മലയാളത്തിന്റെ പ്രിയ നടി കവിയൂർ പൊന്നമ്മയ്ക്ക് ഇന്നു നാട് വിടനൽകും. കളമശേരി ടൗൺഹാളിൽ പൊതുദർശനം തുടങ്ങി. സിനിമ മേഖലയിലെ പ്രമുഖ താരങ്ങളടക്കം നിരവധി ആളുകളാലാണ് തങ്ങളുടെ പൊന്നമ്മയെ അവസാനമായി ഒരുനോക്കുകാണാനായി കളമശ്ശേരിയിലേക്ക് എത്തുന്നത്.
വൈകിട്ട് 4 ന് ആലുവയ്ക്ക് സമീപം കരുമാലൂരിലെ വീട്ടുവളപ്പിൽ സംസ്കാരം.
കാൻസർ രോഗ ബാധിതയായിരുന്ന കവിയൂർ പൊന്നമ്മയുടെ അന്ത്യം ഇന്നലെ വൈകിട്ട് 5.30ന് ലിസി ആശുപത്രിയിലായിരുന്നു. കവിയൂർ പൊന്നമ്മയുടെ വിയോഗം അറിഞ്ഞു മലയാള സിനിമ മേഖലയിലെ ഏറെപ്പേർ കൊച്ചിയിലെ ആശുപത്രിയിലേക്ക് ഇന്നലെ വൈകിട്ടുതന്നെ എത്തി.
മമ്മൂട്ടി, കേന്ദ്രമന്ത്രി സുരേഷ് ഗോപി, നടൻ ദിലീപ്, നടിമാരായ മഞ്ജു പിള്ള, ജോമോൾ, സരയൂ, സംവിധായകരായ സിബിമലയിൽ, ബി.ഉണ്ണിക്കൃഷ്ണൻ, നടൻ ചേർത്തല ജയൻ ഉൾപ്പെടെയുള്ളവർ ആദരാഞ്ജലിയർപ്പിച്ചു.
#mother's #face #indelible #mind #Public #viewing #Kalamassery #Town #Hall #funeral #evening
