എക്കാലത്തും മലയാളികൾക്കും മലയാള സിനിമക്കും മുതൽ കൂട്ടായ നായികയാണ് മഞ്ജു വാര്യർ. സ്കൂൾ കലോൽസവങ്ങളിലൂടെ ശ്രദ്ധ നേടിയ നർത്തകിയായ മഞ്ജുവിനെ തേടി ചെറുപ്പത്തിൽ തന്നെ അവസരം വന്നിരുന്നു. അങ്ങനെ പതിനേഴാം വയസ്സിൽ അഭിനയിച്ച ചിത്രമാണ് സല്ലാപം. ദിലീപ്, മനോജ് കെ ജയൻ എന്നിവരായിരുന്നു മറ്റു പ്രധാന വേഷങ്ങളിലെത്തിയത്. ആ സിനിമയുടെ ഷൂട്ടിംഗ് സെറ്റിലെ രസകരമായ അനുഭവങ്ങൾ പങ്കു വെക്കുകയാണ് മനോജ് കെ ജയൻ.
ഷൂട്ടിംഗ് വേളയിൽ മഞ്ജുവും അമ്മ ഗിരിജയും ചെറുതുരുത്തി ഗസ്റ്റ് ഹൗസിലായിരുന്നു താമസിച്ചിരുന്നത്. സെറ്റിൽ സ്ഥിരമായി തമാശകൾ പറഞ്ഞ് രസിപ്പിക്കുന്നവരാണ് ദിലീപും മനോജ് കെ ജയനും. അങ്ങനെയിരിക്കെ ഇരുവരും ചേർന്ന് മഞ്ജുവിന് ഒരു പണി കൊടുക്കാം എന്ന് തീരുമാനിച്ചു. ചെറുതുരുത്തി ഗസ്റ്റ് ഹൗസിൽ പ്രേതബാധ ഉണ്ടെന്ന് പൊതുവേ ഒരു സംസാരം ഉണ്ടായിരുന്നു. ആ കുപ്രചരണം ഇവർക്ക് ഗുണമായി. ഇതാണ് സാഹചര്യം എന്ന് മനസിലാക്കി മഞ്ജുവിനെ പേടിപ്പിക്കാം എന്ന് ഇരുവരും തീരുമാനിച്ചു.
തലവഴി ബെഡ്ഷീറ്റ് പുതച്ച് ജനലിനു പുറത്ത് ചിലങ്കയുടെ ശബ്ദം പുറപ്പെടുവിച്ചു മനോജും ദിലീപും നടന്നു നീങ്ങിയ രംഗം ഒരു ടി.വി. പരിപാടിക്കിടെ മനോജ് ഓർത്തെടുത്തു. ഈ സമയം മഞ്ജു വാര്യരും കൂടെയുണ്ടായിരുന്നു. 'ദാഹിക്കുന്നു, ഇച്ചിരി രക്തം കിട്ടിയിരുന്നെങ്കിൽ' എന്നായിരുന്നു അന്ന് മഞ്ജുവിനോട് ഇവർ ചോദിച്ചത്. അന്ന് സ്കൂളിൽ പഠിക്കുന്ന കൊച്ചു കുട്ടിയായിരുന്ന മഞ്ജു അതിന് മറുപടി പറഞ്ഞതാണ് ഏറ്റവും ഞെട്ടിച്ചത്.
'ബിസ്‌ലേറി മതിയോ' എന്നാണ് മഞ്ജു ചോദിച്ചത്. "അന്ന് തൊട്ടെ മനസിലായി അത്യാവശ്യം കെണി പരിപാടികളൊന്നും മഞ്ജുവിന്റെ അടുത്ത് നടക്കില്ലെന്ന് ." മനോജ് കെ ജയൻ പറഞ്ഞു. വർഷങ്ങൾക്ക് മുന്നേ നടന്ന ആ സംഭവം ഇന്നും എത്ര രസകരമായാണ് മനോജ് കെ ജയൻ ഓർത്തെടുക്കുന്നത്. മഞ്ജു വാര്യർ അന്നേ മിടുക്കിയാണെന്ന് ഒരുപക്ഷേ അവർക്കും മനസിലായി കാണും. ലോഹിതദാസിന്റെ തിരക്കഥയിൽ സുന്ദർ ദാസ് സംവിധാനം ചെയ്ത ചിത്രമാണ് സല്ലാപം.
മഞ്ജു എന്ന ശക്തയായ സ്ത്രീ സിനിമയിൽ എത്രയെത്ര വേഷങ്ങളിലൂടെയാണ് മലയാളികളെ ത്രസിപ്പിച്ചത്. രാധ, താമര, ഉണ്ണിമായ, ഭാനുമതി, ഭദ്ര അങ്ങനെ ചെയ്തു വെച്ച കഥാപാത്രങ്ങളെല്ലാം പ്രേക്ഷകരെ ഇന്നും ഉള്ളുലക്കുന്ന, ചിരിപ്പിക്കുന്ന, ചിന്തിപ്പിക്കുന്ന വേഷങ്ങളാണ്. കണ്ണെഴുതി പൊട്ടും തൊട്ട് എന്ന ചിത്രത്തിന് ശേഷം പിന്നീട് കണ്ടത് ഹൗ ഓൾഡ് ആർ യു എന്ന ചിത്രത്തിലാണ്.
വിവാഹ മോചനവും പിന്നീട് അഭിനയ ജീവിതത്തിലേക്കുള്ള റീ എൻഡ്രിയും താരത്തിന്റെ ഉയർച്ച വർദ്ധിക്കാൻ ഇടയാക്കിയിട്ടുണ്ട്. ഇന്ന് മലയാളത്തിൽ ഏറ്റവും താരമൂല്യമുള്ള അഭിനേത്രി തന്നെയാണ് മഞ്ജു വാര്യർ. മഞ്ജു മലയാളത്തിനു പുറമേ തമിഴിലും മുൻ നിര താരങ്ങളോടൊപ്പം അഭിനയിച്ചു. ധനുഷ്, അജിത്ത് തുടങ്ങിയ താരങ്ങൾക്കൊപ്പം ശക്തമായ വേഷങ്ങളാണ് താരത്തിന് ലഭിച്ചത്.
#dileep #manojkjayan #planned #prank #manjuwarrior #sallapam #movie #shoot
