---
title: "പ്രഭാസ് ചിത്രം, 'രാധേ ശ്യാം' റിലീസ് പ്രഖ്യാപിച്ചു"
english_title: "Now the release date of Prabhas movie has been announced."
publisher: "moviemax.in"
canonical_url: "https://moviemax.in/news/23966/now-the-release-date-of-prabhas-movie-has-been-announced"
published_at: "2022-02-02T11:23:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/61fa1d2ebb14d_radha.jpg"
keywords: []
---

# പ്രഭാസ് ചിത്രം, 'രാധേ ശ്യാം' റിലീസ് പ്രഖ്യാപിച്ചു

> **Lead Summary:** പ്രഭാസ് നായകനാകുന്ന ചിത്രം 'രാധേ ശ്യാമി'നായി കാത്തിരിക്കുകയാണ് ആരാധകര്‍. ഇപ്പോഴിതാ പ്രഭാസ് ചിത്രത്തിന്റെ റിലീസ് തിയ്യതി പ്രഖ്യാപിച്ചിരിക്കുകയാണ്. പ്രഭാസ് തന്നെയാണ് ചിത്രത്തിന്റെ റിലീസ് അറിയിച്ചിരിക്കുന്നത്. മാര്‍ച്ച് 11നാണ് ചിത്രം റിലീസ് ചെയ്യുക.

## Article Content

പ്രഭാസ് നായകനാകുന്ന ചിത്രം 'രാധേ ശ്യാമി'നായി കാത്തിരിക്കുകയാണ് ആരാധകര്‍. ഇപ്പോഴിതാ പ്രഭാസ് ചിത്രത്തിന്റെ റിലീസ് തിയ്യതി പ്രഖ്യാപിച്ചിരിക്കുകയാണ്. പ്രഭാസ് തന്നെയാണ് ചിത്രത്തിന്റെ റിലീസ് അറിയിച്ചിരിക്കുന്നത്. മാര്‍ച്ച് 11നാണ് ചിത്രം റിലീസ് ചെയ്യുക.

കൈനോട്ടക്കാരനായ 'വിക്രമാദിത്യ' എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. നായികാ കഥാപാത്രമായ 'പ്രേരണ'യെയാണ് പൂജ ഹെഗ്‍ഡെ അവതരിപ്പിക്കുന്നത്. ഏറെ കാലത്തിന് ശേഷമാണ് പ്രഭാസ് റൊമാന്റിക് വേഷത്തിലെത്തുന്നത്. രാധ കൃഷ്‍ണ കുമാറിന്റെ സംവിധാനത്തിലാണ് 'രാധേ ശ്യാം'.

ഭൂഷണ്‍ കുമാര്‍, വാംസി, പ്രമോദ് എന്നിവര്‍ ചേര്‍ന്ന് നിര്‍മ്മിക്കുന്നു. യുവി ക്രിയേഷന്‍, ടി - സീരീസ് ബാനറിലാണ് നിര്‍മാണം. എക്‌സിക്യൂട്ടീവ് പ്രൊഡ്യൂസര്‍- എന്‍ സന്ദീപ്.

സച്ചിൻ ഖറേഡേക്കര്‍, പ്രിയദര്‍ശിനി, മുരളി ശര്‍മ, സാഷ ഛേത്രി, കുനാല്‍ റോയ് കപൂര്‍ തുടങ്ങിയവരും പ്രധാന കഥാപാത്രങ്ങളായി എത്തുന്നു. ആക്ഷന്‍: നിക്ക് പവല്‍. ശബ്‍ദ രൂപകല്‍പന: റസൂല്‍ പൂക്കുട്ടി. നൃത്തം: വൈഭവി, കോസ്റ്റ്യൂം ഡിസൈനര്‍: തോട്ട വിജയഭാസ്‌കര്‍, ഇഖ ലഖാനി.

### Related Links & Sources
- [Original Story Source](https://moviemax.in/news/23966/now-the-release-date-of-prabhas-movie-has-been-announced)