---
title: "റിയല്‍ ഭാനുമതിയ്ക്കും മംഗലശ്ശേരി നീലകണ്ഠനും നടുവില്‍  പ്രേക്ഷകരുടെ  ഭാനുമതി ;ചിത്രം വൈറല്‍ "
english_title: "Audience magic between Real Bhanumathi and Mangalassery Neelakanthan; Movie Viral"
publisher: "moviemax.in"
canonical_url: "https://moviemax.in/news/2388/audience-magic-between-real-bhanumathi-and-mangalassery-neelakanthan-movie-viral"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/609f802a91b8c_devasuram pstr.jpg"
keywords: []
---

# റിയല്‍ ഭാനുമതിയ്ക്കും മംഗലശ്ശേരി നീലകണ്ഠനും നടുവില്‍  പ്രേക്ഷകരുടെ  ഭാനുമതി ;ചിത്രം വൈറല്‍ 

> **Lead Summary:** തൊണ്ണൂറുകളില്‍ റിലീസ് ചെയ്ത സിനിമകളും കഥാപാത്രങ്ങളുമെല്ലാം ഇന്നും മലയാളികള്‍ക്ക് ഏറെ പരിചിതരാണ്. അതും മോഹന്‍ലാല്‍ ചിത്രങ്ങളിലെ കഥാപാത്രങ്ങള്‍ പെട്ടന്ന് മനസ്സില്‍ കയറുകയും തങ്ങി നില്‍ക്കുകയും ചെയ്യും.

## Article Content

തൊണ്ണൂറുകളില്‍ റിലീസ് ചെയ്ത സിനിമകളും കഥാപാത്രങ്ങളുമെല്ലാം ഇന്നും മലയാളികള്‍ക്ക് ഏറെ പരിചിതരാണ്. അതും മോഹന്‍ലാല്‍ ചിത്രങ്ങളിലെ കഥാപാത്രങ്ങള്‍ പെട്ടന്ന് മനസ്സില്‍ കയറുകയും തങ്ങി നില്‍ക്കുകയും ചെയ്യും.

തൊണ്ണൂറുകളില്‍ മലയാളത്തിന് ലഭിച്ച മികച്ച സിനിമകളില്‍ ഒന്നാണ് രഞ്ജിത്തിന്റെ തിരക്കഥയില്‍ ഐവി ശശി സംവിധാനം ചെയ്ത ദേവാസുരം എന്ന ചിത്രം. ജീവിച്ചിരിയ്ക്കുന്ന ആളുടെ കഥയാണ് ദേവാസുരം എന്ന ചിത്രത്തിന് വേണ്ടി രഞ്ജിത്ത് എഴുതിയത്. യഥാര്‍ത്ഥ നീലകണ്ഠനും ഭാനുമതിയും ആ സിനിമയുടെ ഷൂട്ടിങ് സമയത്ത് ടീമിനൊപ്പം ഉണ്ടായിരുന്നു. അതിന് തെളിവാണ് ഇപ്പോള്‍ സോഷ്യല്‍ മീഡിയയില്‍ പ്രചരിയ്ക്കുന്ന ചിത്രം.

മോഹന്‍ലാലിന്റെയും ഐവി ശശിയുടെയും കരിയറിലെ മികച്ച ചിത്രമായ അടയാളപ്പെടുത്തപ്പെട്ട ചിത്രത്തില്‍ നെപ്പോളിയന്‍, ഇന്നസെന്റ്, മണിയന്‍പിള്ള രാജു, നെടുമുടി വേണു തുടങ്ങിയവരാണ് മറ്റ് കേന്ദ്ര കഥാപാത്രങ്ങളെ അവതരിപ്പിച്ചത്. 2001 ല്‍ രാവണപ്രഭു എന്ന പേരില്‍ രഞ്ജിത്ത് ദേവാസുരത്തിന്റെ രണ്ടാം ഭാഗം എടുത്തു. രഞ്ജിത്തിന്റെ ആദ്യ സംവിധാന സംരംഭമായിരുന്നു രാവണപ്രഭു.

മോഹന്‍ലാല്‍ നീലകണ്ഠനായി എത്തിയ ചിത്രത്തില്‍ ഭാനുമതിയെ അവതരിപ്പിച്ചത് രേവതിയാണ്. യഥാര്‍ത്ഥ ഭാനുമതിയ്ക്കും നീലകണ്ഠനും നടുവില്‍ സിനിമയില്‍ ഭാനുമതിയായി അഭിനയിച്ച രേവതി ഇരിയ്ക്കുന്ന ചിത്രമാണ് സോഷ്യല്‍ മീഡിയയില്‍ പ്രചരിയ്ക്കുന്നത്. യഥാര്‍ത്ഥ നീലകണ്ഠന്റെ കൊച്ചുമകളും നടിയുമായ നിരഞ്ജനയാണ് ഇപ്പോള്‍ ഈ ചിത്രം പുറത്ത് വിട്ടത്. മുത്തശ്ശനും അമ്മമ്മയ്ക്കും വിവാഹ വാര്‍ഷിക ആശംസ അറിയിച്ച് നിരഞ്ജന പങ്കുവച്ച ചിത്രം സോഷ്യല്‍ മീഡിയയില്‍ വൈറലാവാന്‍ അധികം നേരം വേണ്ടി വന്നിരുന്നില്ല.

### Related Links & Sources
- [Original Story Source](https://moviemax.in/news/2388/audience-magic-between-real-bhanumathi-and-mangalassery-neelakanthan-movie-viral)