---
title: "ഇരുപത്തിയൊന്നുകാരൻ വിവാഹിതനായാൽ എന്ത് സംഭവിക്കും? 'ആർ യു ഓക്കേ ബേബി' എത്തുന്നു "
english_title: "What happens when a 21-year-old gets married? ‘Are you okay baby’ arrives"
publisher: "moviemax.in"
canonical_url: "https://moviemax.in/news/2228/what-happens-when-a-21-year-old-gets-married-are-you-okay-baby-arrives"
published_at: "2021-10-04T21:49:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/607eb85b57305_are u ok.jpg"
keywords: []
---

# ഇരുപത്തിയൊന്നുകാരൻ വിവാഹിതനായാൽ എന്ത് സംഭവിക്കും? 'ആർ യു ഓക്കേ ബേബി' എത്തുന്നു 

> **Lead Summary:** സീരീസിൻ്റെ പ്രമേയം സാധാരണ കുടുംബത്തിലെ അച്ഛൻ്റെയും അമ്മയുടെയും ഏകമകനായ വാവ എന്ന് പേരുള്ള ഇരുപത്തിയൊന്നുകാരൻ വിവാഹം ചെയ്യുന്നതും തുടർന്ന് നടക്കുന്ന സംഭവങ്ങളുമാണ് സീരീസ് പറയുന്നത്.യൂട്യൂബിൽ വെബ് സീരീസുകൾ ക്ലച്ച് പിടിക്കുന്ന കാലമാണ്. ലോക്ക് ഡൌൺ കാലത്ത് മൊബൈൽ സ്ക്രീനുമായി കൂടുതൽ നേരം പലരും ചെലവഴിക്കാൻ തുടങ്ങിയതോടെയാണ് വിനോദ പരിപാടികളുടെ സ്ഥാനത്ത് വെബ് സീരീസും ശക്തമായ ആധിപത്യം ഉറപ്പാക്കിയത്. ഒന്നിനു പുറകേ ഒന്നായി വേറിട്ട പ്രമേയങ്ങൾ സീരീസുകളിലൂടെ പ്രേക്ഷകരിലേക്കെത്തിയപ്പോൾ പുതിയ പരിപാടികളെ പ്രേക്ഷകർ നിറമനസ്സോടെ ഇരുകൈയ്യും നീട്ടി സ്വീകരിക്കുകയും ചെയ്തു.

## Article Content

സീരീസിൻ്റെ പ്രമേയം സാധാരണ കുടുംബത്തിലെ അച്ഛൻ്റെയും അമ്മയുടെയും ഏകമകനായ വാവ എന്ന് പേരുള്ള ഇരുപത്തിയൊന്നുകാരൻ വിവാഹം ചെയ്യുന്നതും തുടർന്ന് നടക്കുന്ന സംഭവങ്ങളുമാണ് സീരീസ് പറയുന്നത്.യൂട്യൂബിൽ വെബ് സീരീസുകൾ ക്ലച്ച് പിടിക്കുന്ന കാലമാണ്. ലോക്ക് ഡൌൺ കാലത്ത് മൊബൈൽ സ്ക്രീനുമായി കൂടുതൽ നേരം പലരും ചെലവഴിക്കാൻ തുടങ്ങിയതോടെയാണ് വിനോദ പരിപാടികളുടെ സ്ഥാനത്ത് വെബ് സീരീസും ശക്തമായ ആധിപത്യം ഉറപ്പാക്കിയത്. ഒന്നിനു പുറകേ ഒന്നായി വേറിട്ട പ്രമേയങ്ങൾ സീരീസുകളിലൂടെ പ്രേക്ഷകരിലേക്കെത്തിയപ്പോൾ പുതിയ പരിപാടികളെ പ്രേക്ഷകർ നിറമനസ്സോടെ ഇരുകൈയ്യും നീട്ടി സ്വീകരിക്കുകയും ചെയ്തു.

എല്ലാവരെയും പിടിച്ചിരുത്താനായി പുതിയൊരു വെബ് സീരീസ് കൂടി അണിയറയിൽ പുരോഗമിക്കുകയാണ്. 'ആർ യു ഓക്കേ ബേബി' എന്ന് പേരിട്ടിരിക്കുന്ന സീരീസ് പറയുന്നത് യുവാക്കളെയും മുതിർന്നവരെയുമെല്ലാം ഒരുപോലെ ആകർഷിക്കുന്ന പ്രമേയമാണ്. സീരീസിൽ കേന്ദ്ര കഥാപാത്രങ്ങളായി എത്തുന്നത് ത്രീ ഇഡിയറ്റ്സ് മീഡിയയിലൂടെ ശ്രദ്ധേയനായ യുവതാരം ഉണ്ണി ലാലുവും വള്ളി വെബ് സീരീസിലൂടെ പ്രേക്ഷക പ്രീതി നേടിയെടുത്ത പാർവതി ദാസുമാണ്.

ലെനിനും പ്രിൻസി ഡെന്നിയും ചേർന്നാണ് ഈ സീരീസ് സംവിധാനം ചെയ്യുന്നത്. സാധാരണ കുടുംബത്തിലെ അച്ഛൻ്റെയും അമ്മയുടെയും ഏകമകനായ വാവ എന്ന് പേരുള്ള ഇരുപത്തിയൊന്നുകാരൻ വിവാഹിതനാകുന്നതും തുടർന്ന് നടക്കുന്ന സംഭവങ്ങളുമാണ് സീരീസിൻ്റെ പ്രമേയം. വളരെ രസകരമായി സരസമായാണ് സീരീസ് ഒരുക്കിയിരിക്കുന്നത്. ഏതായാലും സീരീസ് പ്രേക്ഷകർ ഏറ്റെടുക്കുമെന്ന് തന്നെയാണ് ഇപ്പോൾ ലഭിക്കുന്ന സൂചന. വിഷു ദിനത്തിൽ സീരീസിലെ ആദ്യ ഗാനം പുറത്ത് വിടാൻ തയ്യാറെടുക്കുകയാണ് അണിയറപ്രവർത്തകർ.

ജാക്ക് എൻ ജിൽ ക്രിയേഷനാണ് സീരീസ് നിർമ്മിക്കുന്നത്. സന്തോഷ് വർമ്മയാണ് ഗാനത്തിന് വരികളൊരുക്കിയിരിക്കുന്നത്. സുമേഷ് പരമേശ്വറാണ് സീരീസിലെ ഗാനത്തിന് സംഗീത സംവിധാനം നിർവ്വഹിക്കുന്നത്. അരവിന്ദ് ദിലീപ് നായരും പ്രിൻസിയും ചേർന്നാണ് ഗാനാലാപനം.

### Related Links & Sources
- [Original Story Source](https://moviemax.in/news/2228/what-happens-when-a-21-year-old-gets-married-are-you-okay-baby-arrives)