമ എപ്പിസോഡിനെക്കുറിച്ചും പറഞ്ഞത്.
ഇവന് കുഴപ്പമില്ലല്ലോ, നിനക്ക് ഇവനെയൊന്ന് രക്ഷിച്ചൂടേയെന്ന് ചോദിച്ചപ്പോള് ഞാനെന്തിനാണ് ഇവനെ രക്ഷപ്പെടുത്തുന്നത്, ഇവനെന്നോട് ഭയങ്കര വാശിയും ദേഷ്യവുമൊക്കെയാണ്.
ഇവനും എന്റെ അനിയനും വലിയ കലാകാരന്മാരാണ്, ഞാന് അധികമൊന്നും സപ്പോര്ട്ട് ചെയ്തിട്ടില്ല. ഞാന് തന്നെ വളര്ന്ന് വന്നയാളാണ്, അതുപോലെ ഇവരും വളരട്ടെ. നീ ടെന്ഷനടിക്കേണ്ടെന്ന് പറഞ്ഞ് എന്നെ ചേര്ത്തുപിടിക്കുകയായിരുന്നു മാമന്.
നീയൊക്കെ രക്ഷപ്പെടും, ആ ഒരു സമയം വരും എന്ന് മാമന് പറഞ്ഞിരുന്നു. മണിച്ചേട്ടന് പറഞ്ഞത് അദ്ദേഹത്തിന്റെ ജീവിതാനുഭവമായിരുന്നു എന്നായിരുന്നു ബിനു അടിമാലി പറഞ്ഞത്. മണിയുടെ തറവാടും സ്വന്തമായി പണികഴിപ്പിച്ച വീടുമെല്ലാം വീഡിയോയിൽ കാണിച്ചിരുന്നു.
Content Highlight: The reply given by the uncle that day was shocking, about the son-in-law about Kalabhavan Mani
