---
title: "#mammootty |  ലെ പ്രായം: ഇങ്ങേരെ പറഞ്ഞു മനസ്സിലാക്ക് ഞാൻ വക്കീലുമായിട്ട് വരാ...; സോഷ്യല്‍ മീഡിയയില്‍ തരംഗമായി മമ്മൂട്ടിയുടെ പുതിയ പോസ്റ്റ് "
english_title: "#Mammootty #new #post #making #waves #on #social #media"
publisher: "moviemax.in"
canonical_url: "https://moviemax.in/news/237615/mammootty-new-post-making-waves-on-social-media-new"
published_at: "2024-09-24T10:25:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/66f2463c0b8f0_MAMMOTTY.jpg"
keywords: []
---

# #mammootty |  ലെ പ്രായം: ഇങ്ങേരെ പറഞ്ഞു മനസ്സിലാക്ക് ഞാൻ വക്കീലുമായിട്ട് വരാ...; സോഷ്യല്‍ മീഡിയയില്‍ തരംഗമായി മമ്മൂട്ടിയുടെ പുതിയ പോസ്റ്റ് 

> **Lead Summary:** **ഫാഷ**ന്‍ സെന്‍സില്‍ മമ്മൂട്ടിയെ മറികടക്കാന്‍ മലയാള സിനിമയിലെ ചെറുപ്പക്കാര്‍ക്കുപോലും കഴിയാറില്ലെന്ന് പറയാറുണ്ട്. ഫിറ്റ്നസില്‍ എക്കാലവും ഏറെ പ്രാധാന്യം കൊടുത്തിട്ടുള്ള മമ്മൂട്ടി ഈ 73-ാം വയസിലും ശരീര സംരക്ഷണത്തില്‍ ഗൗരവം കൊടുക്കുന്നുണ്ട്.

## Article Content

**ഫാഷ**ന്‍ സെന്‍സില്‍ മമ്മൂട്ടിയെ മറികടക്കാന്‍ മലയാള സിനിമയിലെ ചെറുപ്പക്കാര്‍ക്കുപോലും കഴിയാറില്ലെന്ന് പറയാറുണ്ട്. ഫിറ്റ്നസില്‍ എക്കാലവും ഏറെ പ്രാധാന്യം കൊടുത്തിട്ടുള്ള മമ്മൂട്ടി ഈ 73-ാം വയസിലും ശരീര സംരക്ഷണത്തില്‍ ഗൗരവം കൊടുക്കുന്നുണ്ട്.

സിനിമയിലെ ഏത് തരം റോളിലും തന്നിലെ അഭിനേതാവിനെ പൂര്‍ണ്ണമായും വിട്ടുനല്‍കാന്‍ അദ്ദേഹത്തിനെ പ്രാപ്തനാക്കുന്ന ഒരു ഘടകവും ഇത് തന്നെ.

സ്ക്രീനിന് വെളിയില്‍ അദ്ദേഹം ധരിക്കുന്ന വസ്ത്രങ്ങള്‍ പലപ്പോഴും സോഷ്യല്‍ മീഡിയയില്‍ വലിയ ട്രെന്‍ഡ് സൃഷ്ടിക്കാറുണ്ട്. ഇപ്പോഴിതാ അത്തരത്തില്‍ മമ്മൂട്ടിയുടെ പുതിയൊരു ചിത്രവും സോഷ്യല്‍ മീഡിയയില്‍ തരംഗം തീര്‍ക്കുകയാണ്.

പ്രിന്‍റുകള്‍ ഉള്ള പ്ലസ് സൈസ് ഹാഫ് സ്ലീവ് ഷര്‍ട്ടും അതേ നിറത്തിലുള്ള പാന്‍റ്സും മാച്ച് ചെയ്യുന്ന ഷൂസും തൊപ്പിയുമൊക്കെയാണ് വൈറല്‍ ചിത്രത്തില്‍ മമ്മൂട്ടി ധരിച്ചിരിക്കുന്നത്. ഒപ്പം സണ്‍ ഗ്ലാസും ധരിച്ചിട്ടുണ്ട്. ഫേസ്ബുക്ക്, ഇന്‍സ്റ്റഗ്രാം, എക്സ് എന്നീ സോഷ്യല്‍ മീഡിയ പ്ലാറ്റ്ഫോമുകളിലൊക്കെ മമ്മൂട്ടി തന്നെയാണ് ഈ ചിത്രം പങ്കുവച്ചത്.

ഫേസ്ബുക്കില്‍ 68,000, എക്സില്‍ 6800, ഇന്‍സ്റ്റയില്‍ 6.14 ലക്ഷം എന്നിങ്ങനെയാണ് ചിത്രത്തിന് ലഭിച്ച ലൈക്കുകള്‍. ഏജ് ഇന്‍ റിവേഴ്സ് ഗിയര്‍ കമന്‍റുകളാണ് ആരാധകരില്‍ അധികവും നല്‍കിയിരിക്കുന്നത്.

[A post shared by Mammootty (@mammootty)](https://www.instagram.com/p/DAQkDrEy2OY/?utm_source=ig_embed&utm_campaign=loading)

#@dqsalmaan ന്റെ അലമാരയിൽ നിന്ന് ഏതോ ഷർട്ട് മിസ്സ് ആയിട്ട ഉണ്ട്.. , ഇടക്ക് വരും ഒരു പോസ്റ്റ് ഇടും , ഇൻസ്റ്റ കത്തിക്കും പോകും .., ലെ ബിഗ്ഗ് ബോസ്സിലെ ലാലേട്ടൻ: അശ്ലീല ആംഗ്യങ്ങൾ കാണിക്കരുത്....! തുടങ്ങി നിങ്ങൾ ഇങ്ങേരെ പറഞ്ഞു മനസ്സിലാക്ക് ഞാൻ വക്കീലുമായിട്ട് വരാ, നമ്മള് ചെയ്യാത്ത റോൾ ഇല്ല ഭായ്, അറിയാലോ മമ്മൂട്ടി ആണ്, എന്നിങ്ങനെ നിരവധി കമെന്റുകളാണ് പോസ്റ്റിന് താഴെ വന്നിരിക്കുന്നത്.

അതേസമയം സിനിമകളുടെ തെരഞ്ഞെടുപ്പിലും നടത്തിയ പ്രകടനത്തിലും ഇന്ത്യന്‍ സിനിമയില്‍ തന്നെ സമീപകാലത്ത് ഏറ്റവും വിസ്മയിപ്പിച്ചുകൊണ്ടിരിക്കുന്ന നടനാണ് മമ്മൂട്ടി. വൈശാഖിന്‍റെ സംവിധാനത്തിലെത്തിയ ടര്‍ബോ ആണ് മമ്മൂട്ടിയുടേതായി അവസാനം എത്തിയ റിലീസ്.

നവാഗതനായ ഡീനൊ ഡെന്നിസിന്‍റെ സംവിധാനത്തിലെത്തുന്ന ബസൂക്ക, ഗൗതം വസുദേവ് മേനോന്‍ സംവിധാനം ചെയ്യുന്ന ഡൊമിനിക് ആന്‍ഡ് ദി ലേഡീസ് പഴ്സ് എന്നിവയാണ് മമ്മൂട്ടിയുടേതായി വരാനിരിക്കുന്ന ചിത്രങ്ങള്‍. ഇതില്‍ ഡൊമിനിക് ആന്‍ഡ് ദി ലേഡീസ് പഴ്സ് ഗൗതം മേനോന്‍റെ മലയാളത്തിലെ സംവിധാന അരങ്ങേറ്റമാണ്.

### Related Links & Sources
- [Original Story Source](https://moviemax.in/news/237615/mammootty-new-post-making-waves-on-social-media-new)