---
title: "#nunakkuzhi  | പ്രേമലു വീണു, നുണക്കുഴി ഇനി ആരൊയൊക്കെ വീഴ്‍ത്തും?, റിലീസിന് നേടിയതിന്റെ കണക്കുകള്‍ പുറത്ത് "
english_title: "#basiljoseph #nunakkuzhi #opening #collection #reports #out"
publisher: "moviemax.in"
canonical_url: "https://moviemax.in/news/228663/basiljoseph-nunakkuzhi-opening-collection-reports-out"
published_at: "2024-08-16T11:50:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/66bef04767fa9_premlu.jpg"
keywords: []
---

# #nunakkuzhi  | പ്രേമലു വീണു, നുണക്കുഴി ഇനി ആരൊയൊക്കെ വീഴ്‍ത്തും?, റിലീസിന് നേടിയതിന്റെ കണക്കുകള്‍ പുറത്ത് 

> **Lead Summary:** **ഗു**രുവായൂര്‍ അമ്പലനടയുടെ വമ്പൻ വിജയത്തിന് ശേഷം ബേസില്‍ ജോസഫ് നായകനായതാണ് നുണക്കുഴി. സംവിധാനം നിര്‍വഹിച്ചതാകട്ടെ ജീത്തു ജോസഫും.

## Article Content

**ഗു**രുവായൂര്‍ അമ്പലനടയുടെ വമ്പൻ വിജയത്തിന് ശേഷം ബേസില്‍ ജോസഫ് നായകനായതാണ് നുണക്കുഴി. സംവിധാനം നിര്‍വഹിച്ചതാകട്ടെ ജീത്തു ജോസഫും.

ഇത്തവണ ചിരിക്ക് പ്രാധാന്യം നല്‍കിയാണ് സംവിധായകൻ ജീത്തു ജോസസഫ് എത്തിയിരിക്കുന്നതെന്ന പ്രത്യേകതയുണ്ട്. ഇന്ത്യയില്‍ നുണക്കുഴി മികച്ച ഓപ്പണിംഗ് കളക്ഷനാണ് നേടിയിരിക്കുന്നത് എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

ഇന്ത്യയില്‍ നിന്ന് നുണക്കുഴി 1.7 കോടി രൂപയാണ് നേടിയിരിക്കുന്നത് എന്നാണ് പ്രമുഖ സിനിമ ട്രേഡ് അനലിസ്റ്റുകളാണ് സാക്നില്‍ക്കിന്റെ റിപ്പോര്‍ട്ട്. 2024ലെ സര്‍പ്രൈസ് ഹിറ്റായ പ്രേമലു സിനിമ 90 ലക്ഷത്തോളമാണ് റിലീസിന് നേടിയത്.

അങ്ങനെയിരിക്കെ ബേസില്‍ ജോസഫിന്റെ നുണക്കുഴി സിനിമയ്‍ക്ക് റിലീസിനെ മികച്ച പ്രതികരണമുള്ളതിനാല്‍ ആകെ കളക്ഷനില്‍ വൻ നേട്ടമുണ്ടാക്കാനാകും എന്നാണ് പ്രതീക്ഷ. തിരക്കഥ കെ ആര്‍ കൃഷ്‍ണകുമാറിന്റേതാണ്.

രസകരമായ ഒട്ടേറെ ചിരി രംഗങ്ങളുമായാണ് സിനിമ പ്രേക്ഷകരുടെ പ്രിയം നേടുന്നതെന്നാണ് റിപ്പോര്‍ട്ട്. ബേസില്‍ ജോസഫിന്റെ മാനറിസങ്ങളാണ് നുണക്കുഴി സിനിമയുടെ പ്രധാന ആകര്‍ഷണം.

ആകാംക്ഷ നിറച്ച ചിരി രംഗങ്ങളാണ് ചിത്രത്തില്‍ ഉടനീളം എന്നതും ഒരു പ്രത്യേകതയാണ്. കോമഡിയിലെ ടൈമിംഗില്‍ മികവ് പ്രകടിപ്പിക്കുന്ന താരം ബേസില്‍ ജോസഫിന്റെ നുണക്കുഴി കുടുംബപ്രേക്ഷകരുടെ സിനിമയായും മാറുന്നു.

ബേസിലിനൊപ്പം ഗ്രേസ് ആന്റണിയും സിദ്ധിഖും ബൈജുവും മനോജ് കെ ജയനും അല്‍ത്താഫും സൈജു കുറുപ്പും ഒക്കെ ചിരിക്ക് കൂട്ടായെത്തുമ്പോള്‍ ഇക്കുറി അജു വര്‍ഗീസ് അല്‍പം സീരിയസാണ്.

ഒന്നിനൊന്ന് കോര്‍ത്തിണക്കി പോകുന്ന ചിരി രംഗങ്ങളില്‍ എല്ലാവരും മികച്ച പ്രകടനം നടത്തുന്നുവെന്നാണ് ചിത്രം കണ്ടവര്‍ അഭിപ്രായപ്പെടുന്നതെന്നാണ് റിപ്പോര്‍ട്ട്. ഛായാഗ്രാഹണം നിര്‍വഹിച്ചിരിക്കുന്നത് സതീഷ് കുറുപ്പാണ്. ഉത്സവകാലത്ത് ആര്‍ത്ത് ചിരിക്കാൻ വിഭവങ്ങളുള്ള ചിത്രമാണ് നുണക്കുഴി എന്നാണ് പ്രതികരണങ്ങള്‍ ചൂണ്ടിക്കാട്ടുന്നത്.

### Related Links & Sources
- [Original Story Source](https://moviemax.in/news/228663/basiljoseph-nunakkuzhi-opening-collection-reports-out)