ചെന്നൈ: (moviemax.in)ഹേമ കമ്മിറ്റി റിപ്പോർട്ടിനെക്കുറിച്ച് അറിയില്ലെന്ന് നടൻ രജനികാന്ത്. തമിഴ് സിനിമയിലും ഈ മാതൃകയിൽ കമ്മിറ്റി വേണോ എന്ന ചോദ്യത്തിന് തനിക്ക് അറിയില്ലെന്നായിരുന്നു നടന്റെ മറുപടി.
ഹേമ കമ്മിറ്റിയെ പോലെ തമിഴ് സിനിമയിലും അന്വേഷണം നടത്തണമെന്ന ആവശ്യമുയരുന്ന പശ്ചാത്തലത്തിലാണ് രജനികാന്തിന്റെ പ്രതികരണം.
അതേസമയം മാധ്യമപ്രവർത്തകരും തമിഴ് നടൻ ജീവയും തമ്മിൽ വാക്കേറ്റമുണ്ടായി. നടി രാധിക ശരത്കുമാറിന്റെ വെളിപ്പെടുത്തലിനെ കുറിച്ചുള്ള ചോദ്യങ്ങളാണ് നടനെ പ്രകോപിപ്പിച്ചത്.
തമിഴ് സിനിമാ മേഖലയിൽ പ്രശ്നങ്ങൾ ഒന്നുമില്ലെന്നും മലയാള സിനിമയിൽ മാത്രമാണ് ഇത്തരം പ്രശ്നങ്ങൾ ഉള്ളതെന്നും നടൻ പറഞ്ഞു. തേനിയിലെ ഒരു സ്വകാര്യ ചടങ്ങിൽ പങ്കെടുക്കാനെത്തിയതായിരുന്നു ജീവ.
ഹേമ കമ്മിറ്റി റിപ്പോർട്ട് സംബന്ധിച്ചും നടി രാധികാ ശരത്കുമാറിന്റെ വെളിപ്പെടുത്തൽ സംബന്ധിച്ചും മാധ്യമപ്രവർത്തകർ ചോദ്യങ്ങൾ ഉന്നയിച്ചപ്പോൾ നല്ലൊരു പരിപാടിക്ക് വന്നാൽ ഇത്തരം ചോദ്യങ്ങൾ ഒഴിവാക്കണമെന്നായിരുന്നു ജീവയുടെ മറുപടി.
വീണ്ടും ചോദ്യം വന്നപ്പോൾ തമിഴ് സിനിമയിൽ ഒരു പ്രശ്നവും ഇല്ലെന്നും പ്രശ്നങ്ങൾ മലയാള സിനിമയിൽ മാത്രമാണെന്നും നടൻ പറഞ്ഞു. വീണ്ടും വിഷയത്തിൽ മാധ്യമപ്രവർത്തകർ പ്രതികരണം തേടിയപ്പോൾ ജീവ പ്രകോപിതനാവുകയും മാധ്യമപ്രവർത്തകരുമായി വാക്കേറ്റമുണ്ടാവുകയുമായിരുന്നു.
Content Highlight: #aware #Hema #Committee #Report #Rajinikanth #questions
